بسم الله الرحمن الرحيم
السلام عليكم (f)
اليوم جايه احكي لكم قصة ولادتي
التاريخيه و العمل البطولي هذا يلي قمت فيه لوحدي
:cool:<<
طبعا انا كنت حالفه أيامين مغلظه اني ما احمل
بعد اللي شفته بولادة ولدي البكر
و المعاناه و المقاساه <<من القسوه يعني :tongue:
و قدرت اني اطبق اليمين حقي ست سنوات فقط
:cool:<<بس برضو قويه صح؟؟
مين سواها فيكم ..؟؟
هاااه :tongue::tongue:؟؟
مين انتظرت ست سنوات لين تجيب البيبي الثاني؟
:tongue:<<برا
احم
المهم
الله راد و حملت
لنه جد طفشت من اسئلة الناس
و ماما اذبحتني على بالها آخذ حبوب
ههههههههههههه
و الكل على بالهم فيني مرض او عله
لنه من جبت ولدي ما عاد حملت..!!
ما يدرون انه اتفاق مع زوجي و الوضع طبيعي :wink:
مالكم بالطويله خلونا دوغري بسالفة الولادة
:confused:
انا طوفت يوم واحد على موعدي
و من بداية الحمل و انا اوسوس لو طاف موعدي وش بصير؟
لدرجة لما عدى موعدي قعدت اصيييييييح
و ماما استغربت مره و عصبت
تقول البنات تطوف عشر و خمستعش يوم ما تسوي سواتك
:ss:
انتي مطوفه يوم واحد و تبكي كنه مقتول لك قتيل :ss:
بس جد كنت خايفه
و ماما تهديني و تقول كله على ربك
ان شالله ولادتك قريبه
المهم بذاك اليوم ما نمت :(
و الصبح اتصلت لدكتورتي قلت لها طوفت و قعدت ابكي
بالتلفون
و قعدت هيه تضحك
قالت شذى انتي زي الطفل يلي راح تجيبيه
ههههههههههههههه
ليه تبكي الحين ؟؟
انا عندي حاله متأخره خمستعش يوم
ما قالت شي و انتي بس يوم واحد
قالت اذكري الله و تعالي اشوف وضعك
احتمال يكون معك طلق بارد مو حاسه فيه
قلت لها بجيك العصر قالت تمام
و طبعا انا نمت الظهر على اعتبار ما نمت بالليل و سهرانه
و صحيت على العشا
:Dالله ياني نمت نووووووووم
الزبده راح علي الموعد معها
و قلت بحول الله بكره الصبح اكون عندها
المهم تعشيت و سولف مع ماما و خواتي شوي
بعدين دخلت مع ولدي انومه
و احكي له قصص
لين ناااااااااام
عاد جيت انقلب علشان انزل من السرير و اروح اشوف التلفزيون
و إلا مويه من هنا لهنااااااااااااك
:eek:وش ذا الوادي من وين جا؟؟
انا مستغربه لنه بولدي المويه فتحت ع الولاده
و هذا غير
الزبده انا فرحت و قلت قربت الولاده قربت
شوي و ارقص من الفرح:D
بعدين اكتئبت اقيييييين لنه ما فيه ألم أبد
بس مويه تنزل و بس
:confused:
يا الله
قعدت اوسوس و اقول الحين يعطوني طلق صناعي
و اذا ما جاني ألم منه كمان بعملو لي قيصريه
و تعالي يا أفكار و روحي :confused:
قلت خل اقعد ماما من النوم تجي تدق حزن معاي احسن
ههههههههههه
رحت قومتها
و جت مسكينه مرتعبه
عاد ماما من النوع اللي امهاتهم وقت الولاده
وجع بطن و حمام
ههههههههه لبى قلبها اذكر بولادتي بولدي
كل شوي تروح الحمام مسكينه من الخرعه جاها اسهال
الله يحفظها بس قولو آميييييييين
الزبده
