متحمسة واااااجد وما عارفة شنو أقول ^o) :lol:
بنات بخبركم شيء بس لا تنصدمون.. ترا أنا ومع إني بكمل سنة على زواجي قريب ما طبخت إلا يمكن .. امممممممم. 10 إلى 15 مرة بس!! صدمة لا :cool:
يمكن لأني أخاف أدخل المطبخ وأخبص وأنا ما كنت أدخل المطبخ خير شر في بيت أبوي الله يحفظه.. يعني بس أسوي لي نسكافيه أو نودلز والسلااااااااام... :rolleyes:
والحين دخلنا بيوت أزواجنا وتورطنا مع البصل والبهارات والخربطة!! :worn_out: ههههههه يلا عسى خير
المهم.. أنا كلما طبقت شيء من كُتب الطبخ اللي عندي والأوراق اللي أجمعها من المنتديات ومواقع الطبخ المميزة تطلع الطبخة مضبوطة.. بس لما أخبص من راسي شيء يطلع مش ولا بُد :thumbs_up: بس زوجي المسكين ياكل وهو ساكت لأني أصييييييييييح لو حسيت إنه ما عجبه وتصير حالتي النفسية بايخة :hysterical: :celebrate:
زين زين... أعرف طولت بالسوالف ودوخت راسكم بس كان لازم تعرفون مقدمة عني قبلما أخبركم إني فرحااااااااااانة من نفسي موووووووووووت أمس وكل الشكر لأم المهند ومطبخها الرااااائع وتميزها في الطرح للمبتدئات مثلي :o :cool:
شكراً أم المهند وهذي الطبخة إهداء لكِ .. اللي حابة تشوف الموضوع اللي خذيت منه الوصفة تشوفها هني
طبعاً أنا غيرت في بعض المقادير لأنها ما كانت متوفرة عندي بس بخبركم واحنا ماشيين شو خبصت :rolleyes: :hysterical:
يلا نبدأ بسم الله
((للعلم أا ما استخدمت نفس كمية المقادير لأني طبخت حساب شخصين))
المقادير:
(أ)
دجاج مُقطع شرائح --- أنا ما قطعتها.... استخدمت قطع دجاج مع عظمها
فصوص ثوم--- أنا استخدمت باست ثوم وزنجبيل
بطاطا مقطعة مكعبات
شرائح بصل
روب --- أنا استخدمت علبة كاملة لأني لو تركت الباقي في الثلاجة محد بياكله :!!:
بهارات (ملح، فلفل أسود، فلفل أحمر، كمون، كاري، قرفة) -- أنا ما حطيت البابريكا والكركم لأن ما متوفر عندي (هههه من كثر ما أطبخ!!) ولا فلفل أخضر لأن زوجي ما يكثر من الحار
(ب)
جزء من بهارات (أ)
معجون طماطم
جبن أي نوع --أنا استخدمت جبن كاسات وحطيت منه ثلاث ملاعق
مكعب ماجي
نشا -- انا ما حطيت نشا لأنه ما متوفر عندي وفضلتها عشان السعرات الحرارية خخخخ
الطريقة:
1. اول شيء حطيت الدجاج على النار لحد ما يطلع الماي ويتبخر
2. بعد كذي حطيت مقادير المجموعة (أ) وقلبتهم على النار شوية لحد ما حسيت الدجاج تشرب الصلصة
3. بعد كذي أضفت البطاطا المقطعة وقلبتها إلى أن امتزج بالصلصة ، وحطيت شرائح البصل معاه، وتركتهم على النار بعد التقليب لمدة 10 دقائق
4. خلال فترة ال10 دقائق حطيت مقادير المجموعة (ب) في الخلاط مع 2 كوب ماي وخلطته... ومثلما قالت أمالمهند فاحت رييييحة روووووعة
5. بعدما مضت على الخلطة على النار 10 دقائق أضفت لها الخلطة من الخلاط.. وشوية كانت الكمية كبيرة فما حطيتها كلها (لازم تخبيص شوية :))...
وتركتها على النار لمدة 30 دقيقة وشوية زيادة لحد ما شفت الصلصة تثخن وتتكثف والبطاطا استوت
وطبعاً كنت أتفحص الطبخة بين كل 10 دقائق أشوف شكلها وريحتها :) هههههههههه أتطمن إني ما خبصتها!!
وهذا شكل الطبخة بعد 40 دقيقة تقريباً:
وآخر شيء في التقديم :
ولأن الوجبة كانت للعشاء فقدمتها مع خبز التنور مو الأرز... وكانت لذييييييييييييذة بجد :p :D
تسلم يدك وإبداعك أم المهند :thumbs_up: F: F: F:
ولا تنسوني من تقييمكم إذا عجبكم تطبيقي وموضوعي :adore: :cool: :hysterical: