شنو شعوركم

بالصراحه الواحد لازم ياخذ على خاطره شوي من سوء التصرف مهما يكون
وهذا شعور طبيعي

ومرري السالفه عادي
لاتحطي في بالج ابد وانشاء الله الله يعطيج ولا تقوليلها يعني الموضوع كلش عادي وهي السالفه مش وحده بوحده بس لازم تحس بالضيقه الا حسستكياها حبيبتي

وصلى الله على محمد وعلى آل محمد

اكيد بزعل وبيضيق خاطري
بس الشكوى لله
الله يرزقنا يارب عاجل غير اجل

اكيد بدايق وباخد على خاطرى وعلاقتلا بيها مش هترج كويسه قوى هعملها بعد كده بعدم اهتمام وربنا يرزقنا يارب ولا يحرمن ان شاء الله

شكرا للردودكم خواتي ...

بصراحة انا كثير صادفني هالمواقف اتضايق وبعدين اطنش ما اخلي بينا حساسية لاني اعرف انه يوم من الايام ربي راح يرزقني بذرية الصالحة ان شاء الله

في ناس كثير مايقولون الا بعد مايطوف الثالث
واني طرحت مرتين وبحملي بعبادي ماقتل لحد الا يوم دخلت الخامس
مو قصدي اذا وحدة عندها او ماعندها ماابي اقول لها لا كنت ماابي احد يدري الا بعد ماربي يثبتة لي
بس ماخبيت لا على اختي ولا امي
ولو حصلت لي من صوب اختي على انه ادري انه مابتسويها اكيد بزعل منها وحتى لو كانت صديقتي بعد
اما وحدة من اهلي بكون متوقعة منها هالشي ولا بحط في بالي ولا شي
ولاتحطين في خاطرج خيووو ربي كريم وبيرزقنا اكيد ان شاء الله

مشكورات خواتي ع ردودكم الي تريح الخاطر
والله يرزقنا جميعا يارب

بصراه انا حصلتى من اخت زوجى حتى زوجى نفسو مكنش يعرؤف واضايقت شويا في نفسي بس بعد كدا خلاص
علشان فعلا مينفعش يكون فيه اى حساسيات بين الاخوات بالذات وكمان علشان انا بعتبرها مثل اختى فا سامحتها بس طبعا في الاول المضووع كان مضايقنى جدااا لانها خبت والمضووع مو مستاهل التخبيه
ربنا يكملها على خير يارب العالمين
ويرزقنى واياكم بالذريه الصالحه عاجلا غير آجلا يارب العالمين

اممم بصراحه موقف كريه ويضايق

لو صار لي بشيل في خاطري على هالبنت ولو الله رزقني بحمل بسوي لها مثل ماسوت لي وماراح اعلمها بحملي

شكرا خواتي الله يصلح كل ذات بين

والله يا اختي الكذب حرام و معليه الواحد يخش شهرين لكن من دون كذب و في ناس اتمصخها ايخشون لي الرابع او الخامس و ما عندهم توكل على الله .. لكن صدقيني اللي يخش اهو اللي يفطن اعيون الناس عليه والله يرزق الجميع الذرية الصالحة

اكيد راح اتضايق
مع اني ماأحب اسال احد هالسؤال
وماقد صآر لي وان شاءالله مايصير
..
دمتي بخير
..
.

بصراحة انا كثير صادفني هالمواقف اتضايق

والأكثر اذا جت من الأخت المشكله

انا ما بعرف شنو نيتها بس بعد حطيت في خاطري

كنت مسافره لدراسه وما خبروني الا من يوم رجعت وكانت في الثاني بتدخل الثالث وقالت لي ان هي ما كملت شهر بس براحتها انا ما راح اتايق واجد لأنها أختي مهما كان
و لاني اعرف انه يوم من الايام ربي راح يرزقني بذرية الصالحة ان شاء الله

انا عن نفسي عادي اقول حتى للناس اللي علاقتي فيهم مو قويه وايد..

بس عمتي (ام زوجي) ماترضى تقول حتى اني حامل ..ولما اسألها تقول اخاف عليك من عيون الناس اللي ماترحم..

انا قلت تبالغ عمتي..يعني الناس تحسدني ليش؟؟

بس والله ان كلامها صحيح..الحين لما امشي بالجامعه اشوف نظرات البنات لي..واسمعهم سمع اذني يقولون ..(ماكنها حامل هذاهي

تمشي وتروح وتجي كأنها حصان ..لا والقهر مافيها حتى كرش)

من يومها والله العظيم جاني الم فظيييع نزلت علي مويه..مع اني مااعتقد بالحسد مع انه مذكور بالقران الكريم

بس من اختي او امي او صديقتي المقربه مااااااااااأخاف ابدا لاني اعرف انهم يبون لي الخير..ومستحيل تجيني عيون منهم

بس انتي حبيبتي لاتحطين ببالك وطنشي وقولي ربي بيرزقني عاجلا ليس اجلا بإذن الله..

انا صادفني هالموقف لكن في الاساس ما قالت لي انها حامل
تضايقت بيني وبين نفسي بس هم انا قلت اهي خايفه على مشاعري ما قالت لي مو لانها خايفه من عيني وما حملتها على المحمل السيء
وعيون الناس ما ترحم وانا اعذر اللي تخبي اكثر من وحده اعرفها سقطت لكن لما كتمت الخبر الحمد لله الله رزقها
الله يرزقنا جميعا الذريه الصالحه

مشكورين خواتي
الله يرزقني ان شاء الله ..بس انا دائما اقول يمكن خافت على مشاعري ما ادري بنيتها ! بس ما خافت اعرف من غيرها وانا توني سالتنها وقالت لا مو حامل
الله الي عطاها يقدر يعطيني ...اكيد الحسد موجود ولكن الله لا يجعلني من الحاسدين يارب

عادي حبيبتي لازم تتحملين وماتبينين زعلج عشان لاتزيد الحساسية
انه صارلي موقف مع اختي شفتها الصبح وقالتلي انها تعبانه لان عليها الدوره وبنفس اليوم العصر فاجئتنا كلنا في بيت امي انها حامل وانها من يومين تدري بس حبت تخليها مفاجئه
حز بخاطري لاني وايد قريبه منها وانه الي ربيتها وشفتها الصبح وقالتلي تعبانه علي الدوره:×
بس الله يهنيها ويتمم عليها مابينت اني زعلانه ولا تكلمت .