بكتب لكم قصتي و اللي سألوني عنها حبيبات قلبي واخواتي في شات عروس مجلس بنات البحرين :adore:
وهي عيديتي لهم في العيد .. " مفاجأة خبر حملي" ..
وتمنياتي لكم كلكم بعيد سعيد وكل عام وانتوا بالف خير ويارب تعجبكم العيديه F:
الله يسلمكم الدوره تأخرت علي و كنت احس باشياء تصير فيني من داخل بس قلت لا كله هذا من الم الدورة و يمكن تنزل اليوم ولا باجر بس ما في فايده ما نزلت المنحوسه ..
وانا كل يوم اقول بروح اخذ اختبار الحمل وبسوي بروحي في البيت وبتأكد لكن ارد اتراجع واقول ما بونس روحي ع الفاضي خخخ
و ساعات اقول بروح المستشفى في دربي و بسوي تحليل لكن بتهوفن واللي هو زوجي ما يهدني في حالي هههه << وتغربلت فيه شلون اسوي وهو وياي
وانا ما ابيه يعرف لان كنت ابي اسوي له مفاجاة في عيد ميلاده ..
فشنو صار !!
يوم من الايام مرضت:sick: و قلت له انت روح الشغل انا تعبانه ما اقدر اداوم بروح بعدين المستشفى .. و اذا ما قدرت بخلي امي توديني لانه اهو اصر ان يوديني و انا ما ابيه يوديني خخخخ
المهم في الاخير اقتنع و راح الدوام و انا نظفت الشقة كامل من غبائي ههه << مع ان كنت حدي تعبانه بس الظاهر هذا بداية اعراض الحمل والنساة ان مايطيق الواحد حتى المكان اللي قاعد فيه ههه
رحت العصر المستشفى عقب ما خلصت الاعمال الشاقة و خذت دش وصلت ودخلت على الدكتورة وقلت لها باللي احسه + تأخير الدورة فقالت لي دايركت نتأكد اذا في حمل اول او لا اخذي الاوراق وروحي المختبر وسوي التحاليل
سويت التحاليل وعقب عشر دقايق او ربع ساعاة نادوني استلم النتيجة واوديها للدكتوره .. خذتهم وقمت اقراهم بروحي << يا زعم افهم في الكودات الطبيه
المهم كانت دايركت النتيجة مطبوعه بستامب احمر و في نص الريبور هههه <<ما يبي لها فهامه !!
برغنسي تست = بوستف !! << ابتسمت لكن قلت يمكن انا فاهمه غلط وما شالتني رجولي هههه ما صدقت وصلت عند الدكتوره
الا هي الثانية تبتسم وتقول لي مبرووووك انتي هامل خخخ << هامل !! اي اي يعني حامل ارتسمت الابتسامه من الاذن الى الاذن وحسيت روحي طايره من الكرسي هههه .. قلت وين اطقها اللحين أرجع البيت ولا اروح عند امي ابشرها ولا شسوي ههه << تدودهت الاخت من هول الصدمة والفرحة لووول .. وصفت لي فيتامينات و غيره .. و من العجلة ما مريت الصيدليه و مشيت من المستشفى ركيض ههه
في هالوقت اتصل بتهوفن و قال لي وينج ؟ انا قريب اوصل البيت خلص الدوام .. قلت له انا قايله لك لا بروح الصالون و انا اللحين في الصالون للحين ما خلصت لووول
وعشان ما اطلع جذابة صدق رحت الصالون وقلت فرصه اغير النفسية << تعدل وتزقرت ورجعت له لووول و اتصلت له في الدرب قلت له اكا خلصت اللحين برجع
وصلت البيت ولا كأن شي صاير .. !! .. دخلت و استقبلني وقال لي تأخرتي قلت له اي لان رحت المستشفى اخذ عذر حق الشغل لان ما داومت اليوم قال اها زين سويتي و سألني مريتي على بيت امج قلت له لا ما صار عندي وقت << تقولون حاس !!
المهم تعشينا وقعدنا انطالع التلفزيون و في هالوقت كنا نسولف وانا مجوده روحي ما ابي اقول قلت كلها يومين ويصير عيد ميلاده وافاجاه .. ما اسمع الا واحد يقول لي سمعي انا صار لي دهر اقول لج هالسنة عيد ميلادي لا تسوين لي مثل السنة اللي طافت انا ما ابي شي اهم شي وجودج وياي .. وهذا انا اوصيج من اللحين ولا شي ولا صدق بزعل !! << قلت ياربي شفيه ههه
المهم قلت له اوكي لا توصي حريص .. بس الدكتوره اليوم قالت لي لازم اعطيك هديه !! هههههههه << فتح عيونه الثنتين .. قال والدكتوره شعرفها ان عيد ميلادي هههه !!
