حريم شنو تجهيزاتكم للعيد؟؟ وخاصة لأزواجكم..

n

nahr

عروس مبدعة

23-11-2009 | 10:23 PM

حريم شنو تجهيزاتكم للعيد؟؟ وخاصة لأزواجكم..

بنات شنو جهزتوا لعيد الأضحى شو ناوين ان شاء الله تسوون ما باجي شي ؟؟ وشنو ناوين تاخذون لريايلكم هدايا..

ببدأ بنفسي .. F:

ان شاء الله انا ناويه أغير في الغرفه كفر السرير وباخذ لي فواحه بريحه يديده غير عن الي عندي .. وان شاء الله ناويه أغير أكسسوارات الحمام .. يعني بوكس الصابون والفرش وبعد باخذ طقم فوط ..
:G:
بالنسبه للهديه ان شاء الله باخذ له كريمات للجسم لأن زوجي تعجبه هالسوالف بس المختلف هالمره التغليف بسوي له تغليف بالورود الطبيعيه عشان الريحه الحلوه والمنظر الجذاب ...

شنو بالنسبه لكم بناااااااات شنو ناوين تاخذون وشنو هي ترتيباتكم .. خلنا نفيد بعض .. لا تقولون ما بسوي شي نصيحه مني لكم أهم شي عند الريل أنج تبينين له أنج مهتمه فيه لو بهديه بسيطه بيفرح لو رخيصه المعني في انج تذكرتيه .. والله تأثر واااااااايد :L:.. يالله شدوا الهمه وخلنا نفيد بعض..

كل عام وأنتم بخير ..F:

n

nahr

عروس مبدعة

23-11-2009 | 10:29 PM

باجي 3 أيام على العيد كل عام وأنتم بخير

&

▫▪◦ سَآسٍيِ آڵْڍڵعْ ▫▪◦

عروس ماسية

23-11-2009 | 11:42 PM

هلا الغلا .. و كل عام و انتي بصحه و سلامه يارب :)

أنا عن نفسي خلصت كل شي لي و لبنتي من مستلزمات العيد // بس باقي اغير فالغرفه كفرات السرير و اشتري لي ثياب حلوه حق ليلة العيد :o

و بالنسبه لزووجي فهالشهر كانت عدنا مناسبتين " يوم زواجنا " و " يوم ميلاده " و ما خليت هديه و ما خذتها له .. عسب جيه هدية العيد راح تكووون مسج حلووو اعبره عن حبي له و اهنيه بالعيد و ان شاء الله تعجبه :L:

ك

كل عام احلى

عروس مشاركة

24-11-2009 | 12:07 AM

كل عام وانتم بخير مقدماا,,, بصراحه تعبت من التفكير خلصت من السووق بس باقي اجيب له هديه وناويه اجيب له مجموعه عطورات
وعندي فكره فراسي بس مدري راح يضبط الوضع او لا ابحجز فندق اول يوم العيد اذا عايدنا اهلنا قبل مانرجع للبيت اقوله انا عازمتك على فندق اتوقع انوو فكره حلوووه بس مدري انا اقدر او لا ربي يوفق الجميع...... وعطونااا افكااركم

د

دلووعه حبيبي

عروس مشاركة

24-11-2009 | 12:50 AM

مراااحب
لسه ما تزوجت بس فيني لجافه بعرس بعد 3 اشهر
وباخذ خبرات منكم
بصراحه كثير استفدت منكم لدرجه انا خطيبي يموت فيني والسبه نصايحكم

ع

عسولة قلبه

مشرفة سابقة

24-11-2009 | 10:38 AM

كل عام وانتم بألف خيير ..

بالنسبة لي .. أكيد راح أغير الكفر .. وشوي أحاول أغير باكسسوارات الغرفة .. والحمام < أكرمكم الله > نفس الشي بغير اكسسواراته ..

وما انسى البخور والرشوش ..

وصباح العيد ان شاء الله يعد الصلاة .. بروح نتريق على البحر بما انه الجو حلوو ألحين .. ونركب المركب .. :) .. شي بسيط بس حبيت أغير عن كل مرة ..

بعدها زوارة الاهل .. ولما نرجع راح يروح الديوانية اكييد يعيد على ربعه .. عاد بجهز ترتيبات بسيطة .. شوي شمووع وبطاقات .. وبس .. :) ..

ر

رجاوي سالم

عروس مشرقة

24-11-2009 | 11:22 AM

كل عام وانتوا بخير

انا عن نفسي نفااس اللحين بس للاسف من غير بيبي

توفى قبل ولادته الله يعوضني بخير منه

المهم نفاسي ببيتي هالمرة

جهزت لعيالي لباسهم للعيد عطيت اهلي يشترون لهم

لانو توني لي 9 ايام من دخلت النفاس ما قدرت اطلع

اما البيت توني قبل الولاده مغيره بالديكوريشن حقه

بس باقي الحمامات اعزكم الله احاول بلمسات بسيطه اغير فيه

وبغير كفر السرير حقي ووصيت اختي تشتري لي عطور لزوجي بهديه اياه

لانو من فترة ماشريت له عطور وعطوره شارفت على النهايه هههههه قلت فرصه

بس وبعيد ببيتي هالمرة وعساكم بفرح وسعاده وعيد كل يوم

اختكم في الله

n

nahr

عروس مبدعة

24-11-2009 | 11:30 AM

ما شاء الله بنات أفكاركم واااااااااااااااااااااااايد حلوه بصراحه الي حيرانه بتستفيد ان شاء الله .. كل عام وأنتم بخير يارب وعساكم من عواده ..

