حرب مع اهل الزوج

الله يعينك ويفرج لك
ما أحب اتكلم في هالموضوع لأنه يقلب علي المواجع
انا احاول اتناساه ويضيق صدري اذا سمعت هالطاري

هذه مشكله يعاني منها كثيرا من الازواج والزوجات ولكن حلها ليس بالهروب منها وانا ارى انك تحاولي ان تغيري اسلوبك مع اهل زوجك حاولي تكسبيهم وتبادري انتي بمعامله طيبه معهم وان شاء الله يكون فيهم كل الخير لك

فعلا ياعزيزتي فانتي امام خصم قوي واذا عاديتهم النتيجة بتكون سلبية على حياتك انت فحاولي تكسبيهم واذا حاولوا استفزازك سوي نفسك مانت عارفة وش السالفة لان( الخصران يقطع المصران )مثل ديراوي :o
مع تمنياتي لك بالهدوء وراحة البال

صراحه هالمضوع هذا يرفع ضغطي


اذا انتي بنت حلال وما تتعمدي حصول المشاااكل فمااقول غير الله يعينك
وقولي لزوجك انك ما تجينهم لان الجو متوتر معهم اللهم تسلمين على امه وابوه ولو هذا واجبك اصلااا

في ناس ما ينعاش معهم

لكن مهما كانووو هم اهل زوجك الحقيقيين ولا تقدرين تخلينه يوخر عنهم
من لحمه ودمه.............عرفتي كيف

ماتقدرين توخرينه عنهم الا اذا كانت شخصيته ضعيفه
وانا مااعتبر الرجال رجال اذا كانت هذي مواصفاته



اما في حاله هم من يسوون مشاكل فالتجاهل احسن شي

وانا اقولك استغفري ربك وخليكي مسالمه احسن
اللي يصبر الله ينوله اللي بباله

انا لسه مخطوبه وملكه وشايفه ان اهل زوجى كلا فى مشاكل
ويخلصون من مشكله ويطلعون لهم مشكله ثانيه
صحيح ان مشاكلهم مالى شغل فيها
بس زوجى يكون عضو فيها والله عارفه ان تعبان من ها المشاكل وجع الراس

لان الشى الصغير ما شاء الله عند ام زوجى تكبره

والله محتاره شسوى معاهم ما ابى شى ينكد على زوجى ويضاقه
لا زم بتتأثر علاقتنا ويأثر على مزاجه وكل شى

ولا راح اسكن معاهم الله يعنى عليهم الوحده تسكن بروحها احسن لها
تحس بستقلاليتها وحبها لزوجها يكبر وما حد يتدخل ولا شى

بس من كثر حبى لزوجى راح اضحى وعلشان عيونه بس راح اسكن معاهم والله يعنى

:confused: :confused:

بسمه تعالى ابدا
تقول الحكمه
(لا راحه فى الدنيا)
تقريبا الكل اتواجهه هذه المشكله
الحل ان تسكن الوحده منا فى مكان مستقل لحالها
وما اتمر عليهم الا فى الاسبوع مره
وتقلل الكلام معاهم
وتروح عندهم فى المناسبات
وتاخد معاها شى لام الزوج مثلا هديه بسيطه ترها تكسب حب الزوج اولا
وحب ام الزوج ثانيا وما تتدخل فى مشاكلهم ابدا
ويالله تكفى شرهم







نصيحه مجرب
ام النور

شوفي حبيبتي طلعي ببيت بروحك احسن وزوريهم بين كل فتره وكل كلمه دخليها منهالاذن وطلعيها من الاذن الثانيه ولا تعورين قلبج عشانهم الدنيا ماتستاهل انك تكرهين حياتك وضايقين على نفسك عشان مشاكل وتفاهات الدنيا حلوة حاولي تستمتعين فيها بعيد عن هالمشاكل اللي عمرها ما راح تخلص واتمنالك كل توفيق في حياتك ان شالله:D

انا لي اخووواتي مجربين اول شهرين ايش الدلع والحركات وبعدين انقلبت قلبه ما هي صاحيه كل يوم صياح والغيره وتسيهم ويوم تقفل عليهم المطبخ تخايلوو وصلت الجراه انها تتقفل المطبخ وهادي والله العضيم انها اخت ابوي من ابوه وامه وعمتي بس شوفو ايش مسويه وتنقهر ادا هما خارجين وازواجهم يحبونهم بس عمتي هادي تدخل خشمها في كل شىويوم مات زووجها قولنا خلاص الحين بتهدى وبتصير طيبه بس والله شهرين وتتفرعنت تسب امي ما ان امي والله تعزها وتسب حتى اخوووها لاتقولون فبها حاله نفسيه لا واللهتقوولون ايش فيها حتى عيالها مترطعين منها بس موعارفين ايش يسون لها ايش رايكم في دي العمه الغيرررره نصيحه الي تبي تتزوج تطلع بيت لوحدها لا يقولها زوجها بنقعد سهرين وبعدين نطلع ونسكن بيت ثاني صدقوني ما يقدر اهله بيقولوله تطلهع وتخلينا ويتتبكون ليه احنا ايش سوينا وهي تسوي البلاوي الزرقاه المهم الي تبي تبي تتزوج تتطلع بيت لوحدها لا خر مره اقولهل لكم يالله مع السلامه اكيد وجعت راسكم بعمتي هادي