قلت له ما ادري بس هي قالت ان في بطنج هدية اعطيها زوجج يوم عيد ميلاده !! << قال في بطنج قلت له اي هني هني خخخخ وانا اشر
وهو ضايع في الطوشه يقول لي يعني ... يعني .. انتي حامل ؟؟ !!<< توه استوعب .. صباح اخير لووول
قلت له اي انا حامل وهالمره هديتك في بطني تكبر و بتستلمها عقب تسعة اشهر :)
تشقق الاخ وقام يناطط و شوي يشيلني وياه وقال ما اصدق تمزحين قلت له اي امزح اقعد شفيك .. << صاده احباط عباله قصيت عليه هههه
قعد الا اقول له يوم عيد ميلادك بقول لك امزح او صدق << قال لا لا اللحين
قلت له صدق حامل ما امزح وبراويك الريبورت عقب باجر لين رحنا نحتفل عشان تصدق
قام حضني و شوي ويصيح واعليا وبيني وبينكم انا إلي قمت اصيح وعيوني ما وقفت دموع من فرحتنا و لله الحمد وخصوصا انه كان متلهف ومتشوق ان يصير ابو << والله رزقه وحقق اللي بخاطره
واحتفلنا بعدها بيومين بعيد ميلاد زوجي وراويته التقرير و ختم النتيجة الايجابية ..وكان شعور لا يوصف ولا تعبر عنه اي كلمه بالكون
ويارب الله يثبت لي جنيني الى حين موعده ويرزقني بمولود سليم معافى من كل شر ومرض وتشوه يارب العالمين اللهم امين
وسلامتكم ..
مسامحة طولت عليكم سالفتي
دعواتكم لي
عيدية العيد -بشارة حملي-
س
25-11-2009 | 12:45 PM
ي
25-11-2009 | 12:52 PM
مبرووووووووووووك سنفونية الله يمرر هالشهور على خير وتشوفين البيبي قدامج وتفرحين فية يارب..
س
25-11-2009 | 12:54 PM
:) الله يسمع منج يتوووم .. ويسلموو ع المرور و الدعوت الحلوة
ويارب انتي بعد الله يتمم لج عل خير
ويارب انتي بعد الله يتمم لج عل خير
ع
25-11-2009 | 12:55 PM
خلف جبدي و بعد قلبي سوسو
الحمدلله رب العالمين تستاهلين كل خير :)
لا تنسين انا كنت كله اقول لش انش حامل مو ;)
فرحت لش من قلبي خيو
و تاثرت بقصتش بعد تخيلي طاحت دموع :'(
شسوي قلبي رهيف :D
يلا عقبال ما نشوف البيبي في اللفة :rolleyes:
الحمدلله رب العالمين تستاهلين كل خير :)
لا تنسين انا كنت كله اقول لش انش حامل مو ;)
فرحت لش من قلبي خيو
و تاثرت بقصتش بعد تخيلي طاحت دموع :'(
شسوي قلبي رهيف :D
يلا عقبال ما نشوف البيبي في اللفة :rolleyes:
W
25-11-2009 | 12:55 PM
مبروووووووووووووووك حبيبتي جتني الصيحه واتخيلكم هههههههههههه اله يثبت لش يارب وتفرحون بالمولود
ب
25-11-2009 | 12:56 PM
واااااااااااااااي سوسو... حسيت بقشعريرة في جسمي كله....وآنه آسألج اذا ياتج وانتي اتقولين ايه، ها8o|؟
آآآآآآآآيه عليج حبيبتي، بس عاد لا اتروحين تجمع الحمل واتهديني في الميلس ابروحي، تعودت عليج كل يوم
يا الله، اذا بغيتي اي شي سأليني>>> أقدم منج :p
الا ما قلتي، في اي اسبوع احين؟ السادس؟ السابع؟
وطبعاً نسيت، الله ايتمم لج على خير يا ربي وتفرحين بشوفته... بس حاسبي على نفسج زين اما زين، وخاصة الدرج، ركبيه اعتبة اعتبة ;)
آآآآآآآآيه عليج حبيبتي، بس عاد لا اتروحين تجمع الحمل واتهديني في الميلس ابروحي، تعودت عليج كل يوم
يا الله، اذا بغيتي اي شي سأليني>>> أقدم منج :p
الا ما قلتي، في اي اسبوع احين؟ السادس؟ السابع؟
