خلصت الشهر التاسع وما ولدت

انة ممكن اشك في حسبتي ممكن تكون غلط بس الدكتورة في كل موعد لي تسوي لي اللتراساوند ومن خلال الاشعة تحدد قياسات الجنين و عمره و السبت الي طاف كملت اربعين اسبوع حسب الاشعة :(

بقايا فجر;10665927:
روحي لمراخة حبيبتي

شنو بتسوي لي المراخة اذا راس الجنين كلش نازل في الحوض حسب ما فحصتني الدكتورة فحص نساء قبل اسبوعين

بقايا فجر;10665958:
لا اتحاتين وايد انشاء الله بكرة تولدين ..حاولي تتمشين شوي ..وسوي الاشياء الي تجيب طلق ..ما ادري اكيد تعرفونها من امهاتكم والله يفرج عنج ..حاولي تروحين الى مراخة ممتازة

ان شاء الله تسمعين خبر ولادتي قريب ان شاء الله

و الله عن مسهلات الولادة صرت اسويها من اسبوعين بس ما اشوف اي بوادر طلق اللهم الم خفيف في ظهري يروح و يجي مع انقطع النفس ومن احس بهذا الاحساس سواء كنت صاحية او نايمة على طول اقوم بعملية شهيق و زفير تلقائيا ً و من اسوي هالحركة احس براحة تساعدني على تحمل هذا الالم ليمن يروح الانه ما يطول وياي الا دقائق معدودة و يروح و لا كأن فيني شي 8o|

صبحكم الله بالنور و السرور :)

حبيت اخبركم ان قبل ساعة و نص دخلت و انتوا بكرامة للتواليت و بعد ما خلصت و جيت امسح بالكلينكس لقيت دم و كل ما امسحه يزيد ليمن غسلت بالماي شفت مادة لزجة و

فيها دم ما ادري هل هاي سدادة الرحم الي اسمع فيها :!!:

مع العلم اني قبل لا انام حسيت بألم اسفل بطني مثل الم الدورة و حسيت ببرودة في جسمي و على طول نمت و الحين احس بألم اسفل ظهري

عيون وليد;10667600:
يا اختي الي اعرفه ان الي تولد قيصري وتحمل قبل سنتين من العمليه الدكتوره تسوي لها موعد للولاده وتولدها قيصري شكل دكتورتك ماتفهم روحي لدكتوره ثانيه بعدين اول مولود ممكن يقعد اكثر من تسع شهور بس الثاني لا يعني المفروض تكوني ولدتي الا لو كانت حسبتك للحمل فيها غلط

في موقع يحسب لك متى موعد الولاده التقريبي بس تدخلي تاريخ اخر دوره

انتبهي لنفسك قريبتي تخيلي انها كانت في الشهر التاسع والدكتوره تقلها انتي في الثامن ربي ستر عليهااااا بس

و الله يا أختي بالنسبة للدكتورة الي اتابع عندها اشوف اكثر بنات المنتدى يتابعون عندها و اسمها (( منى راشد الشرقي )) و هاي ثاني مرة اتابع عندها الحمل .. و هي خبرتني انه بما ان راس الجنين نازل للحوض فأني راح اولد طبيعي .. عاد انة سألتها يعني كلش مافي احتمال وارد اني اولد قيصري قالت لي .. بلى في احتمال .. بس اكثر الظن راح تولدين طبيعي و قالت مو شرط الي تولد قيصري بفترة ممكن انها تولد قيصري مرة ثانية و انة متكلة على رب العالمين الي ربي بيكتبه لي راضية فيه اهم شي اولد و اقوم بالسلامة و اشوف ولدي بصحة و عافية ..

بالنسبة حق المواقع الي تحسب موعد الولادة و الله دخلتها قبل يومين و دخلت تاريخ آخر دورة و طلع لي نفس التاريخ الي عطتني اياه الدكتورة منى ..

و انة اشوف بالمنتدى ان بنات وايد يكملون التاسع و ياخذون عليه اسبوع او اكثر و بعدين تجيهم آلام المخاض

و امي تقول ان صار لها جذي لمن ولدت بأخوي و خالتي نفس القصة اخذت اثنين و عشرين يوم من العاشر و المستشفى كانوا بيسوون لها عملية بس ما وافقت وولدت طبيعي

الدم قاعد ينزل مني من الصبح و لي الحين ما وقف و الألم يجي و يروح