اللة يعينج بس هذي المشكلة انا صارلي اعاني منها 3 اسنين واللة ما يمر علي يومين الا وانا اصيح ومضايجة منهم معا اني واللة فحياتي ما قلتلهم شي وهم اعاملوني جاني مخدة واللة الموضوع اثر على نفسيتي ووضعي معا زوجي صار حساس من جة هو ما يقدر يتخلى عن اهل ومن جه انا فعلا تعبانة واللة حاولت كل الطرق معاهم وما في فايدة
واخر شى حاولت ابعد عنهم واشغل نفسي بي شي بعيد عنهم لحد ما يجي الفرج .
ان شاء اللة يلهمج الصبر

غريبه دايم الحق على اهل الزوج انى مانى معاكم ياخواتى المفروض الوحده تكسب اهل زوجها وخاصه امه ياناس حرام بعد التعب والسهر عليه تجى وحده وتاخذه وتبيه يعادى اهله انا مو معاكم ترى انا متزوجه من 13 سنه وتمر على مشاكل بس الوحده لازم تصبر وتتحمل واحنا مسلمين صدقونى تمر على مشاكل بس مالله ما نفع الشكوى الا لله والدعاء فى جوف الليل لانى مابي اخسرهم لانهم اهل زوجى ومابى اعزله عنهم لانى مابى احد يعزلنى عن اهلى وكمتاتدين تدان

ولهى يا جماعة ما فى حاجة بتنفع معاهم مش لو ولعتى صوبعك العشرة زى ما بيقولو هههههههه ولهى حتى لو ولعتى فى نفسك بس حنقول اية لجل الورد استحملى عشان خاطر زوجك و اولادك وعشان ترفعى راس اهللك كمانانهم ناس عرفو يربو و ابل دول كلهم رضا ربنا سبحانة وتعالى عشان يتعمل فينا الطيب وعملى زى ادريهم من ابتلاء الدنيا واصبرى علية
واحمدى ربنا انه ابتلاء بعيد عنك وعن ولادك وعن صحتكو وسلامتكو
وربنا يصبرك ويصبرنا

السلام عليكم ورحمة الله وبركاته

بصراحه انا لى رد على هالموضوع المهم
انا استغرب من ان كل البنات يعتبرون امهات الازواج اعداء من قبل لا يعاشرونهن مع انها تكون لاعرفت خيرها من شرها

انا افضل ان كل بنت تعتبر ام زوجها امها وابوه ابوها عشان ترتاح لان امي مهما سوت راح احاول انا اراضيها واكسب ودها لكن اي انسان عادي ماعلي فيه
ثانيا لاتردين عليهم باي كلمه مهما وجعتك وحطي باذن طين والثانيه عجين
وثالثا لاتنقلين هرجهم ومشاكلهم ولاتجيبين لهم
ورابعا وهو المهم مهما صار بينك وبينهم لادخلين زوجك لانه هو بعدين بيتضايق منك مو من اهله لانه يقدر يبدلك لكن مايقدر يبدل اهله
خامسا عامليهــــــــــــــــــــــــــــــــــــــــــــــــــــم بالحسنى مهما فعلوا فيك



وكل بنت مننا تحب ترفع راس زوجها عشان لاجاء طاريك يرفع راسه ويفتخر فيك مو ينزله ومو قادر يتكلم لازم تراعينه اولا واهله تعاملينهم زين ثانيا

وعن تجربه انا لي صديقه من اول يوم شنوا اخوات زوجها عليها الحرب وكانت ساكته وماكله الهم وساكته حتى خواتها وامها ماكانت تقولهم والله ثم والله ثم والله ان لها ثلاث سنين متزوجه ان عمرى ماسمعتها اشتكت لكن اشوفها بعيني وهي تتهزء وهي ولاكلمه وبعد سنه من زواجها صاروا اهل زوجها يطلبون رضاها ويقولون يادهينه لاتنكتين واللي بغته صار لدرجة انها لما سافرت جابت لاخواته اللي مهزئينها لليله عرسها هدايا وانرمت بوجهها لكن صبرت وما ملت واتمني
انك تكونين اسعد العرايــــــــــــــــــــــــــــــــــــــــــــــــــــس:D
تحياتي

لاتقولين عجوز لازم تقول كذا ان بنت لسا ادرس لكن هذي نظريات وقاعدات عندي لايمكن تتغير انشالله

( ادفع بالتي هي احسن فاذا الذي بينك وبينه عدواه


كانه ولي حميم وما يلقها الذين صبروا

وما يلقها اذا ذو حظ عظيم )

حيااااااتي ............... هذا مو كلامي ............

ولا كلام فيلسوف.............

ولا متخصص في علم الاجتماع .................


هذا كلام رب البشرية ......." الا يعلم من خلق ...." بلى والله يعلم ادق مافي النفوس وما يصلحها ويدويها

حبيبتي الاخوات ما قصروا في الافادة اله يجزاهم الجنة .....

ولكن هي الحياة كذا ( ولقد خلقنا الانسان في كبد ) المشاكل في كل بيت واحمدي ربك ان المشاكل مع اهله مو مع زوجك

وانصحك لاتقابلين اخوانه ( الحمو الموت ) بس احنا يوم تساهلنا جات المشاكل وصار لازم الوحدة تعيش بيت اهل زوجها ........



امي كانت تقول لي كلام بسيط بس مرررررررة مهم ............

ما دام معاي القمر مالي ومال النجوم .............
:shy: