((استفتاء))حوامل شنو الفرق بين وحام الولد ووحام البنت ؟؟

هلا حبيبتي ام وررد

ترى كل وحدة ونساتها يعني ماله دخل وحام بنت او وولد جوفي انتي توحمتي ببنتج

مثل الحين وحاامي ثقل وحارج المعدة وانا فيني ولد يعني على حسب الوحدة ..

انا وحامي كلش خفيف الحمدلله يعني ماتنسيت في شي ولا لاعت جبدي ولارجعت من شي والكل كان يقول لي اشكره ولد لأن البنت وحامها تعب في تعب وتكرهين نفسج اول 3 شهور بس طلع في الاخير فيني بنت ويحليلها ماغربلتني، يارب احفظها لي واشوفها بين يديني قريب بصحه وسلامه :)

موضوعج حلو يا ورد :)
بس انا جربت نساة الولد في بجري واااااااااااايد تعبت وااايد وكله بالمستشفى مرقده وماداني شي والحين بحملي الثاني بعد فيني ولد بس اخف من بجري ...
>>>>الزبده انه كل حمله غييير كلش عن الثانيه ماله خص في الولد والبنت تره :)
اختي بعد بجرها ولد وماتنست ذاك الزود والحين فيها بنت نفس الشي...

انا الدكتوره قالتلي على حسب جسم الام وهرموناتها تجي النساه

Daloo3t_Obooy;10606651:
انا وحامي كلش خفيف الحمدلله يعني ماتنسيت في شي ولا لاعت جبدي ولارجعت من شي والكل كان يقول لي اشكره ولد لأن البنت وحامها تعب في تعب وتكرهين نفسج اول 3 شهور بس طلع في الاخير فيني بنت ويحليلها ماغربلتني، يارب احفظها لي واشوفها بين يديني قريب بصحه وسلامه :)

وانا زيك وحامي كان خفيف وكنت اشتهي اللحم والرز وشغلات كانت تقول امي وحامك زي وحامي فياخوانك الاولاد وفي الاخيرحامل ببنت ادعيلي انا بشهري التاسع ربي المسهل

والله كل الوحام ماله دخل بجنس الجنين كل وحده تختلف عن الثانيه أنا عندي بنت وولد وحملهم زي بعض ما فرق بشي نهائي و ألحين بحملي هذا نفس حملي بعيالي وقالوا لي بنت مع إن إحساسي يقول غير كذا

رايي من راي الخوات الوحام ماله دخل بجنس البيبي
اني وحامي كان خفيف نوعا ما وفيني ولد
واذكر امي كانت حامل باخوي الصغير وحامها كان شديد

الله يرزقج باللي تتمنيه ويتمم حملج على خير :)

جوفي بحملي الاول كان خفيف ووحام خفيف وما في حموضة ولا حسيت اني حامل او ثقيلة وما زدت وايد في وزني وجبت ولد

وبحملي الثاني من اول ما حملت حموضة وتعب وثقل وارهاق ومزاج تعبان واحس حمالي طويل ووزني زاد وجبت ولد

اتوقع ما له علاقة النوع بالجنس بس انا احب ادخل هالمواضيع انشارك بعض التجارب

انا عني في بدايه حملي كان عندي حموضه شديده حتى المويه احسها حامضه لين نص الرابع تقريبا الحمد هديت شويه وماحبيت لا حالي ولا مالح كله عادي وقالو لي الاحتمال الاكبر بنوته وانا بكريه

مشكورة ام ورد ع الموضوع الراااااااااااااااائع

كنت توني ادور في قوقل عن الوحام خخخخخ

ولا شىء