قرحة الرحم معلومة جداً مهمة لاتفوتكم....

السلام عليكم ورحمة الله وبركاته

كيفكم بنات انشاء الله بخير

عرفت معلومة جدا مهمة عن قرحة الرحم

اول بحكي لكم ايش صار لي

الين وصلت لهالمعلومة اللي ريحت قلبي

انا صار لي شهر اراجع عند دكتورة اول اسبوع رحت لها كنت تعبانة واشتكي من الم بظهري

والالام في اسفل بطني

فكشفت علي وقالت لي عندك قرحة في الرحم

واعطتني علاج

وبعد عشر ايام راجعتها وقالت لي ان القرحة خفت وماتحتاجي لكوي بس تابعي العلاج كمان اسبوع

وبعد اسبوعين رحت لها قالت لي ان القرحة رجعت ولازم تكوي

المهم انا مرة قلقلت من كلامها وماارتحت له

وامس راجعت دكتورة ثانية وأعطتني هالمعومة اللي بردت قلبي

قالت لي ان حبوب منع الحمل تسبب طبقة حمراء في جدار الرحم واغلب الاطباء يفتكروها قرحة
وطالما انتي مستمرة على الحبوب فماتروح الا اذا تركت الحبوب يعني حتى لو سويت كوي

راح ترجع ثاني يعني مااستفيد شي أهم شي

الوحدة فينا تسوي مسحة للرحم اذا الخلايا طبيعية وطيبة مايحتاج تسوي كوي ولاحاجة

يعني ربي رحمني من الكوي اللي كنت راح اسويه وانا الحمد الله مافيني شي

وهالطبقة الحمراء مامنها ضرر لأنها مو جرح هي مجرد احمرار في جدار الرحم

سامحوني خواتي طولت عليكم بس حبيت اوصلكم هالمعلومة

وخلاصة الكلام لاتعتمدي على كلام دكتور واحد بالذات في الرحم لأن هالعضو جداً حساس

الأفضل انك تستشيري اكثر من دكتور لأن في هالزمن للأسف أغلب الدكاترة ماصار عندهم ضمير

والله يرزقكم بالذرية الصالحة والحياة السعيدة