منو سوت عمليه قيصريه؟؟

بيعطونج ابرة في الظهر تبنج النص التحتي من جسمج من البطن ورايح

ما بتحسين بالالام ولا اي شي

يراوونج البيبي في غرفة العمليات عقب ما ينظفونه النرسات ويكشف عليه دكتور الاطفال وينتهي مفعول الالم عقب ساعات من العمليه تدريجيا، وطبعا راح يعطونك مضاد حيوي في السيلان مع مسكنات للالم طول فتره رقادك في المستشفى

الالم بيكون فضيع لا يحتمل بس مع الايام راح يخف

بس اهم شي لازم تتحركين لا تستسلمين للالم لأن كل ما تحركتي عضلات البطن تتماثل للشفاء بس مو حركات عنيفة وتحملي تشيلين شي ثقيل اهم شي
الله يهون عليج

يعتمد على المكان اللي انتي فيه ، نحن بعمان ما يعطونا ابرة الظهر ، يسوون لنا بنج كامل ، عاد ما نشوف البيبي إلا بعد ما نفيق ،،

وحاليا أنا بأمريكا ممنوع سمعت انهم يسووا بنج كامل ، ويستعملوا ابرة الظهر بكثرة ،،

حسب ما أشوف وحدة من القنوات اللي تعرض برامج ولادة قيصرية .. البيبي يراوونها اياه مباشرة بعد ما يطلعونه وبعدين ياخذونه للتنظيف وغيره عشان الفحوصات ،،

بس بسألك ليش ما تشوفي مراخة وياكم بس تكون شاطرة أو دكتورة تقلب لك البيبي ، تراه يصير ..

الله يقومك ويقومنا وياك بالسلامة ، لا تنسي الإكثار والتطويل في الركوع والسجود بالذات ،، ويا ليت تحبي على ركبك قد ما تقدري هالفترة لأن هالحركة تساعد ان البيبي على آخر وقت ينقلب وتتغير وضعيته ،،

بالسلامة يا رب ،،

الله يقومك بالسلامة يارب انتي والبيبي

بس مثل ماقالت لك اختي ام المهند احبي على ركبك قد ماتقدري

لأن هالحركة تساعد في تغير وضع الجنين

أخت زوجي كانو بيسون لها عملية بسب ان البيبي كان راسه فوق

بس هي ظلت تحبي على ركبها

والحمد الله اتعدل وضع البيبي وولدت طبيعي الحمد الله

الله يرزقك ولادة طبيعية ويبعدك عن القيصرية وتعبها