شخباركم يا حلوات؟
اليوم جايبة لكم موضوع فرش مجهزته من أمس بس النوم غلبني وما قدرت انزله:o
أول شي الأغراض اللي بنحتاجها
_شنطة اللي لما نشتري لثياب الداخليه نلقاهم بعض الاحيان بشنطة صغيرة كيوت
_glue gun(المسدس تبع الصمغ)
_ شرايط قماش
_أكسسوار للتزين
طيب أحين نجي حبه حبه اشرح لكم
أول شي نجيب الشنطة وطبعا هذي مو الشنطة اللي اشتغلت عليها لان ذيك زينتها
فبخليكم تجوفونها بالأخير
والشنطة راح يكون شكلها مثل هذي بس أصغر بشوي
الخطوات:-
1_بالشرايط القماش نسوي شريطة ونلصقها بنص الشنطة بالمسدس
2_ ناخذ الأكسسوار اللي اخترناه بس انتبهو يا بنات لازم يكون مسطح علشان بشنطة راح يكون وألف ضربه بتصيده فلازم مسطح يكون
نحط 3 متباعدين عن بعض فوق الشريطة ونفس الحركة تحت الشريطة يعني وحده في البداية وحده بالنص وحده بالنهاية
وهذي شكل الشنطة النهائي
راح تلاحظون بأنها مرة بسيطة وناعمه علشاني ما احب الأشياء العفسه
احب الشي يكون so simple so sweet
جملتي انا وخواتي المعتادة:o
ملاحظة: لا أسمح ولا أحلل نقل الموضوع إلا بوجود أسمي وأسم منتداي الغالي عروس
وأتمنى أنكم حبيتوها
اللي عجبه موضوعي يدعي لي الله يرفع معدلي ويوفقني بدراستي
وقيموني إذا شفتوا إني استحق التقييم
مع حبي
مشتاقة ليك