أختي أم ثموري وجودي

الغاليه الله يرحم ضناج يارب ويعوضج عنه عاجل غير آجل بولد صالح تقي للمتقين أماما اللهم ااااااااامين ويحفظ لج عيالج ..

ا

الدمشقية

مشرفة سابقة

24-11-2009 | 12:09 PM

ماشالله افكاركم حلووووة .... عن نفسي ان شالله حابة اغير ديكور غرفة النوم وان شالله اليوم ناوية ابدأ وكمان لازم اشتري ستاير للسرير
وناوية اجيب لزوجي عطر اوودي من العربية للعود اللي ماتعرفه ريحته رووووووعة بصراحة .. يعني هدية بسيطة للعيد
لان الهدية الكبيرة موفرتها ليوم زواجنا ان شالله

أ

أم دلال

عروس جديدة

24-11-2009 | 12:36 PM

هلاااا حبايبي

كل عام وانتوا بالف خير وينعاد عليكم وإنتوا بصحه وسلامه

طبعا تغير كفر السرير وهذا اهم شيء..

جهزت لزوجي هدية بسيطه وهي عبارة عن مجموعة عطور فرنسية واحطهم في سله وازينها بالورد الطبيعي.

الدمشقية

إختيار موفق انا اشتريت عطر اوودي لزوجي من سنه ونص تقريبا وفعلااا قمه في الروعه...

م

مسز عادل

عروس برونزية

24-11-2009 | 02:59 PM

ومنكم نستفيد ما شريت ولا قشه للعيد

عساه خير وبركه علينا و على امة محمد

ع

عروس مغتربة عن زوجها

عروس ركن أفكار وخبرات

24-11-2009 | 08:44 PM

كل عام وانتو بخير حبايبي...

بما انه انا بالغربة ف ما بحس بطعم العيد.. زياده عليه زوجي بيكون بالجامعه.. عندهم حصه... بس قلت بسوي سويتات.. وبلبس ليله العيد لبس زوجي ما شافه عليه.. وطبعا صارلي 3 ايام بالسوق.. سرت اخذ له هدايا بما انه هو بالجامعه قلت خلي اخذله شوية اغراض ينفعون للجامعه.. خذت له شنطه للكتب و4 جنبر لان عندنا برد شديد وخذت له ساعه بوليس... ووو اكيد كرت معايده بس للحين ما فكرت بالعباره....

م

مسز عادل

عروس برونزية

24-11-2009 | 10:56 PM

الله يصبرش عروس مغتربه

كأن هذا اول عيد هناك لو اني غلطانه ؟؟

ولا يهمش خلي زوجش وطنش و اهلش وناسش

و رب العالمين وياش في كل مكان في العالم

ع

عروس مغتربة عن زوجها

عروس ركن أفكار وخبرات

25-11-2009 | 12:52 AM

مسز عادل هيه هذا اول عيد لي وانا بالغربه

ك

كلمة الحياة

عروس ماسية

25-11-2009 | 04:41 AM

عرووس مغتربة الله يعينج
جربت العيد بره بصرااااحة كريهه ولا تحسين فية
وانا للحين ما جهزت شي :(

ط

طالبه الجنان

عروس جديدة

25-11-2009 | 07:21 AM

اهلين كل عاااااام وانتم بخير00انا عن نفسي ماراح اسوي شي بالبيت لانا بنسافر بس قبل لااسافر رتبت البيت كله فوق تحت لانه راح يرجع لشغله وانا بقعد عند اهلي من غير شر كل اهلنا بنفس الديره اما عن هديته هالمره سويت تغييييير كنت ناويه احط صورته بصحن بس للاسف مالقيت اخذت درع من زجاج وسط وحطيت صورته عليه كله لان هو من النوع اللي يحب يصور اما التغليف راح يكون شغل ايدي مع بعض الحلويات والورد راح اخلي التغليف مررره كيوت مع بطاقة معايده وبس

n

nahr

عروس مبدعة

25-11-2009 | 11:15 AM

ما شاء الله أفكاركم حلوه .. والبنات الي ما خذوا شي أنصحكم تاخذون لأن والله الهديه لو رمزيه تأثر بواااااااااااااااااايد عند الريال ..وتحسين بشي شاعري في قلبج تجاهه وحتى هو يحس بحنيه ..

ربي يسعدكم ان شاء الله وكل عام وأنتم بخير لا تنسون صيام يوم عرفه باجر الخميس تقبل الله طاعتكم .. بنات دعواتكم لعيالي بالشفاء العاجل ومرضى المسلمين..

O

OM SAAODY

عروس ماسية

25-11-2009 | 11:06 PM

امممم انا بحط مفرش لون احمر
مع بلالين قلوب لون احمر

واكيد شمووووع

وهديه بسيطه

n

nahr

عروس مبدعة

26-11-2009 | 09:49 AM

تتهنين ان شاء الله..

ب

بنت القمر وأحلى قمر

عروس ماسية

26-11-2009 | 09:09 PM

الله يهنيييكم ويهنييينا انا تووني والده وببيت اهلي يعني ماحعيد مع زوجي بس دخلت ابغى استفيد من افكاركم للمناسبات الجااايه

وكل عام وانتم لله اقرب