ولدي مايبي يروح المدرسه_محتاجتكم

أختي المسأله بسيطه لازم تخلين حد من اخوانه او خواته أو أحد أكبر منه بكم سنه

مثلا يكون عمر ألي يسأله 11 سنه أو أكبر والله راح تعرفين وتستفيدين أكثر ..


هالقصة صارت مع أخوي فديته ..

عرفنا السالفه بأكملها وطلع شيء بسيط

أنه يبي يرجع البيت ينام لانه ما كان يشبع نوم ف البيت

وانه مادة العلوم صعبه ..((عرفنا الحل ولله الحمد أنحلت بدون وجع رآس ))



جربي وراح تدعين لي ..

على فكرة أخوي بالصف الاول مدرسه خاصه ومنهجهم بريطاني يعني صععععععععب وااااااااااااايد ..

الله يكون بعونك حاولي تروحي معاه على كم يوم واسئلي المس عنه اذا في شي يضايقه او اي شي تلاحظه عليه
يمكن يكون خوف يمكن عدم وجود اصدقاء او حتى يمكن يكون قلة نوم مثل ماقالت الاخت
وربي يشرح صدره للمدرسة والتعليم

مثل المشكلة بالضبط الغالية

أعاني من ولدي .. نيرسري بمدرسة خاصة ..

بس الليلة أشوف ما جنني .. نام بسرعة .. والصراع بكرة مع روحته الباص

بس انا ناوية بكرة أروح لهم وأشوف شالسالفة

حبيبتي عادي اغلب الاطفال جذي

اهم شي انك تتاكدين انه مو متضايق من المدرسين او الطلاب و تحاولين تحلين المشكلة باقرب وقت

بس اذا ماكو مشكلة و سبب بكاء هو الروحة للمدرسة فطنشيه اسبوعين بيتعود

بالتوفيق

الخوات كفو ووفو مااقدر ازيد
الله ييسر لج امرج ويهديه لج

هالمشكلة صارت مع ولدي اول سنة روضة واول سنه مدرسة

كان مايبي يروح وكل يوم يحن مايبي يروح ويصيح واسحبه سحب للسيارة

بعدين كلمت مدرسته طلع مافيه شي وعادي يشارك ويلعب نصحتني نصيحة وقالت لي طنشيه خليه يتكلم لين مايشبع وفعلا هذا اللي سويته اسبوعين وتعود الحمد لله بس اهم شي مافيه سبب غير الحجج العادية

السلام عليكم
مشكورين خواتي على ردودكم
مثل ماقالت الاخت ! Lal!ta ! سالت المدرسات عنا قالوا لي ماعليش منه لانه طول اليوم active بس يشوفش يصيح ويختلق القصص. المشكله اسبوع الياي لازم يروح بالباص واهو للحين يجنني الصبح مايبي يروح.

انا ولدي الحين نفس القصه

كاره شي اسمه روضه مع انه قبل لا يروح كان حاب السالفه و متحمس

من بعد مارجع اول يوم قال ما يبي يروح و مايبي احد يجيب له الطاري

لدرج انه اذا احاول احببه اقوله اذا تبي هديه او حلاوه او اي رشوه تروح الروضه

يعاف الهديه و الحلاوه و يقول مابروح روضه :(