بعد الحف؟وش يصير؟

..هآدئه.. 24-11-2009 12 رد 2,865 مشاهدة
.
السلام عليكم

صبآحكم وورد

بناب بغيت آسآلكم
..
انا سمعت أنه بعد حف الوجه (لأول مره)
دايما يحمر الوجه وتجي حكه وتطلع حبوب<صدق هالكلام؟
طيب اللي بنات ماعمرهم حفوا وجههم وبيحفونه حق حفلة العمر
شيسوون؟؟يروحون حفلتهم بحبوبهم؟
وإلا تخيلوا شكل الوحده بحفلتها وهي تحكحك وجههآ<:worn_out:
لاتقولون لي دوري بخلطات النت..انا ماثق تمامآ بالحوسه هذي
آبي شي يعني مؤكد ويجيب نتيجه(يعني اللي جربوآ يقولون لي) بحيث انه لما الوحده تحف مايطلع لها حبوب او حكه بالوجه
اناا كل شي اتحمله إلا الحبوب بالوجه:confused:<اتعب واناا احاربها..
..
انا بصراحه ماعمري حفيت شعر وجهي.(لانه خفيف ومايبين إلا إذا ركزت تحت الضوء).بس ودي في مناسبه آحفه
بس دايمآ خايفه من هالنقطه انه يطلع لي حبوب وخرابيط
..
ادري زودتها بس انتوا يعني طلعوا كل شي عندكم
وعسسى ربي ينولكم اللي ببآلكم
ويرزقكم ويصلح حآلكم
..
في حفظ الله
.
معقوله بنات محد فيكم حف؟
طيب ردوا علي بس قولوا لي وش صار معاكم
حبطتوني
):
ع
والله انا ماعرف

ما احف لان شعري خفيف

اتمنى الباقين يساعدونك
M
اذا شعرك حفيف اتمنى انك ماتحفين لان انا وجهي صار كارثه

اذا حفيت وجهي حبوب وبلاوي وللاسف انا حفيت وجهي وصار الشعر يطلع بكثرة

بس هي طبيعة بشرات انا بشرتي حساسه انتي يمكن غير
R
حبيبتي اذا شعرج خفيف وايد..مانصحج تحفينه لانج بتظطرين دايما تحفين..
واذا مب معرسة مالا داعي تحفين .. والبودرة تغطي الشعر بالذات الخفيف


والحف مب شرط يطلّع حبوب..هو على حسب المكان اللي تسيرين له والحرمة اللي تسويلج

يعني اذا حفيتي بخيط مب نظيف تطلع حبوب واذا اللي تحف ايدها قوية واذا واذا .. الخ
وعشان تتجنبين هذا كله سيري عند وحده ناس وايد سارولها وما شكوا منها..وبعد شي: يوم تخلصين حافة حطي كريم فيوسيدين اللي عليه خط احمر ثلاث ايام وايد زين

انشالله اكون فدتج..
|
انا مع كلام ريم الريف :)
أ
أنصحك بالثلج وماي الورد بعد الحفاف مباشرة
و إذا خايفة على بشرتك شيلي بالشمع أحسن من الخيط
الخيط يطلع حب بالخصوص إذا كان خيط ضعيف :thumbs_down:

د
نصيحة من حفافة خبيرة

قالت لي إذا حفيتين لا تحطين و لااااااااااااااااااا شي على الوجه

و ظلي فترة بدون حتى ما تغسلين الوجه .. عقب غسلي وجهش بماي دافي ;)
م
خيووه في ناس احين لين عندهم حفلتها ولا خطوبتها تدفع يشقرونه ليها
وتجي ثاني يوم تحفه

حق ما يطلع ليها حبوب

اوختي بمجرد ما يحفونها تحط رووب بارد على ويها لان وااايد ويها يصير احمر وتطلع حبوب
T
انا مع مس ستايلش
لاااااا تحفي وجهك لو كان الشعر قليل لإنك ماتضمني يكون وجهك حساس و تطلع حبوب و بعد كدا الشعر يكتر و حووووووسه لو كان خفيف شقريه افضل
دي معاناتي مع الشعر شلت وحده مره بالخيط و صار يطلع كتير و ندمت من قلبي و الله .. :badly:

و ترى مو شرط يكون الخيط مو نظيف اللي اسوي عندها شغلها و اشياءها نظيفه بس طبيعة الوجه تطلع فيه حبوب " دا كلام دكتور جلديه مختص " اتمنى تكوني فهمتيني يعني المشكله في طبيعة الوجه نفسسسسه
انا بعد مااحف احط كريم كيناكومب رهيييب للحبوب طبعا انا وجهي مستحيل مايطلع في حبوب بس الكريم يخفف شويه
و الشمع الحار انا اخاف منه بصراحه شلت وحده مره بنفسي و سبب لي آثار حروق ماراحت الا بعد فتره طوييله خليكي على الفتله أو التشقير فقط نصيحه مني عشنك عروسه ..
و ربي يوفقك و يسعدك .. ^_^
.
عز

مس ستآيلش
ريم

العفريته

أميره
دوينه
مشتآقه
تونآ
..
مشكووورين حبيبآتي
افدتوني كثير
هو بصراحه انا شعر وجهي خفيف جدآ
بس يعني كنت ابي افهم عشان يكون عندي خلفيه بهالمووضوع
..
وماقصرتوا جزاكم الله الف خير
n
والله شاقول لج لاتحطين اي شي كيميكال في ويهج اختي .. انا بصراحه مايطلع لي شي ومن احف يصير احمر وانا راجعه البيت اشتري روب ومن ارجع اغسل ويهي بماي ورد بارد واحط ثلج شوي وعقبه روب وخلااااااااااص :)

وعقب ساعه ويهي اينن يصير
ن
هلا حبيبتي ... انا سمعت الكلام الي قلتيه بس جازفت و حفيت شلت بس الشنب و الحنك و طلع لي حب خفيف في الحك ... بس سويت شي في الحفة الثانيه الي هو مررت ثلجه او ماي بارد و لا جفت و لا حبه حتى ربيعتي كانت اول مره تحف و ما تبي تخبر حد و جفت وييها كله حبوب قالت اول مره احف قلت لها لما بتحفين المره اليايه على طول مرري ثلج و اذا كنتي في الصالون عادي اشتري ماي بارد و اغسلي ويهج في الصالون و لا في السياره بقطنه و لا اي شي و لا بتجوفين حبه على ضمانتي ... و شكرتني وايد و علمت ربيعاتها ..ز انا يبت الطريقه هاي من النت هنيه بس ما اذكر المصدر و انتي و بشرتج انا عادي ارد البيت و بعدين احط ماي بارد او ثلجه ...
X