وطبعاً نسيت، الله ايتمم لج على خير يا ربي وتفرحين بشوفته... بس حاسبي على نفسج زين اما زين، وخاصة الدرج، ركبيه اعتبة اعتبة ;)
D
25-11-2009 | 12:58 PM
الف مبروووووووووووووك اختي ، ربي يتمم لج على خير ان شاء الله وتفرحون بشوفة ضناكم سالم معافى ومن الذرية الصالحه :)
ه
25-11-2009 | 01:01 PM
الف مبروك
عقبال ماتحملينه يارب
عقبال ماتحملينه يارب
س
25-11-2009 | 01:05 PM
عذابي فديتج ..اي انتي اكثر وحده شاكه فيني وكاى تقولين يمكن حامل وانا اسوي روحي جني ما سمعت عمك اصمخ لووول
هههه لان كنت ابي اخبركم كلكم و استانس وياكم
والحمدلله فرحتكم وياي تحسسني اني صدق عزيزه وغاليه عليكم
+
ورد عقبالج يارب تزوجين قرب و تعيشين هالشعور .. والله يسمع منج يارب
+
ملتزمة ههه لا تذكريني يوم اللي سألتيني حسيت ارتفعت درجة حرارتي وقلت خلاص كشفتني ملتزمة لوول
بس هو نزلت علي دورة بس مو طبيعيه كانت و عقبها خلاص مانزلت الشهر اللي عقبه
و نتيجة الحمل ما طلعت مدة الحمل بس رحت سويت في النور التخصصي تلفزيون .. الدكتوره حسبت على طريقتهم طلع لي 6 اسابيع
وبالتلفزيون 8 اسابيع ..واللحين انا ما ادري امشي على اي حسبه !!
واكيد بلجا لج انتي اخبر يعني بكم اسبوع قبلي هههه
هههه لان كنت ابي اخبركم كلكم و استانس وياكم
والحمدلله فرحتكم وياي تحسسني اني صدق عزيزه وغاليه عليكم
+
ورد عقبالج يارب تزوجين قرب و تعيشين هالشعور .. والله يسمع منج يارب
+
ملتزمة ههه لا تذكريني يوم اللي سألتيني حسيت ارتفعت درجة حرارتي وقلت خلاص كشفتني ملتزمة لوول
بس هو نزلت علي دورة بس مو طبيعيه كانت و عقبها خلاص مانزلت الشهر اللي عقبه
و نتيجة الحمل ما طلعت مدة الحمل بس رحت سويت في النور التخصصي تلفزيون .. الدكتوره حسبت على طريقتهم طلع لي 6 اسابيع
وبالتلفزيون 8 اسابيع ..واللحين انا ما ادري امشي على اي حسبه !!
واكيد بلجا لج انتي اخبر يعني بكم اسبوع قبلي هههه
m
25-11-2009 | 01:05 PM
الف مبروك خيوه والله يثبته لش وتفرحين بحمله بين ايدينش كامل مكمل ان شاء الله رب العالمين :)
جان صبرتين هاليومين خخخخ
جان صبرتين هاليومين خخخخ
W
25-11-2009 | 01:06 PM
مبرووووووووك سوسو الله يثبت حملش ان شاء الله وتفرحين بولدش او بنتش المهم يكون معافى واحلى عيديه بصراحه فرحتينا الله يفرح قلبش
ا
25-11-2009 | 01:06 PM
مبرووووووووووووك والله صحت من الفرحة واتخيلش شلون تقولين له :)
س
25-11-2009 | 01:06 PM
Daloo3t_Obooy
الله يبارك بحياتج يارب .. والله يسمع منج ويقر عيني بشوفته ويجعله من الصالحين
يسلموو ع المرور الحلو
الله يبارك بحياتج يارب .. والله يسمع منج ويقر عيني بشوفته ويجعله من الصالحين
يسلموو ع المرور الحلو
و
25-11-2009 | 01:12 PM
شعور لا يوصف حسيت جسمي يقشعر ودموعي وياج لما طاحت دموعج :'(
تستاهلين يالطيبة ويستاهل بتهوفن
قولي له كل بنات عروس يهنونك فيني وفي البيبي والله يحفظكم ان شاء الله
الله يثبته لج ويرزقج بطفل سليم:)
تستاهلين يالطيبة ويستاهل بتهوفن
قولي له كل بنات عروس يهنونك فيني وفي البيبي والله يحفظكم ان شاء الله
الله يثبته لج ويرزقج بطفل سليم:)
ز
25-11-2009 | 01:13 PM
الف مبرووووك عزيزتي