حسيت عيونها امتلت بالدمع
و قعدت تدعي الله يسهل علي و قالت روحي خذي دوش و تعالي
امشي شوي قبل آخذك المستشفى
ما نبي نأخرك زياده لنه مويتك انفتحت
رحت خذت دوش سريع و المويه باقي تنزل
لدرجة خفت ع البيبي قلت اكيد ما بقى مويه عنده
ماما قالت يالله خلاص نروح
و صحت اخوي
و قام و انواع الكسل و البطء يلي ف العالم كلها كانت فيه
و قعد يتحرطم ليه دايما أولد في نص الليل؟
ههههههههههههههههههههه بالبكر برضو ولدت نص الليل
و هو يلي وداني الطبيب
ههههههههههه بعلي دوامه بعيد
و ع طول عند اهلي :tongue:
الزبده قام بعد ما هزأته ماما
:cool:
و بالطريق قعد يخرعني يقول الحين يشقون بطنك
و اذا ولدتي طبيعي راح يجي البيبي من رجوله
لنه لا :cool:انتي و لا البيبي حقك ذا عنده سالفه
اجل بنصاص الليالي تولدين؟؟
يعني وش بصير اذا ولدتي الصبح و الا العصر
الناس صاحيه و مرتاحه
ههههههههههههههه
و ماما كل شوي تهزأه
:confused:الزبده انا انواع القلق من جد و الألم بدى خلاص
و المجرم اخوي ذا الله لا يبلي وحده بأخ مثله
هههههههههههههههههههههه
لما وصلنا كان فاتح 4 سانتي
و ماما قالت الحمدلله هذا 4 سانتي فتحت على البراد
بدون ألم مرررره
كان الالم توه بادي معي من واحنا بالسياره بس
عاد لما جت الدكتوره تفحصني داخليا
كنت مرعوبه و اتذكر الفحص اياه ايام ولدي البكر
اتذكر صرخت كنه أولد :confused:كان مره يوجع
و قعدت الدكتوره تحاول تفحصني يمكن ربع ساعه
عجزت و هيه تقولي أوبن أوووووووبن أووووووبن
ههههههه
<<مسكره رجولها بكل قوه
:cool:
و امي شوي و تحلف علي اني افتح رجولي
تقول ما يوجعك ذولي غير
معاملتهم حلوه
لنه بولدي كنت والده بمستشفى حكومه
و هذا بمستشفى خاص
بس الشهاده لله فرق السما عن الأرض ف المعامله فعلا
و حتى ف الفحص
مشالله الحمدلله ما وجعني فعلا :D
ايدها خفيفه
حبيتها شوي و ابوسها
ههههههه
لنه الفحص ذا كان عقدتي مررره
المهم قالت الحين قومي امشي بالممر و اذا تعبتي اقعدي ع
الكوره النطاطيه
او ادخلي المويه الجاكوزي
شوفي يلي يريحك
عاد اني حبيت الكوره و قعدت اناقز عليها
حسيتها
تريحني اكثر من المشي
انصحكم فيها يا بنات
الله يسهل عليكم
يا رب
عاد و ماما معي طول الوقت
بعدين جت تفحص كان فاتح سبعه و شوي
و الألم بدى يشتد خلاص :confused:
و ماما تدعي لي بصوت عالي
والله وقفتها و دعائها جنبي هو يلي خلاني متصبره
و متفائله اني بقوم بالسلامه
الله يخليها لي يا رب
آمييييييييييين
كانت تمسح ع بطني وقت الألم
و تشربني مويه زمزم اذا راح
و على الحال هذا
بعدين الدكتوره قالت نحط لك طلق صناعي يسرع الألم
قلت لها طيب الحين 7 يعني حمدلله ما باقي شي
قالت ايه بس على راحتك احنا نبا راحتك
الطلق بسرع الألم بدل تقعدين تألمين ساعه مثلا راح تقعدي نص ساعه او اقل
الطلق يسرع الألم
و احنا نتناقش خلاص حسيت بديت احس بثقل و دفع على تحت
قلت لها خلاص اتوقع فتح عشره احين
احس دفع
قالت
قالت
اركبي السرير بسرعه
لنه كنت ع الكوره
و ركبت مدري كيف ركبت صراحه هههههههه
مره ألم فضيييييييييع
تحسين جسمك بنشق من تحت
مدري شلون صاير ألم الولاده ذا فضيييييييييع يا بنات
الله يآجرنا خير عنه يا رب
من جد فوق الوصف
:confused:انا حسيت بموت و قعدت اتشاهد
و ماما اخترعت المسكينه
قالت
قالت
تنفسي عدل لا تسوي كذه
انا كنت اشاهق على فوق
و حتى صراخي مدري شلون صاير
اختي تقول زي صراخ اللي متلبسه جني
هههههههههههههههههههههههه
هههههههههههههههههههههههه
اختي وش عليها قاعده بالانتظار و تسمع انواع الصراخ
و تلعب بالموبايل حقها و المسجات
:ss:
الدكتوره تقول بوش
بووووووووش
:eek:
طيب و انا وش اسوي اجل :confused:
أحس اكثر كلمتين تقولهم المولده
هيه أوووبن و بوش
هههههههههههههههه
هههههههههههههههه
كل شوي تقولي أوبن و بوش
لنه انا كمان حزة الولاده اسكر رجولي تخيلو
حتى ماما بعد الولاده تقولي انتي البكر يلي تولد اول مره احسن منك
:o
قالت حتى انتي بالبكر ما سويتي كذه و لا سكرتي رجولك ؟
ليه تعذبين روحك زياده ؟؟
لنه جد ما شفتو شكلي
ماما و 3 ممرضات ماسكين برجولي مشان لا اسكرها
ههههههههههههههه
و الدكتوره ما غير تصارخ بوش وبوش
والله يا عالم تراني اسوي بووووووش
مير زي الحجر
يااا ربي
هلكت
ماما قالت اقطعي لها ساعديها شوي
قالت ما يحتاج هيه تقدر
وش عليها ايدها بالثلج هيه
قالت اقدر قالت
الزبده بنتي ما قصرت مسكينه شقت الطريق لحالها و طلعت
:ss:
صار الشق يلي فيني بسبب البيبي مو بمشرط الطبيبه يعني
:confused:يعني لو شقت هيه وش بتخسر بدل عذبتني
و تعبت بنتي خلتها تشق لحالها:mad:
<<قولي قصم
:D
ههههههه
بس والله هم طيبين صراحه
كلهم باسوني بعد الولاده
الدكتوره و الممرضات
ما صدقو اني ولدت
ههههههههههههههه جبت لهم الزهايمر من الوقفه
:tongue:
المهم جت ست الحست و الجمال
و راحو يسبحونها و راحت ماما جنبهم و الدكتوره بقت تخيط و تخيط
لين حسيت اني ثوب :ss:
قلت لها حشا وش تسوين كم غرزه ذولي؟
ههههههههههه ضحكت و قالت دونت ورى
إت ويل بي قود آفتر
يعني ذا احسن لك بعدين
قصدها يضييق و كذه
:tongue:
بعدين جابو بنتي و حطوها ع صدري
و قعدت تصيح
لها عين بعد يلي سوته
:confused:
قلت للممرضه خذيها
:mad:
ماما قالت وش هه الأمومه ذي هههههههههههههههه
ماكو حنان
قلت ماكو
:tongue:
المهم و خلصو خياطه و جابو بنتي اقين
و شلتها و بستها بعد ما تسبحت و تلبست
و بعد ساعتين طلعنا غرفتنا
و جا زوجي و اهلي و اهل زوجي
و صار كنه عرس بالغرفه
و انا ما سويت سالفه لحد و نمت
و صحيت ما لقيت حد :eek:
قلت بركه زين راحو
ههههههههههههههههه
الواحد مو قادر يرتاح
و توته توته خلصت الحتوته
:)(f)