شلوونكم عرايسنا ان شاء الله مرتاحين ..
يوم الجمعه 13 \11 .. كانت ذكرى زواجي الثالث .. :) .. وحبيت اني اسوي كيكة من ايديني الحلوين .. :tongue: .. لزوجي الغالي ..
وطلعت معاي هذي الكيكة .. حيييل لذيذة .. جنها ايس كريم ..
في البداية : موضوعي حصري بعرووس ممنوع النقل سواء بذكر المصدر أو لاء .. بليز بنات ماراح أحلل أي وحده تبوق الصور ..
المقادير والطريقة مع بعض بالصور .. لانه كنت حييل مزحومة .. سووري اذا فيه شي مو واضح ..
اول شي .. تحتاجون صحن يكون عميق شوي وتدهنونه بزبدة ..
بعدين .. سويس رول الفراولة ..
طبعا على حسب الصحن الي عندج .. انا كفاني باكيتين ونص ..
تقصونه حلقات ..
وتصفونه داخل الصحن .. بهالشكل ..
سويت وحده صغيرة لحسوووني .. :D
للخطو الثانية .. تحتاجون .. 2 باكيت جيلي الفراولة .. يذوب بكوب ماي حار وبعدها كوب ونص ماي بارد ..
كيس فراولة مثلجة .. صغير ..
حليب محلى .. 4 حبات كيري .. فيلادلفيا 200 غرام ..
كل المقادير بالخلاط ..
بعد الخلط ..
تصبونه داخل الكيك .. وتغطونه بالنايلون .. ويوضع بالفريزر لمدة 6 ساعات او يوم كامل ..
بعدين .. تقلب بطبق التقديم .. طبعا اذا ما نزلت بسرعه .. تحطون على الصحن فوطة فيها ماي حار ..
وبعدين .. يبت كريمة الخفق بالفراولة ..
وهذا شكلها النهائي .. بعد التزيين بالكريمة و الفراولة .. يم يم .. :D
شرايكم فيها .. لا تبخلون علي بردودكم الحلوة وتقييماتكم الاحلى اذا كنت استاهل ..
حياكم الرحمن .. :15: