ويارب تعجبكوا الطريقه
الطريقه
نعجن اللحمه المفرومه مع بصل مبشور وبقدونس متقطع مفروم ونحط عليها ملح وفلفل وكمون واي نوع بتفضلوه ونسيبها ترتاح في التلاجه حوالي ربع ساعه
وبعدين نطلعها ونكورها بالشكل ده
ونجيب حله نحط فيها زيت ونحط فيها الكفته علشان نحمرها
وده هايبقي شكلها بعد مانخرجها من الزيت
وبعدين نجيب بصله نقطعها جوانح ونحمرها في الزيت اللي حمرنا فيه الكفته ونحط عليها فصين توم ونحمرهم كويس
وبعد مايتحمروا نحط عليهم الكفته
ونكون مجهزين عصير طماطم ونحطه عليهم
وده بعد ما استوت
وتقدم مع الرز الابيض
وبس يارب تعجبكم وميرسي مقدما علي ردودكم وتقيماتكم