قصة ولا دتي ببنتي الله يحفظها

بسم الله الرحمن الرحيم

السلام عليكم ورحمة الله وبركاته

انا وعدتكم اني اكتب لكم قصة ولا دتي

انا ولدت يوم الاثنين 9\11\2009

وكنت من يوم الاربعاء فيني الطلق بس كنت متوسعه بس 1 سانتي وقالو لي توج اذا انفتحتي

2 سانتي تعالي عشان نحط لج سيلان يحمي الطلق

والالام الي فيني راحت ما عاد جتني ويوم السبت جتني الالالم ونزل وانتو بكرامه شوي دم

بس ما رحت المستشفى قلت شكله توني على الولاده وانتظرت لين زادت الالام علي ورحت لهم يوم الاحد الصباح وقالو لي بعد توج عنق الرحم بس 1 مفتوح ورجعت البيت وقالت لي الدكتوره شربي ماي ورد وزعفران ورحت البيت وشربت ماي الورد والالم زاد والمغرب زاد الالم وتعبت وايد ورحت لهم الساعه 8 باليل وقالو لي الحين انفتحتي 2 سانتي ورقدوني عشان قالو يمكن اي وقت تولدين وعلى الساعه 9ونص انا متوسعه 4 ودوني غرفة الولادة

وبعدين اجوفهم يحطون علي مقياس الحراره تصخنت وعطوني ادويه بس انا ما كنت شاكه اني فيني شي

ولدت الساعه 6 الصبح يوم الاثنين وبعدين يوم ولدت قلت لهم متى بتيبون بنت قالو لي بنتج ما راح نيبه لج قلت لهم ليش يقولون لي شاكين ان فيج فلونزا الخنازير الله يكفيكم شر المرض

وسوو لي تحاليل وقالو لي النتيجه تطلع العصر او المغرب وما طلعت النتيجه الا يوم الاربعاء وقعدت عندهم لين يوم الخميس وطلعت النتيجه وقالو لي فيج فلونزا وتعالجت منها اخذت كم جرعه ولله الحمد الحين تشافيت تماما انا المرض ياني من المستشفى الي انا فيه بس الحمدالله على كل حال وهذي قصتي كلها ويبت احلى شيخه الله يحفظها لي

والله يهون على كل حامل يارب