السلام عليكم
بنات انا تعبت الاقي حل مع زوجي وربي من جد
فكرت ادخل اهلي اخاف اخرب الموضوع بيني وبينه ويكبر
من جد .. صاير كثير حنّه ونق ونقد .. مو طبيعي اتعبني واهلكني
لاقلت له ليش كل ليله لازم تطلع اجلس معي ليله بالاسبوع اقل شي
يقول حمدي ربك اني مااطول بالسهر .. ولاجا من السهره على الوحده
اليوم اللي بعده يلومني ليش ماجلستي الساعه الفلانيه عشان الغدا
وليش ماجلستيني لصلاة الفجر والظهر .. ووو .. طيب انا مو مثلك ماانام ؟؟ مااتعب ؟؟
يووووه حنّه حتى لاجلس بالظهر واكون تو صاحيه من نومي
لدرجة وربي ابكي احيان والبس عباتي ابي اروح بيت اهلي
بس يحاول يلطّف الجو يوم يومين .. يرجع زي عادته ..
يحب ينرفزني جدا جدا احاول امسك اعصابي مقدر عصبيه حيل انا
علما ان لي سنتين واحس مرررره طفشت من هالحياه والنقد ووو
قلت له بوجهه وربي مانصلح لبعض .. محنا متفاهمين .. يطنشني
تعبت معه حيييييييل حييييل بليز انصحووووني يامتزوجات اللي لكم فتره
تكسبون فيني اجر .. عن جد مو عارفه الطريقه الليي تصلح مع هالرجال
كتبت لكم كل هذا من قلب والله
لأنه تو طالع ومعصبني بحركاته ..
نصيييييحتكم قبل انتحرررر
وش الحل مع هالزوج !!
ج
21-11-2009 | 10:53 PM
ت
21-11-2009 | 11:01 PM
حبيبتي
انتي تبينه يقعد معاج لازم تجذبينه يعني موتقوللين له تعال وآخرتها انتي نايمه ومخليته وبعدين شنو اللي يتعبج ويخليج ماتقومين الا الظهر لازم تجهزين غداج وتقعدينه على الغدا ويشوف سنعج ولاتنسين ان الطريق الى قلب الرجل معدته يعني اهتمي بأكله وسوالفج معاه وحاولي تطولين بالج وانتي معترفه انج عصبية طيب الرجال يحب يطلع ويوسع صدره مع ربعه هذا شئ طبيعي احسن من انه يقابلج وتتهاوشون 24ساعة صح والا انا غلطانه ؟
الله يهديه لج يارب
انتي تبينه يقعد معاج لازم تجذبينه يعني موتقوللين له تعال وآخرتها انتي نايمه ومخليته وبعدين شنو اللي يتعبج ويخليج ماتقومين الا الظهر لازم تجهزين غداج وتقعدينه على الغدا ويشوف سنعج ولاتنسين ان الطريق الى قلب الرجل معدته يعني اهتمي بأكله وسوالفج معاه وحاولي تطولين بالج وانتي معترفه انج عصبية طيب الرجال يحب يطلع ويوسع صدره مع ربعه هذا شئ طبيعي احسن من انه يقابلج وتتهاوشون 24ساعة صح والا انا غلطانه ؟
الله يهديه لج يارب
[
21-11-2009 | 11:04 PM
صلي ع النبي يالغالية وأذكري الله وطولي بالك
إنتي في الوقت اللي يكون فيه بره أشغلي نفسك بشي ينفعك
مثلاً إسترخي نامي تعشي أو رتبي أغراضك أو أهتمي ببشرتك بنفسك بشعرك أي شي
لاتنتظري الوقت عشان لاتملين وبعد حاولي بالوقت اللي يكون هو موجود فيه
قومي من النوم وحاولي النوم وقت مايكون هو بره البيت
لاتخلين له عذر يالغالية
وطولي بالك عليه
وأكثري من الإستغفار والدعاء والصدقة بنية الأصلاح بينكم
اذا عصب هو وتنرفز وحاول ينرفزك كوني احسن منه
اضبطي اعصابك امسكي نفسك
ولاتظلوا متزاعلين ع بعض وتنامون
حتى لو هو ما اعتذر حاولي انتي بطريقة غير مباشرة تصالحينه وتعتذري له
وان شاء الله خير
الله يوفقكم ويصلح شأنكم
إنتي في الوقت اللي يكون فيه بره أشغلي نفسك بشي ينفعك
مثلاً إسترخي نامي تعشي أو رتبي أغراضك أو أهتمي ببشرتك بنفسك بشعرك أي شي
لاتنتظري الوقت عشان لاتملين وبعد حاولي بالوقت اللي يكون هو موجود فيه
قومي من النوم وحاولي النوم وقت مايكون هو بره البيت
لاتخلين له عذر يالغالية
وطولي بالك عليه
وأكثري من الإستغفار والدعاء والصدقة بنية الأصلاح بينكم
اذا عصب هو وتنرفز وحاول ينرفزك كوني احسن منه
اضبطي اعصابك امسكي نفسك
ولاتظلوا متزاعلين ع بعض وتنامون
حتى لو هو ما اعتذر حاولي انتي بطريقة غير مباشرة تصالحينه وتعتذري له
وان شاء الله خير
الله يوفقكم ويصلح شأنكم
ع
22-11-2009 | 04:05 AM
يااختي الكل الرجال جذي مايعجبهم العجب ولا الصيام بشهر رجب
انا زوجي نفس الشي مايعجبه شي وكل شي اسويه لازم ينتقدني واذا اهو سوى نفس اللي اسويه انا عادي بيكون وقتها اهو الصح وانا الغلط
واوقات اتعب وانفجر من كلامه واسلوبه واوقات اقول بطنش وياليت اقدر
واوقات يقول انتي خوش حرمه وانتي وانتي الله يعينه بس مالنا غير الصبر
اصبري يااختي لاتخلين اسرع الحلول عندج الانفصال
اصبري ان الله مع الصابرين ويمكن يتغير ماتدرين ان الله قادر على كل شي قدير
انا زوجي نفس الشي مايعجبه شي وكل شي اسويه لازم ينتقدني واذا اهو سوى نفس اللي اسويه انا عادي بيكون وقتها اهو الصح وانا الغلط
واوقات اتعب وانفجر من كلامه واسلوبه واوقات اقول بطنش وياليت اقدر
واوقات يقول انتي خوش حرمه وانتي وانتي الله يعينه بس مالنا غير الصبر
اصبري يااختي لاتخلين اسرع الحلول عندج الانفصال
اصبري ان الله مع الصابرين ويمكن يتغير ماتدرين ان الله قادر على كل شي قدير
خ
22-11-2009 | 05:43 AM
لاحول اختي هذاهم الريايل جذيه والمشكله انهم مايحسون بالحرمه ومايقدرون اللي
تسويه عشانهم من طبخ ونفخ وغسيل وكلا مقصره بنضرهم وهم اللي كاملين الله
يعطينا الصبر يابنت الحلال
تسويه عشانهم من طبخ ونفخ وغسيل وكلا مقصره بنضرهم وهم اللي كاملين الله
يعطينا الصبر يابنت الحلال
د
22-11-2009 | 01:01 PM
يابنت الحلال صادقين البنات كلهم هالشكل
الرجال هو الصح وانتي الخطأ
انا زوجي من هالنوع بعد الله يعين
بس اقولك اصببري وانتبهي يزل لسانك بأي كلمه شينه وقت العصبيه
لأن الرجال يحسبها صح مهما مشى وعدى ا لوقت
من نظري الرجل مثل الجمل حقوووود
الرجال هو الصح وانتي الخطأ
انا زوجي من هالنوع بعد الله يعين
بس اقولك اصببري وانتبهي يزل لسانك بأي كلمه شينه وقت العصبيه
