بنات البحرين- تحاليل طبية

f

fatoom2009

عروس مشاركة

14-11-2009 | 12:43 AM

السلام عليكم

شخباركم عرااااايس

انا صار ليي متزوجه سنتين و عشرة شهور ابغي اسوي تحاليل طبية شاملة عن موضوع تأخر الحمل انا وزوجي....

1. بغيت اعرف وين اروح عشان اسوي هالتحاليل ؟
2. اذا رحت ليهم هم بيعرفون و الله يكون عندي ورقه فيها التحاليل الي احتاجها اخلي دكتورتي تكتبها ؟؟

اي احد عنده معلومة يقول... مشكوووورين مقدما

ق

قلب البتول

عروس ماسية

14-11-2009 | 01:19 AM

اتوقع لازم تتابعين عند دكتورة نساء وولادة وهي اللي تسوي لج انواع والاشياء اللي تسووين فيها تحليل لج ولزوجج لان كل بنت مشاكلها غير عن الثانية فحسب حالتج بتعطيج تحاليل

ب

بحرينيه عز

عروس ماسية

14-11-2009 | 05:52 AM

حبيبتي لازم تاخذين موعد عند دكتوررة نساء وولادة وهي تشخص وتفحص وتكتب لج شنو نوع التحاليل اللي

تسوينها انتي وزوجج

وفي دكاتررة وايد عندنا اذا حابه تروحين

دكتورة مني الشرقي

دكتورة عفاف الحمر

دكتورة زينب الجفيري

دكتورة فرح النعيمي

دكتورة فكريه

دكتورة كيران

دكتور احمد بركات

د

دعائي دنيتي

عروس جديدة

14-11-2009 | 06:12 AM

أرشح لك دكتور أحمد بركات

قمة في التعامل وشاطر

ويكتب لك التحاليل تروحي تسويها بالمركز

يعني ما بتكلفك التحاليل شي

ومو مادي أبدا

نصيحة مني روحي له

ا

ام نبراسي

عروس فضية

14-11-2009 | 07:15 AM

حبيبتي أنه انصحج تروحين حق الدكتوره منى الشرقي

ز

زهرة السعادة

عروس ماسية

14-11-2009 | 08:24 AM

ما عندي فكرة عن الموضوع
بس نصيحتي لج قبل لا تروحين الى اي دكتورة
تاكدي من انها شاطرة و بتفيدج انتي و زوجج مع بعض
يعني ما تروحين مني و مناك و ما تخسرين اهني و اهناك

و ربي يرزقج بالذرية الصالحة عاجلا غير اجلا

n

nsmshm

عروس رائعة

14-11-2009 | 11:00 AM

نفس ماقالو الأخواات

D

Daloo3t_Obooy

عروس برونزية

14-11-2009 | 11:05 AM

دعائي دنيتي;10622156:
أرشح لك دكتور أحمد بركات

قمة في التعامل وشاطر

ويكتب لك التحاليل تروحي تسويها بالمركز

يعني ما بتكلفك التحاليل شي

ومو مادي أبدا

نصيحة مني روحي له

انا رايي من رايها كثير اسمع يمدحون دكتور احمد بركات في مشاكل تأخر الحمل، ودكتور سلام جبريل في التخصصي هم يطلبون منك التحاليل احسن ...

ب

بنت الاصايل

عروس ماسية

14-11-2009 | 11:29 AM

الكل يمدح في دكتور أحمد بركات..
تقدرون تراجعونه انتي وزوجج وتسوون التحاليل وان شاء الله ما عليكم الا العافية..