مشاكلي مع امي لا تنتهي

السلام عليكم ورمة الله وبركاته


مشكلتي مع امي انها متقلبة المزاج
يعني شهر تصير عصبيه وتهاوش
,وايام ما فيه اطيب منها
طبعا ما صرت اشوف طيبتها من فتره قصيره
لما كنت صغيره كنت حساسه يعني بسرعه ابكي وشخصيتي ضعيفه
فلما اتضايق اروح لاختي الكبيره واشكي لها واحل المشكله يعني ما اعرف اشكي لامي
واكثر مشااكلي كانت مع امي يعني لم اقول شي لامي حتى ولو كان تعبير تصير مشكله
دائما تقول لي انتي سمينه لدرجة اني لم اجلس اتكتف عشان اغطي جسمي والبس مقاس كبير وفضفاض بعيد عن الموضه كل اللي حولي كانو نحيفين وهاذا كبر المشكله لانها تقارني فيهم
لم كبرت شوي تزوجت اختي
فقدتها لانها كانت مثل امي ودايم اشكي لها واسولف لها وانوم معها
صرت اسولف معها بالتليفون بس انشغلت عني بزواجها فما صرت اكلمها
وما كان فيه احد الا صديقتي
انا عرفت اينو بس افشي اسرار بيتي وهي ماتعرف تحل المشكله فما صرت اتكلم الا عن سواليف البنات يعني ما اشكي لها
طبعا لان كان تحتي اطفال واكبر مني فكان اهتمامها بي قليل
في البيت بس تناديني عشان شغل البيت يعني مافيه اي علاقه
انا عارفه انها مشغوله بس انا احتاجهاوهي مهما كان امي اللي احبها واحتاج لها
انا الحمد الله كل ما اكبر تتحسن شخصيتي لاني اقراء كتب وكانت اختي دائما توجهني
لما تغلبت على حساسيتي وضعف شخصيتي
بس لما اتغلب على مشكله تصير لي ثانيه
ما تشكرني او تمدحني ..يعني لماكان اخوي صغير كنت احبه اكثر شي يعني البسه وااكله ((امي الاساس بس اساعدها كثير)) وحطيت في بالي اينو تكون علاقتنا ممتازه بس كان عمري 11 يعني صغيره امي انشغلت بنفاس اختي فزادت علاقتي فيه
تعب وجاه ((تعب في ظهره يعني مثل المصع )) فصارت كل ماتكلم احد ((بنتي .. فهقته ..انتي ماتعرفين تشيلينه.. وكان اسلوبها غلط فكنت كل يوم ابكي ))قبل كيذا ماكانت تكلمهم وتقول بنتي تحب اخوها ((كانت علاقتي فيه حلوه واذا شلت او لعبت عيال اختي يبكي ويقول انا اهم منهم شيليني انا ))الحمد لله كبر الحين ونسيت او احاول انساها مثل المشاكل اللي صارت وتناسيتها وكمان انا ما انسى حاولت اكتب المشاكل اللي صارت في ورقه واشقها بس ما قدرت انساها
انا احاول ارضيها بس يكون عندي امتحان بالمدرسه ف اقول بعدين الشغل اول المدرسه (لان مستواي بالمدرسه اقل من اخواتي) وانا لازم اخذ نسبه عشان نفسي مو لارضي اللي حولي فاقدم الدراسه على البيت

انا بعيدة عن امي وكلامي وسواليفي معها قليله جدا اذا كانت زعلانه تسبني وهذا كان من يومين فان فيه شي سخيف فقالت لي((يا بنت اليهود )) قعدت يومين اصيح من هاذي الكلمه وقلت لها انا موبنت يهود قالت لي هذا عقوق ليش ترفعين صوتك علي يعني ما فيه شي اسمه اعرف اتعامل معها واحن عليها ؟؟؟
وما اعرف كيف اكلمها لانها ما تفهمني لاني اليوم قلت لها مشكله عن مصروفي في البيت واينو اقل من اختي اللي اكبر مني ب3 سنوات((نوع من السوالف او اني اطلع اللي في قلبي ))قالت انك ما تحمدين ربك وكبرت المشكله لدرجة انها بكت ((بس دموع مو كثير )) وتهاوشني طول اليوم وتقول اني اعرف اضربك بس مو لازم وانك بزر ليش تتكلمين كيذا انتي وشو عشانك في الثانوي يعني تتكلمين بهاذي المواضيع انتي بزر(( مدري وش دخل هاذا بالموضوع ))؟؟انا نفسي نفسيتي تعبانه والمدرسه ضغط والبيت ضغط وهي بعد ضغط ثاني
انا ودي اضمها واسولف معها من عيوني تعرف وش فيني بس
العكس بدل ما الام تتقرب من بنتها صرت انا الام وهي المراهقه
هي اكيد تفكر فيني وتحبني ويمكن تحاول تتقرب مني بس مدري ليش حظي كيذا

ولم اسولف عن اشيااء عاديه يعني مو مشكله او هم تسفهني لانها ما تعجبها سواليفي ماتعرف تمدحني

مدري وش اسوي
انا الغلطانه .. ولا امي .. ولا انا وهي