لأن الرجال يحسبها صح مهما مشى وعدى ا لوقت
من نظري الرجل مثل الجمل حقوووود
ج
22-11-2009 | 01:08 PM
الله يخليكم
والله ياريت على كذا يابنات
المشكله حتى سلوكياته بدت تتغير بصراحه
اخاف اصارحه بهالشي يصير ضدي
اخذت جوازه من فتره وشفت فيه دخول للإمارات وخروج كثير
بطبيعة شغله انه يشتغل قريب منها
لاسألته يقول مااروح .. اقوله والختم اللي بالجواز ؟
يقول ماادخلها يابنت الحلال بس عند الحدود اشتري مقاضي
شي مادخل عقلي
اساسا من سافر هالشغله وهو قالب علي وموعاجبه شي فيني
واقسم بالله يابنات احترق من داخلي بجد
والله ياريت على كذا يابنات
المشكله حتى سلوكياته بدت تتغير بصراحه
اخاف اصارحه بهالشي يصير ضدي
اخذت جوازه من فتره وشفت فيه دخول للإمارات وخروج كثير
بطبيعة شغله انه يشتغل قريب منها
لاسألته يقول مااروح .. اقوله والختم اللي بالجواز ؟
يقول ماادخلها يابنت الحلال بس عند الحدود اشتري مقاضي
شي مادخل عقلي
اساسا من سافر هالشغله وهو قالب علي وموعاجبه شي فيني
واقسم بالله يابنات احترق من داخلي بجد
ت
22-11-2009 | 10:51 PM
الله يعينج حبيبتي ادعي له بهالايام المباركة عسى ربي يهديه
ف
23-11-2009 | 08:07 PM
الله يهديه ويسخره ليكي يارب..
ا
23-11-2009 | 08:16 PM
"أختي جروحي لا تعذبني"
هذا شي طبيعي أنا سمعت من دكتورة في قناة بداية أن أول 5 أو6 سنين كلها را تكون مشاكل لأن أنتي جاية من بيئة وهو جاي من بيئة وكل من يبي يمشي الثاني على كيفة يعني لما يشد الحبل أرخية ولما يرخية شدي
أنا أول 3-4 سنين كله هواش وزعل ونرفزة من زوجي بس الحين الحمد الله هو يعرف شنو أبي وأنا أعرف شنو يبي والحمد الله الأمور ماشية صدقيني أزمة وتعدي وأكثري من الأستغفار وأقري سورة البقرة
هذا شي طبيعي أنا سمعت من دكتورة في قناة بداية أن أول 5 أو6 سنين كلها را تكون مشاكل لأن أنتي جاية من بيئة وهو جاي من بيئة وكل من يبي يمشي الثاني على كيفة يعني لما يشد الحبل أرخية ولما يرخية شدي
أنا أول 3-4 سنين كله هواش وزعل ونرفزة من زوجي بس الحين الحمد الله هو يعرف شنو أبي وأنا أعرف شنو يبي والحمد الله الأمور ماشية صدقيني أزمة وتعدي وأكثري من الأستغفار وأقري سورة البقرة
م
23-11-2009 | 10:19 PM
حبيبتي حاولي اتطلعين من الا انتي فيه اولا شيلي من بالج انه متعبنج
وووووو
ثانيا اخلقي اجواء رومنسبة حلوة طول اليوم جهزي اكل ملابس بدلي فراش
السرير زيني المكان تدلعي عليه حتى لو ماعبرك اليوم واصلي
صدقيني الكلمة الحلوة والمعاملة الطيبة والحنية بتبدله
ثالثا حسسيه ابحبج وانج ماتستغنين عنه ولا اتبينين له ان هو اليبب الرئيسي
في ضيقج
لحد ماارد لج تكون الكورة بملعبج قولي له الا ابخاطرج
صحيح يبي لها طولة بال بس اشعاد انتي صابرة على المر سنتين مااتصبرين
اشوي
الله اوفقكم ويصلحلكم امين
وووووو
ثانيا اخلقي اجواء رومنسبة حلوة طول اليوم جهزي اكل ملابس بدلي فراش
السرير زيني المكان تدلعي عليه حتى لو ماعبرك اليوم واصلي
صدقيني الكلمة الحلوة والمعاملة الطيبة والحنية بتبدله
ثالثا حسسيه ابحبج وانج ماتستغنين عنه ولا اتبينين له ان هو اليبب الرئيسي
في ضيقج
لحد ماارد لج تكون الكورة بملعبج قولي له الا ابخاطرج
صحيح يبي لها طولة بال بس اشعاد انتي صابرة على المر سنتين مااتصبرين
اشوي
الله اوفقكم ويصلحلكم امين
F
28-11-2009 | 11:33 PM
الله يفرج عليك حبيبتي انا رأيي من راي ملكة العسل
اصبري عليه وحاولي تكسبيه وتجذبيه نحوك , وحبيبتي لازم تقومي بواجباتك المنزليه ع اكمل وجه, اهتمي ببيتك ونفسم وبيه اكثر واكثر وجددي في حياتك زيني البيت بورود وبخور وعطور , اعمليله اروع المفاجأت وادلعي له
حبيبتي ترا الرجال ما تجيبهم الا الكلمة الحلوة والصبر والدبلوماسية بالتعامل ونصيحة خلي عنك العصبيه والنزفزة خلك دايما مبتسمة وفروحة ترا الرجال يتشاموا من الحرمة العصبيه لانهم يعتبروها نكدية فيروحوا يسهروا برا عشان يفرجوا عن نفسهم عن جو البيت
حبيبتي خلي عنك العصبيه واعتبري زوجك طفل يحتاج لمعامله خاصة واصبري وتنازلي شوي واعطيه فرصة ليرجعلك وينجذب لك ا كثر وموفقه عزيزتي , وترا كل الرجال اطفال امام عاطفة المراة وحنانها
اصبري عليه وحاولي تكسبيه وتجذبيه نحوك , وحبيبتي لازم تقومي بواجباتك المنزليه ع اكمل وجه, اهتمي ببيتك ونفسم وبيه اكثر واكثر وجددي في حياتك زيني البيت بورود وبخور وعطور , اعمليله اروع المفاجأت وادلعي له
حبيبتي ترا الرجال ما تجيبهم الا الكلمة الحلوة والصبر والدبلوماسية بالتعامل ونصيحة خلي عنك العصبيه والنزفزة خلك دايما مبتسمة وفروحة ترا الرجال يتشاموا من الحرمة العصبيه لانهم يعتبروها نكدية فيروحوا يسهروا برا عشان يفرجوا عن نفسهم عن جو البيت
حبيبتي خلي عنك العصبيه واعتبري زوجك طفل يحتاج لمعامله خاصة واصبري وتنازلي شوي واعطيه فرصة ليرجعلك وينجذب لك ا كثر وموفقه عزيزتي , وترا كل الرجال اطفال امام عاطفة المراة وحنانها
ر
30-11-2009 | 02:30 PM
الله يسخره لك ويفك كربتك
م
02-12-2009 | 01:53 AM
حبيبتي بقلك حاجه لاتفكرين انتي الوحيده اللي تواجه لامبالاه من زوجها وحنه ونقه ترى الأغلبيه مثلك
ممكن انتي عصبيه وحساسه اكثر من اللزوم يعني زوجي لما يحن عليا احاول اهدية وما ارد بكلام يثيره اخليه على راحته واتحمله صح انو غلطان بس لازم اعمل كده عشان امشي الأمور وارتاح خليه يسهر براحته واذا رجع البيت رحبي فيه وبيني له انو وحشك ومن هالكلام بس لاتبالغي عشان مايحس انك بتمثلي عليه
