افضل + ارخص = eyeshadow

هلا خيتو قريت موضوعك وقلت مي حلوه ما ارد عليك
المهم ليش ماتاخدي علبه متكامله للاي شدو
بالنسبة ليي استخدم علبة للاي شدو ماركة بن ناي
ثابته وقويه للسهرات ان شاء الله اكون افدتك

صبا الروح*;10627135:
هلا خيتو قريت موضوعك وقلت مي حلوه ما ارد عليك
المهم ليش ماتاخدي علبه متكامله للاي شدو
بالنسبة ليي استخدم علبة للاي شدو ماركة بن ناي
ثابته وقويه للسهرات ان شاء الله اكون افدتك

اي ابي شي جذي ..
بس رحت شريت علبه كامله ب 10 دينار كانت ماركة مكياج ( ما اذكر الاسم عدل شي مشابهه لمكياجي بس اكيييد مو مكياجي ) .. وتخيلي كانت يازعم مائي وكل مااحط كله لمعه X لمعه ..

علشان جذي اسأل

انزين وين ممكن احصل هل الماركة بن ناي .. واذا عندج صورة للعلبه بليز حطي الصورة .. حتى لو صورة من موبايلج ..

وبسأل بعد ؟ في احد جرب آي شدو ماك إلي يبيعونه في المحالات العادية ويكون سعره اقل ؟ هل هو نفسه او مزيف

مشكورة اختي على الرد وانتظر ردود ثانية

عملت سيرج في الانترنت وطلع لي وايد اشيا منها يلمع ومنها مات ..

وين ممكن احصلها في البحرين ؟

بن ناي ,, دورت عنها بالانجليزي !!
وطلعوا الاجانب يستخدمونها إلي رسم في الوجوه .. لوجه الممثلين !!
ووممكن الرسم لوجة الاطفال .. مو لآي شدو !! :ss:

شوفوا معاي هل الوصلة

http://go.3roos.com/k3oivTILkzl

على فكرة انا بفضل انك تستخدمى من مكياجك و الالوان اللى انتى متعودة عليها و ان شاء الله بتثبت بس حاولى تحطى ملمع عليهم و ان شاء الله بتثبت و حاولى تحطى كحلو ماسكارا مضاد للماء عشان تفضل معاكى طول السهرة

سوسن *;10626988:
سلام ..



جربت ماك وجربت لانكوم وكانوا فضيعين .. بس للاسف اغراضي ضاعوا لأن احترق جزء من البيت وراحو ..

إلي ناقصني حاليا الآي شدو .. ابي آي شدو مات بدون لمعه وثابت وسعره زين ؟

lolagalaxy;10627549:
على فكرة انا بفضل انك تستخدمى من مكياجك و الالوان اللى انتى متعودة عليها و ان شاء الله بتثبت بس حاولى تحطى ملمع عليهم و ان شاء الله بتثبت و حاولى تحطى كحلو ماسكارا مضاد للماء عشان تفضل معاكى طول السهرة

بس للاسف اغراضي ضاعوا لأن احترق جزء من البيت وراحو .... ذكرت قبل
وشريت علبة آي شدو وما عجبتني ..

مشكووورة اختي على الرد

عندج ماركة دريم وماركة مبروك وماركة بن ناي
ألوان غامقة وسعرها ما يتعدى ال 7 دينار

شوفي سلمى أو رونا في سوق واقف اخذتهم من هناك

حبوبة 90;10627573:
عندج ماركة دريم وماركة مبروك وماركة بن ناي
ألوان غامقة وسعرها ما يتعدى ال 7 دينار

شوفي سلمى أو رونا في سوق واقف اخذتهم من هناك

الله يعطيج العافية .. بروح السوق بكرة وبعدين بحكم بعيوني ..
رغم ان هذه الوصلة لموقع بن ناي الاساسي ..
http://www.bennye.com/image/2007_BNC_Catalog.pdf

ومبروك ما عجبتني إلي شفته يلمع يلمع كله لمعه فضيعه تصلح لمكياج خليجي ثقيل ..
على كل حال .. اشكرج جزيل الشكر على المرور ,,

بس شكلي ما بشتريben nye.. حتى في youtube >> عن الماركة بن ناي اشيا تخرع !
شوقوا
http://go.3roos.com/UHaOJJQyq4o

هلا ياقليبي انتي اولا الله يعوضكم عن اغراض الحريق اهم شي سلمتو

الميك انا وياج الشعر لاسويتيه بالصالون مرتب وحلو لمسات الميك اب بيدج بيتطلع روعه واحين في مواقع تعليم والبنات اهني مايقصرون

شوفي عندج ظلال برجوا مات وحلوه والوانها ثابته وعندج هذا مكتوب عليهمائي بس اهو مات وخطيرررر وشريته العلبه كامله ب70 ريال يعني 7 دينار تقريبا صورته من موبايلي لعيونج

مس مهاوي ..

