قمة السخافه

دلوعةحناني;10654855:
حبيبتي الغاليه
مااتصور يحتاج الموضوع كل هالتعب والتفكير من جهتك.
الانسان الي بيروح الحج يحاول يصلح اخطاءه وانتي مثل ما ذكرتي ما اخطيتي عليها هي الي قلبها اسود ونيتها مو صافيه
هالنوعيه صدقيني ما يفيد معهم اى شئ وهي ما تبي تتصالح معك الا هي مصره تقطع العلاقه بدليل انها تتجاهلك بالسلام
وما تأكل من اكلك والخ.
هذا دليل ان هالأنسانه تكرهك .
لان لو كانت تعزك وزعلانه عليك اشد الزعل كان من اول مبادره شفتيها صارت لينه
وحن قلبها وتنازلت شوي علشان المياه ترجع لمجاريها.
لكن واضح ان انتي نيتك شرق وهي نيتها غرب استغفر الله.
وانا من وجهة نظري انك غلطتي يوم رحتي لها ونزلتي كرامتك لأنسانه ما تستاهل .
يا شيخه المفروض هي تشيلك بعيونها لانك جيتي بيتها وبادرتي بالصلح حتى لو كنتي شاتمتها او غيره مادام جيتي عندها لبيتها
وطلبتي الصلح المفروض ما ترفض وهذا من شيم العرب بس الظاهر ان حركتك الكريمه ما طمرت بهاللئيمه.
خلاص حبي انتي انسي الي فات وروحي حجي وادعيلنا هناك .
وانما الأعمال بالنيات ولكل امرء مانوى.
صدقيني لو انتي بقلبك ندمتي وحبيتي تعتذري وماحصل هالشئ ربك غفور ويسامح وترى الله مايرضى ان الانسان يهين نفسه
ويذل كرامته .
سبحانه وتعالى ذكرها في كتابه الكريم العين بالعين والسن بالسن والبادي اظلم.
كل شئ يكون بالمعقول .
يعني الأنسان ما يكون ظالم ولا يكون طيب لدرجة السذاجه وضياع الحق.
واتمى لك حج مبرور وسعي مشكور.
كل عام وانتي بألف خير
تحياتي

moonshadow508;10655374:
لا حبيبتي ما تعتبريه اللي عملتيه اهانة الك بالعكس ازا كان رح يدل على شي فرح يدل على طيبة قلبك ونيتك الصافية,,عزيزتي انتي عملتي هالشي لوجه الله تعالى مو عشانها انتي على الاقل تكوني ابتديتي بالخير مو متلها,,هي منها لحالها بتسطفل رضيت ولا ما رضيت شي برجعلها المهم انتي اللي عليكي عملتيه وريحتي ضميرك,,

كتير مشاكل بتصير من تحت الولاد الصغار بس بنظري ازا هي بتزعل ازا انتي حكيتي كلمة لاولادها هاي تعتبر قلة عقل وبال فاضي,,يعني لو هي عملت نفس اللي عملتيه كنتي رح تزعلي؟؟

بالاخر المهم انتي اللي بديتي بالصح والله يجيب اللي فيه الخير ولا تزعلي ولا تحسي بالمهانة والمذلة ولا شي والعقاب رح يجيها هي مو انتي,,بالعكس كوني فخورة بنفسك انو انتي اللي بديتي بالمصالحة ,,,وبعدين انتي ما طلبتي منها تسامحك معناتو انتي ما ذليتي نفسك,,

يا رب تروحي وترجعي بالسلامة وما تنسيني بدعائك بالستر والصلاح والهداية حسن الخاتمة,,

عفوا على الاطالة وتقبلي ودي

..لمعة عين..;10655396:
قال رسول الله صلى الله عليه وسلم " لا يحل لمؤمن أن يهجر أخاه فوق ثلاث ليال ، يعرض هذا ويعرض هذا ، وخيرهما الذي يبدأ بالسلام "

انتي سويتي اللي عليج ف لا تشيلي هم,,,هي اللي راح تأثم ع عمايلها وان شاءالله حجج مقبوول:)

وجوه الخير;10655401:

(f) يا مرجانة البحار اولا حجا مبرور وسعيا مشكور مقدما يا قلبي دعواتج لي والى كل المؤمنات انه ربي يزوجني قبل شهر رمضان الفضيل الجاي بابن حلال طيب:o ثانيا ربي يرجعج سالمة وغانمة الى ديرتج وهلج:D

مرجانة شوفي الغلط مو في الزيارة وهدفها بس اسمحي انتي خرجتي عن هدف الزيارة شوية شوفي وين الغلط انتي رحت لها الى بيتها خطوة صح بس ما كان له داعي المناقشة يعني زيارتج لها ماتاخذ غير نص ساعة بالكثير وتقولين لها الاتي

فلانة انا بروح الحج وابيج تبرين ذمتي والسموحة منج اذا غلطت عليج بشي
مع السلامة

وانتهت الزيارة(y)