قصتج حلوه خخ
الله يجعله حمل سليم ثابت يارب ويقومج بالسلامه
قصتج حلوه خخ
الله يجعله حمل سليم ثابت يارب ويقومج بالسلامه
ا
25-11-2009 | 01:16 PM
الله يثبت لش جنينش خيوتي
ويفرحكم بجوفته معافى سليم
والله فرحتي لش ما تنوصف
ذكرتيني بيوم عرفت إني حامل
تقريبا ً نفسش بس أني كانت في عيد الحب
حطيت له التقرير مال الحمل وصورة الجاهل بعد بالالترا ساوند في بوكس احمر وشريت له ورود حمران يا زعم هدية عيد الحب
وصرخ علي يومها وقال لي جيف انتين من هذلين اللي يحتفلون بهالأعياد البايخة .. صراحة انحرجت وزعلت بس قلت يالله بمشيها ليه الحين وأكيد بيتأسف لين درى شالسالفة
وعقب معاناة مني انه يقبل الهدية ويفتحها ووعود إنها بتكون آخر مرة رضى يفتحها ويوم قراها وجافها شوي ويغمى عليه .. وأني من الفرحة قمت أصيح بروحي بدون ما يقول لي أي شي ...
والحمد لله على كل حال
ويفرحكم بجوفته معافى سليم
والله فرحتي لش ما تنوصف
ذكرتيني بيوم عرفت إني حامل
تقريبا ً نفسش بس أني كانت في عيد الحب
حطيت له التقرير مال الحمل وصورة الجاهل بعد بالالترا ساوند في بوكس احمر وشريت له ورود حمران يا زعم هدية عيد الحب
وصرخ علي يومها وقال لي جيف انتين من هذلين اللي يحتفلون بهالأعياد البايخة .. صراحة انحرجت وزعلت بس قلت يالله بمشيها ليه الحين وأكيد بيتأسف لين درى شالسالفة
وعقب معاناة مني انه يقبل الهدية ويفتحها ووعود إنها بتكون آخر مرة رضى يفتحها ويوم قراها وجافها شوي ويغمى عليه .. وأني من الفرحة قمت أصيح بروحي بدون ما يقول لي أي شي ...
والحمد لله على كل حال
ب
25-11-2009 | 01:17 PM
الف مبروووووووووووووووك خلف جبدي وعقبال ماتحملينه بايدش ان شاءالله
الله يثبت حملش ويسهل امرش عمري حسبي الله على بليسش خليتني اصيح واتفاعل هههههههههههههههه اما انها صدق احلى عيدية
الله يثبت حملش ويسهل امرش عمري حسبي الله على بليسش خليتني اصيح واتفاعل هههههههههههههههه اما انها صدق احلى عيدية
ا
25-11-2009 | 01:30 PM
الف الف الف
مبرووووووووووووووك فديتج
ربي يتتم لج على الخير
وتشيلين بحضن يارب
مبرووووووووووووووك فديتج
ربي يتتم لج على الخير
وتشيلين بحضن يارب
س
25-11-2009 | 01:33 PM
mroom
البنات ما خلوني وكشفوني ههه .. من جذي قلت لهم بعطيكم العديده من اللحين :)
و يسلموو ع لمرور و الدعوات الحلوة .. ما قصرتوا .. الله يسمع منكم يارب
البنات ما خلوني وكشفوني ههه .. من جذي قلت لهم بعطيكم العديده من اللحين :)
و يسلموو ع لمرور و الدعوات الحلوة .. ما قصرتوا .. الله يسمع منكم يارب
س
25-11-2009 | 01:35 PM
العروس الفاتنة فرحني مرورج
و يسلمووو ع التفاعل و الرد .. والله يبارك بحياتكم يارب كلكم
وعقبال كل العرايس يارب
+
ايه احبك مشكوره بعد قلبي الله يسمع منج و يارب نشوفج عروس قريب بعد و تبشرينا جذا بشاير تفرح قلبنا
واسعدني جدا مرورج وردج
و يسلمووو ع التفاعل و الرد .. والله يبارك بحياتكم يارب كلكم
وعقبال كل العرايس يارب
+
ايه احبك مشكوره بعد قلبي الله يسمع منج و يارب نشوفج عروس قريب بعد و تبشرينا جذا بشاير تفرح قلبنا
واسعدني جدا مرورج وردج