الى رايقه تقراء قصة حملى وولادتى 00

مرحبا خواتي

لي فتره احاول اكتب قصتي لكم من الحمل الى الولاده

اولا انا متابعه الحمل بمنتدى عروس وفي يوم ادخل على موضوع اختنى نياغراء
وتتكلم فيه بخصوص الحمل بالولد

واناتطق براسي واقول يابنت احمل الحين عشان يصير لولدك اخو ويصير سنهم متقارب

وكان في نفس الوقت متررده خايفه الخادمه تروح واتوهق
بس سبحان الله قررت تبقى لسنه الرابع وانا افرح لان مرح القى زيها


وتشاء قدرت الله واحمل

وتمر ايام الوحم واشهور وسبحان الله فينى الحاسه السادسه

كنت حاسه بتكون ولادتى غير عن قبل على نهاية الشهر الخامس

سالت الدكتوره هل راس الجنين فوق

قالت ايوى فوق واستغربت سؤالي قلت لها حملي الثانى ولدت ولاده مقعدي بس جبت طبيعي رغم انى حملت مرتين وجوا على روسهم بس عمري مافكرت اسالهم كيف وضع الجنين وهي تقولى بدري بدري
سبحان الله ماادري ليه سالت ذاك الوقت السؤال


واول يوم بتاسع اروح موعدي بالمستشفى الحكومي

وكنت احس بان الراس فوق شي متحجر وولا مره سويت السونار اخر مره بالخامس


المهم قالت الاخصايه الراس فوق وانا انصدم رغم انى حاسه بس قلت الحمد الله اهم شي ان الجنين بخير

وادخل التاسع وكان كل اربعاء اروح الموعد

والدكاتره يفضلون انى اولد بعمليه وانا ارفض 0

وكان وقتها نهاية العام الدراسي وانا همي بناتى يخلصون لانى مابغى اتركهم لحالهم يحتاسون بدراستهم لانهم معتمدين على

وكل مارحت الموعد الاطباء يفضلون العمليه و انا ارفض اخر شي قالولى

بما انك ولدتى مقعدي ان شاء الله تولدي طبيعي بس اذا جاك طلق طبيعي

وخلصت التاسع ولا جاني اي شي لاطلوق لامويه ولاشي كل شي ضدي

ويجي يوم الثلاثا ء ويجبون ا بناتي لشهاده وهم ناجحين وانا افرح وتخلصت من همي الاول
وبداء بهمي الثانى
طبعا الحين انا اخذه من العاشر 6 ايام لان متاكده متى صار الحمل لانى اتبعت يوم التبويض


وطول التاسع وانا بكي على حالي :confused:

اقول في نفسي لو يصير فينى شي وين يروحون بناتي خفت يتزوج ابوهم وتجيهم مرة اب شريره وتعذبهم

والله ياجتنى افكار وهواجس وصياح بس خلوها على الله

لدرجة قسم باالله انى اباكتب وصيتي واحلف زوجي مايتزوج

مخبوله صح

واستسلم واروح يوم الثلاثاء باليل بعد مانمت واخذ شور واكل شوية تمر مع قهوه مع ابو زوجي الله يحفظه هذا اخر شي اكلته

واروح الساعه 8 باليل الطواري وكذب واقول ولاده نصابه بس عشان يدخلونى 0

انا قبل لاروح اقول يمكن يعطوني طلق صناعي واولد الان الاربعاء اخر موعد وقالو لو ماولدتى على طول عمليه.....طلع مخططي فاشل 0

المهم ادخل قسم الولاده وانا ميته خوف ماادري وين مصير وكيف

وتكشف على القابله ولقت الرحم مفتوح 3 بطلق بارد

وايسدحونى على سرير الولاده واتخطيط مركب واقعد على هاالحال ساعتين وتفك الممرضه

واروح امشي في قسم الولاده عاد انا فينى لقافه قلت هاالقسم دخلته اكثر من مره بس اولد واطلع الحين لازم استكشف:think:

وتعرفت على الغرف وعددها ورحت للوحه الي يكتبون اسماء المريضات وكم الرحم مفتوح جميع البيانات واروح للحريم بسلم عليهم واتطمن لاني مجمعه عنهم معلومات
بس ماااش قلبي ماطوعنى ادخل بس يصارخون وحده وراء الثانيه عاد انا لادورونى من الخوف

