من يومين زهقت من العشا التقليدى وحبيت اعمل حاجه جديده فعملت اكله ايطاليه كنت شوفتها فى برنامج الشيف شربينى على الحياه بس بصراحه مش فاكره اسمها ايه خخخخخ
المهم انها طلعت وااااااااااااااااااااااااو تحفه اسيبكم مع
المقادير
4 بيضات
1 بصل
1 طماطم
1 بطاطس
فلفل الوان ( اخضر - احمر - اصفر )
جبنه موزريلا او رومى او شيدر الموجود عندك انا حطيت موزريلا مع رومى
ملح وفلفل اسود
وزيت
خلصنا من المقادير نيجى للطريقه :)
نقطع الخضار كله مكعبات صغيره وبعدين نقلى البطاطس فى الزيت ونطلعها على ورق يمتص الزيت وبعدين نقلى البصل كمان دقيقتين ونطلعه وبعدين نضرب البيض كويس ونضيف له الملح والفلفل الاسود ونحط عليه البصل والبطاطس المقلين وبعدين نضيف باقى الخضار ونقلبهم كويس
وبعدين نسخن طاسه تيفال فيها شوية[COLOR=darkorange] زيت ولما الزيت يسخن كويس نضيف الخليط السابق ونسيبه شويه من غير تقليب لحد ما يستوى من تحت بعد مايستوى من تحت نقلبه على الوش التانى ولما يستوى نضيف الجبنه ودخله تحت الشوايه لما الجبنه تسيح مش كتير تقريبا دقيقه وبعدين نطلعه ونحطه فى طبق التقديم ونرش على وشه شوية بقدونس :thumbs_up: [/COLOR]
وده شكله النهائى يارب يارب يعجبكم :adore:
وادى كمان صوره للطبق عشان تشوفه كويس :biggrin:
طلب منكم يابنات ياريت لوحد حب ينقل الموضوع يذكر اسم صاحبة الموضوع اللى تعبت ونزلته وتمكنياتى للجميع بالتوفيق :L:
