ضحية العيد

بسم الله الرحمن الرحيم

عيدكم مبارك مقدماً

كلكم اكيد جهزتون لبس العيد و الاكسسوارات و كل جديد

بس ذكرتون الضحيه؟؟؟

عيد الأضحى عندنا في البحرين و اعتقد مناطق ثانيه نسوي للأطفال الضحيه و هي عبارة عن سلة خوص فيها زرعة من انواع مختلفه ويوم العيد يتوجهون الأطفال للبحر و يرمون الضحيه فيه على أساس انها ضحيه للسمك على ما اعتقد و الله اعلم

في ناس يسمونها ضحيه و في ناس حية بيه و ناس دوخله على ما اعتقد في السعوديه

حبيت اسالكم هل بتاخدون لعيالكم و هل بتشترون او بتزرعونها في البيت

طبعاً هي في الأصل كانت تنزرع في البيت بس الحين صاروا الناس ما يتعبون روحهم في زمن التيك اواي

المهم اني حابه اسوي لحسوني وحده خصوصاً اني من جبته ما عيدنا الأضحى مع الأهل نروح المدينه المنورة بس السنه الله ما كتب

فقلت خل اسوي له وحده اني خاطري اسويها بايدي في البيت احس الطفل يفرح فيها اكثر و يحس بجو العيد انه زرعها و راقبها و هي تكبر و بعدين يضحي فيها<< اخاف ما يرضى هههه

سؤالي هو هل يمدي تنزرع من الحين ليوم العيد؟؟

مفكرة ازرعها في قطن اوكي؟؟ وكم تاخذ وقت على ما تكبر وتصير حلوة؟؟

مفكره اسويها من الماش اوكي ولا في شي ثاني احسن؟؟؟

ووين احصل القفه او السلة الخوص في منطقة المحرق او غيرها ؟؟

و الي تعرف وين ينباعون تخبرنا علشان الكل يستفيد

هم عادة يبيعونهم على الشوارع واكيد بيبيعونهم في الاسواق المتنقله

و في النهاية احب اذكر مقطع من نشيدة الدوخله لصالح المؤمن:


دوخلتي حجي بي حجي بي ليمن يجي حبيبي حبيبي حبيبي راح مكه مكه و مكة المعموره المعموره فيها السلاسل و الذهب و النورة و النورة


وكل سنة و انتوا طيبين

اذا ما كان هذا القسم المناسب للموضوع ارجو عدم نقله لأن هني الأمهات بيفيدونا و الأقسام الثانيه يمكن ما يحصل اهتمام كافي