الي عندها طفل عمره 10 شهور تدخل بليز

تقدرين تعطينه أربع وجبات يعني الصبح لما يقعد تفطرينه وعى الساعة 12 تغذينه وعلى الأربع أو الخمس تعطينه وجبة خفيفة وفي الليل تعشينه وطبعاً تتخلله الرضعات اليومية من الحليب وبس وسالفة التغذية يعتمد على الطفل نفسه اذا متقبل ياكل او لا ساعات يحب بس ثلاث وجبات خفيفة ساعات اربع إلى خمس وساعات بس يكتفي بوجبتين هذا الي اشوفه على بنتي وللحين اكلها خفيف وساعات تستكفي بس بوجبتين بس وخفيفتين وهي عمرها سنة بس

الوجبات الثلاث الرئيسية

وعطيها العصر فاكهة او بسكويت شيء خفيف

بالنسبي لي علوي توه عمره 6 شهور
بس بمحاولاتي 3 وجبات رئيسية وبينها اشياء خفيفه فاكهه او بسكوته غير الرضعات

انه بنتي 8 شهور
بس متعبتني وااااااااااااااااااايد في الاكل
حدها وجبه وحده طول اليوم وماتكملها
احاول اعطيها كل فتره وجبة غير بس ماترضى تاكل
والمشكله ان شربها قليل وااااااااااايد

انا مثل غزاله زوجها اسوي حق بنتي

يارب تحفظ بنتي وجميع اطفال المسلمين

انا بنتي مو منتظمه وجباتها بس احاول اني اعطيها زبادي الفواكه او بسكويت مع حليب

مدري كيف انظم الوجبات لان هذي اول طفله لي ومااعرف كيف اتصرف

أنا بنتي توها مكملة ثمان شهور وداخلة التاسع.. وبديت أزيد بكمية الوجبات..

أيام ماكان ولدي صغير بهالسن كنت أسوي شوربة شوفان وأحط فيها معكرونة لسان العصفور..

الخضرة قمت ماطحنها بالخلاطة بس أسويها نفس المضروبة كلش مهروسة يكون يتعود على المضغ..

سندويش سلايس داخله جبن وأقطعه قطع صغار كلش وأعطيه..

الفواكة أهرسها..

زبادي الفواكة الجاهز وكاسترد الفانيلا الجاهز مال الأطفال.. اليوم رحت شريته لبنتي وبديت معاها...

انا عندي ولدي اول مايصحى مايرضي يشرب الحليب بعدساعتين اوثلاث يشرب وحده اكثر الوجباته تكون في الليل بس في النهار تقدري تقولين وحده بس

على الأقل المفروض 4 وجبات

لان الطفل ماياكلهم دفعه وحده كل بين شوي وجبه خفيفه

عن نفسي تعبانه وي ولدي لان معتمد على الرضاعه وبس مايبغى وجبات ولين أكل تعالي شوفي ويش يسوي

ينفخ في الملعقه عشان يطير اللي فيها أو يسكر فمه أو يمسك الملعقه بأسنانه ومايرضى يتركها

المهم مايااااااكل شيء

عقدني في حياتي

لكن ماني ساكته له أحاول أنوع في الأكل لين مايقتنع بشي ان شاء الله

انا بنتي الصبح ماااتبي تاكل بس تشرب الحليبة و الضهر اعطيها وجبة
والمغرب بعد اعطيها وبايل اعطيها شي خفيف عشان مايثقل عليها

بنتي الله يحفظها ويخليها عمرها عشرة اشهر ومتعبتني في سالفة الاكل ما ترضى تاكل واكثر شي تبي حليب ... جربت لها اكل الاطفال ما ترغب له..... بالغصب تاكل والشي الحلو الي في بنتي ان ما شاء الله عليها اذا تبي تاكل تبي تاكل بنفسها وهذا شي يطمني انها تقدر بعدين تعتمد على نفسها....

الاخوات ما قصروا

يعني بهالعمر الطفل ياكل كل شي ما عدا العسل فالموضوع يصير اسهل من قبل توكلينه من اكلكم عادي و نفس اوقات وجباتكم بس عطي شي خفيف بين الوجبات

مع مراعاة نص لتر حليب و مشتقاته يوميا