الحمل و حبوب الحديد والكالسيوم !

*

**ريما**

عروس نشيطة

19-11-2009 | 06:01 AM

سلام

كيفكم كروشات؟

حبيباتي أنا حامل ببداية الشهر الخامس ( الله يثبت لي حملي )

وأعطتني الدكتوره حبوب للحديد والكالسيوم وأنا مررررره مهملة فيهم يعني يومين اشربها وثلاث ايام ما اشربها أحيانا أنساها وأحيانا أتناساها ..:eek:

وما ادري هل فيه ضرر والا لا..؟:(

علما بان الدم عندي من قبل ما احمل ( 45و9 )يعني فيا فقر دم

أرجوكم ردو عليا ضروري

والله يسهل علينا وعليكم

أ

أم المهند

مشرفة سابقة

19-11-2009 | 07:03 AM

بالسلامة عليك يا أختي ،،

شكلك مدركة للخطأ فديتش بس سبحان الله تصير الهفوات وينسى البني آدم ،

الحبوب والفيتامينات بأنواعها تعتبر مكملات غذائية للحامل حتى لو أخذتي المواد الغذائية الطازجة ، هالحبوب فايدتها أكبر بالذات الحديد

وغير كذا انتي شايفة نفسك ان عندك ضعف في الدم ، فليش ما تضغطي على نفسك شوي وتاكليهم ، أو سوي مذكرة لك إذا كنتي من النوع اللي ينسى ياخذهم ، حطي ستيكر على جامة التسريحة تبعك كل ما تناظري المرايا تتذكري الأدوية ،،

خذيهم حبيبتي عشان صحتك وصحة البيبي بالأخير ، والإهمال عواقبه وخيمة ،،

الله يكون بعونا جميعا ويقومنا بالسلامة ياااا رب ،،

°

°• أم السآإدة •°

عروس ماسية

19-11-2009 | 08:19 AM

لا حبووبة هذا غذااء للجنين

ومو أهو المتضرر لأن أهو بياخذ منج الحديد والكالسيوم

أنتي المضررة في الأول والأخير

يعني لاتهمليهم!

R

Romantik feel

عروس مشاركة

20-11-2009 | 06:34 AM

انصحك تداومى عليهم الحديد لاجل مايجيك فقر دم لاقدر الله اشوف حريم يدونهم ابر حديد باخر الحمل وتتعب مره
والكالسيوم انا باول حملى تعبت من اسناني وتغير لونهم بعد ومن خشيت الرابع واخذتهم ارتحت وراح الصفار اللي بالاسنان وكويس للعظام بعد
ومايصير تاخذيهم بوقت واحد ابدا خلي الحديد الصباح والكالسيوم بالليل

j

jana1423

عروس نشيطة

20-11-2009 | 03:16 PM

أهم شئ علاااااااااج فقر الدم...
أنا قبل الحمل كان 11
وما أخذت الحديد عشان الامساك وسويت تحليل دم في الخامس صار عندي الدم 9..
و سألت عن تغذيه تزيد من الدم
لقيت كثييييييييييييييير مجربين الزبيب الاسود...ينقع ويشرب ماءه ويؤكل أو يخلط مع حليب...
مقدار نصف كأس إلى كأس..يوميا..
وبديت فيه ويارب ألقى النتيجه...

س

سمات

عروس مبدعة

20-11-2009 | 08:46 PM

والله اختي انصحج انج تداومين على الحديد والكاليسيوم لان انتي الا بتتعبين وبيجيج الم في عظام جسمج

انا الدكتورة عطتني حديدمخلوط بالفوليك بس ماعطتني كاليسيوم على الرغم اني عندي نقص بالكاليسوم وكل عندي الم بعظامي بس مارضت تكتبه لي تقول دمج زين واجد ماله داعي الكاليسيوم بس بنكتب لج حديد عن لاتصيدج مضاعفات:study:

يعني المتضررة الوحيدة في الموضوع انا وحدي فشريت لي كاليسيوم من الصيدلية مابتابع كلام الدكاترة..

!

! أنــثــى !

عروس ماسية

21-11-2009 | 01:45 AM

اهلا اختي

اضيف على كلام الاخوات ..

لا تاخذين الحديد و الكاليسيوم مع بعض !

لأنه الكالسيوم يقلل من امتاص الجسم للحديد .. يعني خلي اوقات تناولهم متفرقة !

ع

عيون وليد

عروس ماسية

21-11-2009 | 03:20 AM

لا اختي لا تهملي

واهم شي ماتاخذي الكالسيوم والحديد مع بعض لانهم يكسرون بعض عرفتي اشلون

والحديد لاتاخذينه عقب الاكل على طول لانه يقلب البطن ويسوي غثيان

واذا تنسين خزني الموعد في ساعة الجوال او وقتيه مع الصلاه مثلا خذي الكالسيوم بعد صلاة الفجر وخذي الحديد بعد صلاة العصر انا كنت اسوي كذا وربي يسهل عليك

.

..Rose..

عروس فضية

21-11-2009 | 04:30 AM

لاتهملين روحج
اهتمي بنفسج خصوصنا انتي حامل