الأختام الي في جوازه بامكانك مناقشة الأمور بهداوه بدون ماتعصبي نصيحتي لك حبيبتي دائماً خذي الأمور بهداوه وخليه على راحته وطنشي كثير من الأمور وريحي راسك واذا ودك تناقشي اي موضوع ناقشيه بابتسامه وبدون عصبيه واذا ماتقدرين طنشي واحتسبي الأجر من عند الله واكثري من الأستغفار وادعي الله يهديه والله راح يساعدك
ممكن انتي عصبيه وحساسه اكثر من اللزوم يعني زوجي لما يحن عليا احاول اهدية وما ارد بكلام يثيره اخليه على راحته واتحمله صح انو غلطان بس لازم اعمل كده عشان امشي الأمور وارتاح خليه يسهر براحته واذا رجع البيت رحبي فيه وبيني له انو وحشك ومن هالكلام بس لاتبالغي عشان مايحس انك بتمثلي عليه
الأختام الي في جوازه بامكانك مناقشة الأمور بهداوه بدون ماتعصبي نصيحتي لك حبيبتي دائماً خذي الأمور بهداوه وخليه على راحته وطنشي كثير من الأمور وريحي راسك واذا ودك تناقشي اي موضوع ناقشيه بابتسامه وبدون عصبيه واذا ماتقدرين طنشي واحتسبي الأجر من عند الله واكثري من الأستغفار وادعي الله يهديه والله راح يساعدك
ف
02-12-2009 | 02:51 AM
اللي اقدر اقوله ان انا كنت نفسج والله واكثر كنت اصيح من القهر
وهاللحين مثل الخاتم
ماشاء الله
تدرين وشو السبب
ادخلي منتدى مملكة بلقيس للدكتوره ناعمه الهاشمي وشوقي شنو نمط ريلج جنوبي ولا شمالي ولا شرقي عشان تتعاملين معاه
فتحت عيني على اشياء وايد
انا كنت مااعرفها
من بعد الله
وفي شي واحد بس مااقدر اقوله عالعام
وهاللحين مثل الخاتم
ماشاء الله
تدرين وشو السبب
ادخلي منتدى مملكة بلقيس للدكتوره ناعمه الهاشمي وشوقي شنو نمط ريلج جنوبي ولا شمالي ولا شرقي عشان تتعاملين معاه
فتحت عيني على اشياء وايد
انا كنت مااعرفها
من بعد الله
وفي شي واحد بس مااقدر اقوله عالعام
&
02-12-2009 | 06:18 PM
الله يكون بعونج حبيبتي
مالي غير ادعي لج ان ربي يسخر لج زوجج
مالي غير ادعي لج ان ربي يسخر لج زوجج
أ
03-12-2009 | 12:37 AM
مرحبااا يا عزيزتي ... شوفي حبيبتي يمكن أغلب الرجال ما أقول كلهم بس أغلبهم ما يحبون جلسة البيت وزوجي واحد منهم ... كنت على طول وياه في مشاكل من وراء هالسالفة وهو دوم يردد انه ما يحب جلسة البيت حتى لو قلبت\البيت جنة هو طبعه جدي ... بس الحين خفت المشاكل والهواش من وراء هالسالفة يمكن لاني تعودت ويمكن صار عندي اللي يشغلني و هم بناتي .. وعلى العموم وعلى قولة دكتورة فوزية الدريع أول اربع سنوات زواج لازم يصير فيها مشاكل... لان الانسان اللي ترتبطي فيه طبيعي تكون اطباعه غير عن اطباعك ولازم تحتاجون وقت عشان تتعودون على اطباع بعض ... ان شاء الله رايي يعجبك .... أختك أم حورااااااء
S
03-12-2009 | 12:44 AM
اختتتي عادي كل لرجااال يويما يطلعوون قعدي وتفاااهمي معاااه خلييه يخصص يوم لللج وربي يوفققج