مرقة البيض المسلوق .. طبق هندي جديد من مطبخ أم المهند للمأكولات السبايسية .. حياكم

السلام عليكم ورحمة الله وبركاته ،،

كل عام وأنتم بخير إن شاء الله ،،

أهلاً وسهلاً بكم من جديد في مطبخي للمأكولات الهندية :biggrin: ..

مثل كل مرة ، أحاول أجيب لكم أطباق سهلة وخفيفة عشان ما تتعبون من وقفة المطبخ :p ..

طبعاً مثل ما هو مبين بالعنوان ،، طبقنا هو ( مرقة البيض المسلوق ) ..

حياكم نشوف المقادير والطريقة ،، :)

بسم الله نبدأ .. :)


بيض مسلوق ،،












خضار مكونة من : حبة بصلة + بقدونس + فلفل أخضر مشطط + فصين ثوم مهروسين + فلفل حلو ..












البهارات عبارة عن نص ملعقة صغيرة من : الملح + الكركم + فلفل أسود + بهار هندي + زنجبيل ناعم + كمون ،،












الطريقة ،، :)

في صفرية ،، نحمس جميع الخضار بملعقتين سمن وليس زيت انتبهوا ،، لأن السمن يعطي للمرقة نكهة يمي .. :thumbs_up:












بعد ما تذبل الخضار نحط طماطم مقطعة مربعات ،، F:











في الأثناء اللي يستغرق فيها الطماطم عشان يذبل ، نقلي البيض اللي سبق وسلقناه :lol: ،، ايه لا تتفاجأوا نقليه في زيت زيتون :D .. راح تحسوا وانتوا تاكلون هالطبق كأنكم تاكلون نوعين من البيض ،، مسلوق ومقلي في آن واحد :biggrin: ..











وهنا في مرحلة ذبول الطماطم ،، نحط البهارات على طول ..











ثم ملعقتين معجون الطماطم ،،












ثم ملعقة واحدة زبادي ( روب ) .. <<< سر نكهة كل مرقة هندية لااازم يحطون لها زبادي عشان القوام واللون البرتقالي الجميل اللي يضفيه والأهم من كل هاي الطعم الجناااان ،، :adore:










وهاي اللون اللي أقصده :-o ..











ثم نضيف البيض ( المسلوق والمقلي ) :D ..











وبكذا نكون خلصنا طبقنا الشهي ،، وبإمكانكم تاكلونه ويا الرز أو الخبز ،، وممكن على الغدا أو العشا :thumbs_up: ،،


وهاي اللوك الأخير لطبقنا مع الرز :lol: ..




















وصحتين وعافية على قلوبكم الحلوة يا رب ،، أتمنى تجربوا الطبق لأنه جد شهي ومميز وتجديد من الأطباق المعتادة <<< تقصد اللحم والدجاج :worn_out: ..

لا تحرموني من دعواتكم الطيبة بارك الله فيكم ، وإن شاء الله لكم بمثلها وأكثر ،، :L: