و من ضمن مشترياتي للعيد اخذت جم عطر .. و نوعت بين الهادي و الي شوي قويه
مع اني ابد ما احب ااريحه القويه الي تصرع بالراس . يالله شوفوا هذه عطوري للعيد
.. عطر جفنشي الجديد ..
سعر 311 ريحته بارده + فخمه عجبني كثييييييير
.. عطر رووك برنسس..
ماذكر سعره بالظبط بس اعتقد فوق 300 روووعه ريحته و الكل راح يسألج عن العطر
..عطر YSL Parisienne ..
سعره 440 و ريحته روز ... روعه للصبح و للمساء ريحته هاااديه
..عطر Boss ..
ماذكر سعره بالظبط بحدود 200 و شي ريحته كيوت و مع البخور تصير واااو
.. عطر لولاا..
سعره 430 ان ما خاب ظني .. امممم ريحته فروت على فلاور مادري كيف اوصفه
بس يناسب الصبح .. لما تتركينه فتره تبرد ريحته و تصير احلى
و اخيراااا .. العطر الي بغيته و كل ما اسال عنه يقولون خلص و خلص
بس الشهر الي طاف رحت و سألت عنه قال متوفر استغربت الانه ليمتد اديشن بس ما همني
اخذته و نسيت حتى اشم العطر ههههههههه يعني وااثقه انه حلوو .. رجعت البيت و رشيت
رشه وحده بس و قلت بشوف ريحته .. و انا امشي بالبيت الكل يقول وااو الريحه ماشاء الله
خبال .. عطر+دهن عود = عطر ؟؟!! اكيدد هو!!
..عطر بنك مسك ..
سعره صاار اغلى مادري ليش ب 565 يمكن اكثر بشوي . بس 500 و فوق
ريحته مثل ما قلت لكم و الاغلبيه يعرفونه ريحة عطر رووعه + دهن عود
و قويه يعني بس رشه تكفي و للمناسبات الراقيه لووول
اتمنى موضوعي عجبكم .. و عطوري عجبتكم
و الي لين الحين محتاره تروح و تشوف اول العطور و لا تنسين العطر لا تشترينه من
اول شمه نطري عليه شوي ساعات اشم عطر واااو بس دقيقه تنقلب ريحته و يصير ابد موو حلو .. و بالنهايه الناس اذواق و كل خشم و ذوقه لووول
