ساعدوني شنو اسوي

السلام عليكم
كيف حالكم جميعا
انا وايد اقراء هذا قسم بشكل كبير واشوف مشاكل البنات والله يساعدهم ويقوية يارب
وادعي لهم بتخفيف بالي فيهم وهذا سبب الي خلاني اكتب لكم مشكلتي
يمكن مشكلتي بنسبة لغيري ولا شي بس وربي وربي هذه مشكلة مخلتني لا انام ليل لدرجة حتى مستواي الدراسي بدء بنخفض ..
المشكلة ومافيها وهو وزني
انا مخطوبة من فترة والحمدلله خطيبي وانا نحب بعض ربي يخليه لي ويحفظه بس مشكلة ان كل مرة يقول لي سوي رجيم او خففي من وزنج وبالعكس انا احب اسوي رجيم وتكون رغبة فيني من داخلي بس مشكلة يرجع علي بالعكس على صحتي بدل مااستفيد منه انضر منه ,
يعني ماخليت شي ماسويته رحت لدكاترة وعطوني نظام غذائي بس الي يصير ان جسمي مايتقبل هذا نظام بالمرة يعني جسمي اي يخف بس شعري يتساقط بشكل كبير جدا جدا او مرة اظافيري صارت خفيفة وتنقلع بمكانها وشكلهم يخوف وايد كلما اشوفهم ابكي ورحت للدكاترة قالوا لي اتركي هذا رجيم او يقولون لي خففي غسال على رغم انا ماغسل ولا شي , قبل فترة رحت نادي وعملت رجيم وقلت الي فيها فيها لو شنو يصير بكمل بالرجيم من كثر مايحن خطيبي على رجيم بس الي صار ان وصل الامر للقلب ان دقات قلبي صارت سريعة بشكل كبير ويوم رحت للمستشفى قالوا لي هذا من الرجيم الي تتبعينه على رغم هذا رجيم من استشاري تغذية ولازم توقفينه ,
وانا صراحة ماهتميت فيهم واستمريت على رجيم ولدرجة استخدمت حبوب قلت عشان بس يخف جسمي ويبين لخطيبي بس مشكلة دقات القلب زادت بشكل كبير لدرجة حولني لدكتور للقلب وانا خايفة وايد صراحة
وربي فكرت اسوي عملية او اسوي اي شي لان وربي تعبت كل يوم ابكي على هذه الحالة الي انا فيها
وخطيبي من يشوفني جذي يقول لي خلاص لاتسوين رجيم ولا شي بس انا ابي اخف بداخلي وادري هو يبيني بعد بس مايبين يبين لي لان هذا شي مو بيدي هذا شي,,,
ومشكلة انا استخدمت انواع وايد من رجيم وكلهم نفس الشي يرجع لي وماكنت صراحة اهتم مثلا بساقط الشعر او الاظافر او بالجسم , لدرجة حتى صادني جفاف كبير في جسمي فوق كل هذا استمريت صراحة بس يوم وصل الامر للقلب وقفت وخفت ,,
وماستلمت صراحة قمت واستخدمت نوعين من الحبوب وخسروني وايد هذه الحبوب لانها مو موجودة في البحرين ونفس الشي تزيد حالتي بدل مايخففني
فكرت بالعملية قلت بسوي اي شي حتى لو ماتنجح لان تعبت وربي
حاسة خلاص ماعاد فيني
قولو لي شنو اسوي
شنو اقول لخطيبي لان ادري هو يبيني اسوي رجيم بس مايبين يبن لي هذا شي خصوصا بهذه الحالة الي انا فيها , والحين تركت الرجيم كلهم وحبوب وكل شي وحسيت ان دقات قلبي صارت اخف من قبل وقلت له خلاص برجع للرجيم مابروح للدكتور للقلب قال لي لازم تروحين ورجيم لاتفكرين تسوينه
على رغم انا جسمي مو من الاكل انا جسمي وراثي يعني من الاهل وجذي وبنسبة للاكل ماكل الا وجبه وحدة باليوم بس موبيدي هذا شي
وجهوني قولوا لي شنو اسوي
خايفة صراحة وايد
ونفسيتي صايرة دمار بشكل مو طبيعي ومستواي بدراسة خصوصا هذه فترة امتحان ومستواي انخفض وايد بسبب تفكيري بهذا شي