مشكورة حبيبتي .. ابي شي نفس إلي عندج ..

بالنسبة للحريق الحمدالله على كل حال .. والحمدلله الحمدلله محد فينا صاده شي ..
وللاسف وايد اشيا غاليه على قلبي ضاعت ,, مثل الصور ,, وبعض الذكريات ,,

بالنسبة للمكياج .. خلاص .. قررت اروح بكرة مثل ما قالت وحده من البنات ,, اروح سوق واقف واشوف ,,
واذا ما عجبني اتوكل على الله واشتري لي ماك المزيفين ! عن خاطري ,,

سوسن *;10626988:
سلام ..
بدخل في الموضوع .. وعندي احساس يقول محد برد عليي

بنات بليز ... بليييز ..

صارت عندنا اعراس وايد وره بعض وكلهم قبل العيد ..
وخسرت فلوسي على المكياج والشعر .. والفساتين والعبايات وكلهم جديد X جديد ..
هل المرة قلت بس بسوي شعري والمكياج انا بحطه ..
هذا غير الهدايا إلي كل عروس :ss: وما احب اهدي اي شي ..

تخيلوا لدرجة ان ادفع فلوس وراجع امسحه .. اذا كان سعره 15 او 10 .. لأن ما يعجبني
احس محد يعرف لعيني إلا انا .. او إلي يحطون ب 35 يعجبني بس .,, فلسنا ..

المهم سؤالي هو :
شنو هي أفضل ماركه لآي شدو ؟ وما ابي يكون اللون مثلا سعره 7 دينار وفوق ؟ وايد غالي حاليا بالنسبة لي .. جربت ماك وجربت لانكوم وكانوا فضيعين .. بس للاسف اغراضي ضاعوا لأن احترق جزء من البيت وراحو ..

إلي ناقصني حاليا الآي شدو .. ابي آي شدو مات بدون لمعه وثابت وسعره زين ؟
وين ممكن احصل ؟
وشنو الصالون يستعملون ؟ (( بعض الصالونات ما اشوفهم يستخدمون ماركات مشهوره لكن يكون مكياجهم ثابت )) ؟؟

هلا حبوبه انه من اكثر من 5 سنوات أستعمل ماركه جست جولد حق شدووو الصراحه روووووعه الوانهم فيه لمعه وبدون ومخملي ويتم ثابت ولايتغير انه عندي ارخيص وقوي وعلى ماعتقد اخذه بخمس او 7 ماذكر بحدود جم
حتى بلاشر نفس الماركه

ارجووووو انه اكون ساعدتج يالغلاااااا

بس عن صالونات ماعرف شنو يستعملوون بس أعتقد ماك :)

مساء الخير اختي ..

اول شي بالنسبة للشدو .. حطي كريم اساس عالجفن و فوقه بودرتج و بعدين حطي الشدو بيصير اثبت بكثير .. واذا تبين لون اثبت استخدمي كحل ملون او حتى محدد شفايف نفس لون الشدو او درجة قريبة منه .. هالطريقة بتنفعج للشدو الغالي و الشدو الرخيص .. انا شخصيا استخدم كل الماركات من اغلى شي الى ارخص شي حتى بو 200 فلس اذا اعجبني اشتريه ..بس احط قبله كحل ملون ..

اذا تبين شدوهات حلوة واسعارها زينه .. عندج ماركات عالمية بس رخصية نوعا ما .. مثل ريميل rimmel .. تجي علب شدو 3 الوان و تجي لون واحد ولونين و 4 الوان خيارات واسعة.. فيه منها اللماع وفيه المطفي ..






وعندج برجوا Bourjois .. من انواعي المفضلة .. خصوصا اللي يجي 3 الوان مع بعض .. نعوومييية الالوان وثابتة ..









وعندج بعد ماركة جوش Gosh .. بعد حلوة ..








وفيه محل في مجمع العلوي "ذي سنتر" مشاهد كوستا كوفي يبيع مكياج رخيص اعتقد اسمه نوات او شي جذي .. بس حلووو مكياجهم.. انا خذت منه ماركة Incolor .. العلب اللي فيها لونين مع بعض .. خصوصا الذهبي طبيعي و ناااايس .. حتى احب احط منه لبنت اختي لانها سمرة غامقة شوي .. تصير خطيرة فيه يعطي وجهها رونق ومب شاذ ابدا عليها نتشورال .. من ماركاتي المفضلة ..وشريت منه روج وردي على لحمي احب استخدمه على طول لونه طبيعي راقي جدا فالاستخدام ..





