أكيد صار لك موقف مضحك/محزن/ محرج/ وقت وأنتي رايحه المستشفى (للولاده)تعالي وشاركينا!!

افا ولا رد

الله يسامحكم يابنات

:'(:'(:'(:'(

بالانتظار معاج تجارب الاخوات

up up up

وايد حلو موضوعج اختي صراحه :)
في انتظار مشاركات الخوات ، انا ليحين بكريه ادعي ربي يسهل علينا ان شاء الله ...

أختي ولا تزعلين..
يمكن كل اللي دخلوا بكريات وما معاهم تجارب..

أنا راح أبتدي ولا يهمك..

أنا لا صادني لا موقف محرج ولا محزن ولا مضحك.. بس صار موقف ليلة ولادتي للحين أتذكره وأقول أنا ربي سهل ولادتي ببركات دعاء هالناس..

آخر شهر لي زوجي نصحني أروح عند أهلي لأن لو صار لي شي وأنا لوحدي وهو احتمال بالشغل او شي من هالنوع بس عند أهلي تكون امي قريبة مني وتعرف تتصرف ان شاء الله.. (للعلم أنا الوحيدة من خواتي أمي تعرف بولادتي في وقتها لأنها تخاف من هالموضوع)..

صار زوجي ما ينام في البيت لوحده وانا عند اهلي تقريباً اسبوعين.. وطبعاً اشتاق له بس هو ما يرضى ينام عند اهلي عشان لازم يجيب اغراضه من البيت وشغلات من هالنوع ثانياً ما يعرف ياخذ راحته مثل البيت..

كان يجيني يومياً بس بالليل يرجع الشقة ينام.. وانا هذيك الليلة مثل كل ليلة أروح أمشي معاه في الممشى لأن آخر شهر لي وصرت أتمشى يومياً بعد ما زهقت من الحمل كله ونفسي أولد بسرررعة..
في رجعتنا رحت الشقة وأخذت شاور ونظفت جسمي من الشعر سبحان الله كأني حاسة راح أولد.. مع ان موعدي باقيله اسبوع تقريباً..

وخلاص رجعني لبيت اهلي وانا في الطريق أقول له يمكن اولد الليلة تعال معي اليوم نام.. قال ما باين عليج اي علامة ما فيج اي شي.. وبالطريق شفنا باص صغير كله نسوان كانوا رايحين لعرس والإطار منفجر عندهم ومو عارفين يتصرفون وهم بالشارع..
وقف زوجي يشوف وش الموضوع عشان يساعدهم لأن ما معهم رجال..

بدّل لهم الإطار ويطلع الإطار الاحتياطي بعد خاف هواه .. ههههههههه .. كملت والله..
وانا بالسيارة استحيت انزل اشوف الموضوع.. بس زوجي اضطر ان يروح محطة البترول ينفخ الاطار ويجيبه وقال لي اذا تبين انزلي مع الحريم سولفي معاهم.. قلت له لا.. مابي أستحي..

وهو توه بيمشي جوا 3 وحدات من اللي بالباص سلموا علي وشافوني وانتبهوا لبطني منفوخ خخخ

بعدين تميت وياهم لأن هم بدءوا بالكلام وما حسيتها عدلة اروح واخليهم ينتظرون وحدهم.. وهم يقولون لي .. يا رب تولدين الليلة وربي يسهل عليج.. وانا اقول ان شاء الله.. بس بيني وبين نفسي مو مقتنعة راح اولد الليلة ههه
الا تقول لي اكلي تمر وايد.. واللي تقول لي شربي حليب الزعفران .. وهيك نصايح يعني..

خلص زوجي الموضوع ونزلني بيت اهلي ورااااااح وانا اترجاه يظل.. بس راح..
وانا اسولف ويا امي قاعدة ع السرير تحركت الا احس بصوت والماي ينزل عليييي!!
استغربت بس عرفت انها علامة من علامات الولادة مع ان ما كنت أحس بطلق.. ودتني امي المستشفى وانا في الطريق اتصلت لبو الشباب.. اقول له ما قلت لك ظل وياي الليلة بولد؟
يقول لي شلون؟ قلت له انا رايحة اولد تعال لي هههههههههههه

وعاد يوم رحت المستشفى وفحصوني كان مفتوح 3سم.. ودخلوني الولادة على طول وانا مستغربة الحين هذا حالة اللي يولدون؟؟ ههه
ما كنت أدري بالجاي.. بعد ساعتين حمى علي الطلق وفي النهاية جبت عصومتي الحمدلله..

بصراحه صار لي موقف محزن يوم حسيت بالام الطلق رحت اصحي زوجي وانا ابكي من الخووف وصوتي كان شوي عالي هو زعل مني يحسبني اصرخ عليه وانا اصرخ من الخوف والالم لاني بكريه وبس ان شاء الله يكون فهمني ولما اذكره بالموضوع يضحك يااابرووودهم الرجال

انا لما يجي يومي و اذا صار لي موقف اكيد برجع و بكتب لك
ههههههههه

عن نفسي الموقف محرج صادني بالولادة

كنت ماعرف اي شيء عن الولادة يوم حمى علي الطلق اصرخ على القابلة ابي اروح الحمام

واهي تقول لا ماتروحين اجيب لش قيصرية وانا اصرخ واقول لا ابي الحمام بموووت

ماااااااااااااساه كان الوضع وبعدين اهو راس البيبي بيطلع

هههههههههههههههههه

بنت الاصايل و الله قصتك تضحك و حمد الله على السلامة

بنت القمر مبروك و حمد الله على السلامة و الرجال اصلا ابرد ما خلق الله من مخلوقات

ام سيد سليمان حمدالله على السلامة و زين قلتي لنا عشان ما نروح نسوي نفسك هههههههههه

الموقف المحرج اللي صارلي كنت بغرفة الولادة توني 2 سم ورحت الحمام وعلي روب الولادة ويوم جيب بطلع الا عمي وعمتي بوجهي يا الله احراج على طول سكرت الباب وتوهقت والحمدلله عمتي عطتني عباتي هههههههههههههه
لان روب الولادة تحت الركبه بشوي ومفتوح من ورا

انا في وحدة من ولاداتى لاحظو وحدة معناتها كلها مواقف المهم كنا رايحين المسيشفى وهو يسولف يبى يشغلنى عن الالم الا وذيك المطبة اللة لا يوريكم طرت من المرتبة وصقع راسى فوق اهو انهبل وخاف وما درى ويش يسوى وان حسيت ان بطنى انشلع طبعا بنتى حياتى الى جبيه قعدت فى العناية 15 يوم وسلامتكم

انا لحد الان ماصار لي موقف
بعدي مااحمل
ان شاء الله احمل واولد
واجي اكتب لكم

موضوع حلو وطيب

مبرررررررررررررررررررررروك عا الحمل والولادة وعقبال الي ماالمحرومات ومن جد موضوعك حلوووو
ادعولي ان ربي يعوضني بززوج صالح
اللة يهنيكم

مشكورات حبيباتي والله قصصكم تضحك

الله يتمم لباقي الكروشات

والله يسهل عليهم ولادتهم

وعقبال اللي منتظرين الحمل