صوتهم سبحان الله واحد تخلص وحده وتطلع الثانيه وانا بس ادعيلهم اه ياربي

وانا اقرب من غرفت الممرضات الاواشم ريحت الاكل وفينى جووع ماقدرت اطلب الحياء ذابحنى:21_184:


وبنفس الوقت حاسه ان بسون لي عمليه عاد تخيلوا يابنات من الساعه 8 بالبل الى 8 الصبح مادخل الدكتور على ابدا وهدو بالقسم بس صياح الحريم ومسكرين عليهم0

ودخلونى غرفتى الي هى سرير الولاده استاهل ليه اروح ليه ماستنيت الموعد الصبح رح 16 ساعه على الفاضي احسب انى بولد والصبح واطلع 000

وطول الليل اتقلب وافكر بناتي وبكي وحالتي حاله لما صارت 5 الصبح ويتصل زوجي يطمن

الاويفجعنى بوفاة ام خدامتى انا الي كنت اتمنى انها ماتموت الالما تحظن امها وبكي بكاء من قلب عليها رحمتها وهي الي خادمتني ومتحملتنى الله يجزاها خير

وتجي الساعه 9 الصبح وتشرف الدكتوره باكستانيه اسالها ولا ترد

وتجي بعدها دكتوره مصريه الله يجزها خير وتطمني
وبعد ساعه جتنى هي ودكتور مصري ويكشفون على ويلقون الرحم مفتوح 4

قالي ودي تولدين طبيعي بس لازم اشعه اذا اراس مرتفع لازم عمليه وعلى حسب الوزن

واعمل السونار كان وزنها بسم الله ماشاء الله 4 كيلو

ناظر الطبيب بالاشعه سالنى للمره العاشره انتى بين خيارين

ياتختاري الطلق الصناعي ونخاف من الضغوط على الجنين ويصير فيه شي هذا من غير الوزن

او قيصري

انا استسلمت وقررت للعمليه خفت على جنينى وعلى نفسي اتعب مافينى حيل لااكل ولانوم


واتصل على زوجي واخبره وووصيه مايعلم احد مابغى اهلي يقلقون خصوصا امي


وتخيلوا يبنات اعد الوقت وطفشتهم متى العمليه وادخل الساعه 2 الضهر و2 ونص اخلص

المظحك اول مادخلت قسم العمليات كنت متغطيه بشرشف على وجهي

الا واسمع طبيب التخدير يغني ياناقتى ياناقتى مع اطاقم التمريض استغربت مالي نفس اضحك

ونفس الوقت داخله غرفت العمليات مستغربه شكلها كانها مطبخ خخخخخخخ

اقول متى ابدخل الغرفه الا وبنجونى نصفى عاد انا فرحاااااااانه مابي بنج كامل خفت مااصحى منه

وسبحان الله يابنات حسيت بالمشرط والمقص بدون الم وقولهم بديتوا في رد على طبيب التخدير وش رايك واسكت فشله

وطبيب التخدير طول الوقت يسولف علي عشان ماتصيبني روعه لانى متوتره

وبوقت ماطلعوها وورونى هي نسيت همي وتجي احلى البنات وخيطونى واخلص

وحطونى غرفة الافاقه وهذا كله بسررررررررررعه ماحسيت سبحان الله

وادخل قسم الولاده اتطمنوا علي عاد انا ازعجتهم هاتوا االبنت عشان ابغى اصورها وارسلها لبوها واسال الممرضه البريطانيه وين البنوته تقول راحت السوق ههههههه تتطنز يعنى وين بتروح بترضع طبعا وارسل الصوره وتقول لابوها متى تجي تسلم وهو اصلا له ساعتين يدور بيدخل الاقسام ممنوع لازم وقت الزياره ومن ثم دخلونى الساعه 6 قسم التنويم

ويدخل زوجي ويسلم
وانا مقفله جوالي عشان ماقلق احد من اهلي ويحرااااااام ارتاعوا على
بنتي الكبيره فجعتهم اهم اتصلوا على البيت قالت لهم امي شقوا بطنها

وامي بعيده عنى ويتصل ابوي ويباركلي فديته عاد هذي بنتي الرابعه ابوي يقولي كثروا البنات

فديت البنات وعيونهم


وسلامتكم

وارجواانكم تدعون لي ان الله يخلي لي بنوتاتى وولدي ومااموت الا وانا اديت رسالتي معهم وزوجتهم ويشفي بنتى 0
ويرحمنى ويغفر لنا اجمعين 00