اللي تستخدم كريم حواااء تتفضل بليز

مادري الصراحه انا مره اشتريته من محل ابو ريالين.....
واحطه تحت الاساس هو يبيض صح لاكن نصحوني مااستخدمه وقالوا:يكفيك انه بريالين ....اكيد هذاتقليد

بس الي عنك كم سعره يمكن هو الاصلي!!!!!!

سلام قولولي عن سعر الاصلي

انا شريته من جده بعشره ريال
مكتوب عليه انتاج محمد عدنان وشركاه
وصاحب المحل قعد يقول لي ان هذا الاصلي
لان في نوع موب اصلي .. واسالكم لان مافي اسباب اثق في كلامه
مشكورين على الرد وانتظر منكم المزيد من المعلومات :)

انا الي عندي علبته سماويه ومكتوب عليه بلصقه صغيره
كريم حواء نمره 1

بس

هلا سكون
بالضبط هذا هو نفس اللي عندي
يا انهم نصبو علي يا هذا النوع اللي معانا موب اصلي :mad:
اتمنى اللي تعرف تخبرنا

كريم حواء علبته رماديه ورمادي افتح اما الثالث ماشفت لون العلبه لان
ا رقام 1 و2 و3 على حسب لون البشره
واللي يبيعونه اصلا مايعرفون انه له كذا رقم لما نسالهم عن رقم 3 يقلون مانتبهنا ان له ارقام
وسعره 5 ريال صناعته سوريه
مكتوب انه ممكن يستخدم كاكريم اساس وانه يصفى الوجه من البثور وغيره ماذكر كل الكلام الحين
اختي توها باديه فيه انا ماجربته :shy:

هذا الكريم لشو زين؟؟؟

حبيبتي انا عندي واحد مو الالي ونور وجهي شوي بس بعدين تركته لاني اكتشفت ان الي عند ابو 2ريال نفسه بس يكون منتهي واللي متاكده منه انه مافيه كورتزون وانا باشتري واحد جديد والطريقه تحطينه على وجهك وتنامين وتغسلينه الصبح والنتائج تطلع بعد 2اسبوع كلاص فيه مألوم بابا;)

اشكر الجميع على تجاوبهم
اختي الروح هو لونه سماوي زي ماتقول الاخت سكون وعلبته الخارجيه "الكرتونه" لونها سماوي تاكدي وخبرينا
وبعدين انا مكتوب عندي انه للنمش والكلف مومكتوب كريم اساس
وانا عندي نمره 1 ولا كنت اعرف ان في ارقام غيره
وبعدين ايش يميز 1عن 2عن3 ممكن توضحين ..ومشكوره على الطريقه
اخت عنادي شكرا على الاهتمام .. وسؤالك هو اللي احاول استوضحه من الروح .. لان المكتوب عندي يختلف عن اللي عندها
اتمنى كلنا نوصل لجواب:)

اعتذر خطا مطبعي قصدي ال"كرتونه" لونها رمادي والعلبه لونها سماوي للتوضيح ومره ثانيه سوووووورررررررررررري :o

اختي مثل ماقلتي انتي
الكرتونه لونها رمادي (رصاصي)
العلبه رقم واحد لونها اخضر والكريم اللي داخله لون ابيض
العلبه رقم اثنين لونها سماوي والكريم اللي داخله لونه وردي
اما الثالث ماشفته
وواضح انها صناعه سوريه
سعرها بخمسه ريال

وهذا الكلام اللي مكتوب معاه بالورقه

كريم حواء
هو عباره عن مكياج للتجميل محضر على شكل كريم ليكون سهل التمديد على البشره الامر الذي يجعل منه اداة لتجميل الوجه وسائر اجزاء الجسم .

كريم حواء
مركب من عناصر فعاله تعطي البشره نعومه الحرير ،كما تعمل هذه العناصر على تغذية الجلد واعطائه حيويه الشباب ،ومعطر بعبير الربيع الفواح

كريم حواء
يأخذ حب الشباب ويعطيك السحر الجمال ،ويأخذ الكلف ويعطيك السحر والجاذبيه ، ويأخذ النمش والبثور ويعطيك الفتنه الساحره .

كريم حواء
مؤلف من ثلاثة ألوان صممت خصيصا لتكون في خدمة وتجميل كل أنواع وألوان وجوه السيدات والآنسات الشرقيات

دمشق سورية

كريم حواء انتاج محمد عدنان الرفاعي
علامه مسجله


وبس :shy:

يعني هذا شكله لصفاء البشره من حب الشباب والكلف والنمش والبثور

:cool2:

هلا اختي الروح
ومشكوره على الاهتمام والتفاصيل والمعلومات
بس اللي عندي مكتوب عليه نمره واحد ولونه سماوي موب اخضر يعني لازم يكون اخضر؟؟؟؟؟؟
وبعدين اللي معي مالقيت معه ورقه
واشكر الاخت جرح تاني على توضيح الطريقه
واسال اذا كان يصفي اللون ويفتح ولا لا؟؟
:)

والله انا اشوفه اخضر يمكن النور ضعيف :D2مادري بس هو افتح من رقم 2
والورقه معاه
يمكن اللي اخذتيه احد فاتحه قبلك يعني من الزباين خذت الورقه وراحت :D2

انا اخاف من اي كريم :(

اشكرك احتي الروح على اهتمامك للتوضيح .. والله يجزاك الف الف خير
اخت حكمت.. معك حق تخافين بس هذا انا واثقه ان ماقيه كورتيزون
انا ما راح ارتاح لين اعرف الاصلي من غيره
انا شفت واحد مكتوب عليه انتاج محمد عدنان وشركاه وقال البايع ان هذا الاصلي والثاني مكتوب عليه محمد عدنان الرفاعي
مثل الي مع اختي الروح ....
يعني اتوكل على الله واستخدمه....؟؟؟؟؟؟؟؟؟؟:(
اختي الروح اتمنى انك تخبريني عن نتائجه معك ومتى تبان ولمدة كم يستخدم

انا كنت استعمله من فترة بس لاحضت انه يخلي على البشره طبقة بيضة ماتروح بسهوله تعذبني لما اغسل وجهي وبصراحة خفت وخليته لانها يمكن تسد المسامات ومتخلي البشرة تتنفس ولا شرايكم بنات