فيه ماركة يبيعيونها في لايف ستايل بعد حلوة واسعارها معقولة والوانها ثابتة وساعات تلاقينها مخفضة ومعروضة ..و هي من الماركات المفضلة لاختنا انا الشوق .. ماركة NYX ..







وهم نفس ما قالت الاخت شوشو just gold .. ماركة حلوة ورخيصة ..


ممكن تشترين مثبت الشدو من مكياجي .. هو نفس القلم تحطينه على الجفن قبل الشدو .. وعقب تحطين الشدو ..جربته كان حلو .. بس طريقة الكحل الملون قبل الشدو حسيتها اثبت..


وممكن تحطين شدو فاتح كاساس للشدو و عقبه تحطين الالوان الاغمق ..


اتمنى اني قدرت افيدج حبيبتي.. واذا عندج اي استفسارات حاضرة لج ..:)

انا للأمانه ما جربت شدو just gold

لكن جربت كحل ابيض من هالماركة ومرة ثابت واضح

وباين عليها ماركة رخيصة وقوية

واشجعج انج تجربينها

انا هالقلم شاريته من مدهش اللي برفاع

جربي روحي هناك يمكن تلاقين كولكشن كامل لهلماركة

ممكن تستخدمين البرامير قبل ما تستخدمين الشدو
عندج من too faced




وبعد عندج من Urban Decay



تحطينه على الجفن قبل الشدو ويثبته لج
وبيوفر عليج فلوس

سوسن




اني حاليا استخدم بن ناي تقليييد .., الوانهم مات وثابته

وتحصلينهم في احسن للعطور .. او اي مكان ثاني

العلبه ب 5 دينار اعتقد

لكن عن تجربه الوانهم ثابته وكانه الاصلي :)

هذيان عاشقة;10630524:



..و هي من الماركات المفضلة لاختنا انا الشوق .. ماركة NYX ..

..:)

:21_209::21_209:

اممممممممم بالنسبه لشدو واضح وثابت ورخيص

عندج ماركة مبروك، مكياج، Ferrarucci هاذلين عندهم باليتات تقليد على بن ناي
وأنا عندي باليتين من عندهم وألوانهم (y) فيهم لمعه خفيفه من اللون نفسه مب اللي تيي فضيه(n)(n) وبالعكس اللمعه هي اللي تطلع كشخة المكياج
تلاقينهم في محلات المكياج العاديه واسعارهم بين ال5 وال6 دينار حق 12 لون
بن ناي سعر الباليت الواحد عندهم بين ال20 وال30 دينار بس ماتذكر جم ونفس الشي فيه 12 لون
عندج ماركة كلاسيك بعد عندهم نفس النوعيه
وأنا عندي شدو بن ناي الأصلي ونفس النتيجه اذا مب التقليد بعد أحلى :o
امممم جست غولد بعد شدوهاتهم حلوه ورخيصه
NYX الألوان اللي تنباع بالحبه بعد حلوه وتلاقينها في لايف ستايل

وعندج بعد ماركة انغلوت، واايد ناس يشبهونها بماك وانها جوده بس بسعر أرخص، وفي لها محلات في مجمع البحرين، السيف، الستي سنتر
وعندهم سستم اسمه فري دوم سستم وهو ان تختارين الالوان اللي تبينها وتعبينهم في علبه وعندهم ألوان مات وبلمعه وأسعارهم أعتقد من دينارين للون ورايح

و بعد شنو شنو

ايه مثل ماقالت هذيان عاشقه
خلي عندج اقلام كحل ملونه عشان تكون أساس للشدو عشان يثبت أكثر ويوضح لونه
وفي بيس للشدو ينباع عند كذا ماركه ومنها ماك، وهو يعتبر استثمار جيد لأنه بيخلي كل الألوان اللي عندج ثابته وومكن يوضحها بعد أكثر

انا استخدم بيل فيزج طبعا ماعليهم كلام و يستخدموها اغلب الكوفيرات ..
و سعره رخيص اعتقد ب 20 ريال
و تلاقيه في محمود سعيد

انا توني ماخذه لي الوان من كرولاين المائيه

واللون الواحد طلع علي ب40 ريال

والوااانه رهييييييييبه وثاااابته