ومثل ما قالت الاخت دلوعة حناني هي مو ويه الشخص يتعامل معاها بهاي الاسلوب الراقي انتي شنو اللي خلاج تحسين بالندم من هالزيارة لانج اخذتي وعطيتي وياها (n) انتي الحين خلاص رضيتي ربج وضميرج وخلاص اللي صار صار روحي يا قلبي حجي ودعواتج لي بالزوج الصالح واتني يا قلبي اعتبريه درس للمرة ثانية اشلون تتعاملين مع الاشخاص من نوع سلفتج :wink:

تحياتي(f)

مرجانة البحار;10660772:
كلامك سليم

لكن احيانا لقول لنفسي

كرهتني لأن كانت ردت فعلي قووويه جدا يوم كانت بينا مسجات بخصوص بنتها

لدرجة انها صارت تبكي و قت المواجهه وانا طنشتها من شدة مااستفزتني

وها الشي خلاها تتصرف معي كذا الأن مدري و الله

ثانكس لمرورك

**ام عبادي القمر**;10655634:
حبوبة لاتكدرين خاطرك ومثل ماقالوا البنات انتي سويتي الي عليج صارت معي مثل سالفتك بالضبط
لكن مع حماتي اخت زوجي
اني بقول لك القصة
حماتي هذه اخت زوجي كانت صديقتي قبل لااتزوج زوجي
ومرة صارت بيني وبين اختها مشكلة بسيطة وسوووها لي سالفة طويلة عريضة وكل بيت اهل زوجي قاطعوني وهي اول وحدة فيهم
المهم الحمد الله رب العالمين تعدلت علاقتي فيهم بعد ماجبت عبادي الله يحفظة
وبعدين بعد مامر على سكوتها عني وماتتكلم معي يمكن اكثر من 3 سنوات
واني عادي مع بيت عمي كلهم الحمد الله تعدلت علاقتي معاهم الا هي
المهم كلمت اختها وقتل لها ابي اكلم فلانة
وعلى العلم هم حاطين الغلط علي ويعتبروني اني الي غلطانة وقالتها لي حماتي ولا كاني سمعتها لاني لو بتناقش بترد المشاكل مرة ثانية
المهم لما رحت لها وسلمت عليها وكلمتها ماعطتي وجه يعني ردت علية لكن مو من نفسها ولا حتى حطت عينها بعيني وكاني الله يهديها سارقة شي من عندها او مسوية جريمة
وخلتني اركب شقتي واني اصيح وهالشي صار قدام بيت اهل زوجي وكلهم يدرون وهي للحين ماتكلمين وبعد هالموقف كلش ماتهمني صرت اشوفها تمر من جبني ولا كاني اشوفهااااا
وكنت فرحانة من هالموقف الي صار لي لاني سويت الي علي قدام ربي ولا جى على بالي اني نزلت نفسي الليها لانة صرت اني احسن منها جدامها وجدام اهلها وجدام زوجي وقبل كلشي اخذت اجر على الي سويته فيني
طولت عليج بس بغيت اراويج اني مثل ماطنشت اني حماتي طنشي انتي بعد ولاتفكرين انج نزتلي نفسج لها لا فكري بالاجر اللي حصلتيها
والله يصلح مابينكم
ومسامحة على الاطالة

sss_12;10656218:
والله ماشاء الله عليكي اهنيكي على هذا الخلق وكرم الاخلاق بالعكس والله ناااااااااااااااااااااادر الي كذااا الله يبارك لك في نفسك وزوجك واولادك

نور مجان;10656292:

هي قلبها اسود انتي شو ما رح تعملي ما رح ترضى حتى لو بستي رجولها انتي هدفك رضى المولى والله رحيم غفور


من البدايه انتي ما غلطتي بس هي شكلها شايله عليك من قبل وانتهزت الفرصه عشان تطلع كل الي في قلبها تجنبيها اختي ولا تخليها تستفزك بالعكس هي اكيييييييييييييد حاسه روحها غلطانه وانتي طلعتي الاحسن وهي تعرف هالشي واهم شي يعني اتمنى اختي انك تمتثلي بهالايه القرأنيه " والكاضمين الغيظ والعافين عن الناس والله يحب المحسنين " انتي كضمتي غيظك وسامحتيها واتمنى اذا جيتي من الحج ان شاء الله تجيبلها هديه بسيط والله يحب المحسنين

عيون وليد;10656449:
رايتك بيضاااااااا والي سويتيه ينحسب لك ماينحسب عليك

وسلفتك هذي لو فيها خير ولو هي تحبك من الاساس كان من اول ماتشوفك تاخذك بالحضن حتى لو كنتي غلطانه عليهاااااا بس شكلها من اول ماتحبك وهذي حركات السلايف وش متوقعه انتي انها بتسير لك اخت لا حبيبتي معروفين السلايف العن من اهل الزوج يتصيدون الاخطاء

انتي سويتي الي عليك وهي رضيت خير وبركه مارضت خليها تطق راسها بالجدار

الله يعطيك العافيه وربي يقبل حجك ان شاء الله وييسره لك