بوصفار الأطفال .. العلاج .. وكم نسبته الطبيعه فالدم !!!!!!!! ممكن تفيدوني

ما اعرف كم النسبة الطبيعية
وديه للمستشفى وخبريهم يخلوا عندهم ولا عادي تاخذيه للبيت؟؟
وعرضيه على الشمس لمدة 10 دقايق..

ما اعرف كم النسبة الطبيعية
وديه للمستشفى وخبريهم يخلوا عندهم ولا عادي تاخذيه للبيت؟؟
وعرضيه على الشمس لمدة 10 دقايق..

الحمد لله على سلامتك وسلامة مولودك ومايشوف شر طهور ان شاء الله ,,,,بخصوص النسبه والله ماعندي خبر
لكن انا ولدي كان فيه وقت الي ولدته وكنت احطه بالشمس بالنهار وبالليل اخليه تحت النجفه ..وكنت اعطيه سكر نبات
ممتااز للصفار,والحمد لله ماطول وتشافا ,,,سوي مثل ماقلت لك ومايشوف شر الغالي

الله يساعدج أختي ويحفظ لج سالم ويصير زين ان شاءالله

أنا ولدي بعد صاده أبو صفار بس كان 8 وطلعونا من المستشفى وعطونا بعد يومين نروح نفحص له نسبة أبو صفار

وكانت أيام صعبة وايد بالنسبة لي ماما نصحتني أعطيه ماي مذوب فيه نبات وماي الحندبان و (خيار الشمبر) هذا يشترونه من الحواج مادري شنو اسمه

عندكم كأنه مو متأكدة اللي يسمونه أخوانا المصرين ( عرق سوس )

بس انا قمت اعطيه بس ماي خفت أعطيه شي ثاني وأصلا كان كل نايم حتى حليب ما يشرب وايد

المهم رحت المستشفى عشان أشوف نسبة ابو صفار ما توقعت انصدمت انها زادت ل 9 وأقوم اصيح وحالة

قامت الدكتورة تنصحني أعطيه ماي الحندبان وخيار الشمبر مثل ما قالت لي ماما

وقالت لي بعد الدكتورة أفصخه ثيابه وحتى البامبرز وأعرضه للشمس الخفيف يعني أول ما تشرق الشمس او عند الغروب

وبعد قالت لي أعطيه حليب صناعي عشان غصب وحتى وهو نايم يشرب الحليب لنه اذا هو نايم ما راح يشرب مني

لكن أقدر ادخل المرضعة غصب وهو نايم ويشرب ...

وعاد عطتني موعد لبعد 3 أيام ورحت البيت وانا مصممة اخلي ابو صفار ينزل يعني ينزل

لنه قالت لي الدكتورة اذا ما نزل بناخذه وبنخليه تحت الاشعة .. أنا عورني قلبي وذيك اليوم بس صياح

المهم قمت اعطيه خيار الشمبر هو شكله يشبه الدارسين بس أسود تكسرينه بالسكين وتنقعينه في شويه ماي

وتسوينه غليط وتعطينه بملعقة صغيرة ترا وايد مفيد قمت اعطيه واعرضه للشمس

رحت الموعد ونا على أعصابي واشوا الحمدلله نزل ابو صفار وهو بس ينزل خلاص ما يرد يرتفع

بس الصراحة نسيت هو كم النسبة الطبيعية لازم تكون بالضبط

واللي أذكره اذا كان 12 ياخذون الطفل عندهم .. اسم الله على ولدج أن شاءالله ما عليه شر

خلي بالج عليه الله يخليه ويحفظه ..

............

انا صادتني معاناة مع ولدي مع ابو صفار لما ولدت كان ولدي طبيعي وفحصه الدكتور وكل شي اوكى ورخصني بس لما رحت البيت عقب يومين لاحظته اصفر وذابل وبسرعة وديناه المستشفى وطلع نسبته (34) تخيلي نسبة واايد كبيرة وقال الدكتور ما في حل الاا نبدل دمه عاااد انا نفسيتي مع زوجي دماار وكل صياح وخفنا عدل بس طمنا الدكتور وقال هذا الحل الوحيد لنه نسبته وااايد عاليهواتوكلنا عل الله واتبدل دمه وحطوه تحت الملاحظة اسبوع والحمدالله تحسن وايد واما بالنسبة الطبيعية فهي صفر

اولا الحمدلله على سلامتش
ولدي صاده ابو صفار ومو شرط اخلونه في المستشفى اذا كانت النسبة قليلة
الشمس اللي بتعرضين الجاهل اتكون الصبح بداية شروق الشمس تخلينه من 5 الى 10 دقايق والشمس ها الحزة باردة بس احنا نحتاج اشعتها مو حرارتها
روحي الجمعيه اخدي ماء الحندبان وحب الحلوه اللي مثل الشعير انقعيه في ماي وكثري من الماي والرضاعه بس
هذا اللي سويته لو كنتين شفتي ولدي اتصيحين عليه ما يوتعي من النوم حتى لو اسبحه اكون امخدر
وانشالله ما عليه شر

مرحبا خواتي .. انا عندي 3 اطفال ولله الحمد ... ومع 3 كان يجيهم ابو صفار بعد الولادة ... بس شوة كنت اسوي .. عندنا فالبلاد حرمة تقرأعلى ماي .. ونشرب الياهل منه .. ونمسح على فواده واطرافة .. وبفضل الله يتشافى الياهل بالاضافة وهاذي نقطة مهمة كنت اعرضهم للشمس عند الشروق وعند الغروب وهم بدون ملابس .. بس حاذري موة اي شمس الشمس الى اول ما تشرق تكون اشعتها دافية وحلوة وقبل الغروب بشوي ... وان شا الله بيصير ولدج زين .. والله يخلية لج .. ويشافية ويعافية وجميع المسلمين ... لانه اشعة الشمس فى هالوقتين ما في مثلها من حيث االفايدة العظيمة الى رب العالمين خلاها فيها

حبوبة .. انا بعد ولدي صاده ابو صفار .. لاحظت عليه في البداية ما يقعد كله نايم وما يشرب حليب لانه كله نايم وذابل ووجهه اسمر على اصفر .. المهم وديته و طلع فيه ابو صفار نسبة 14 .. وقاللوا لي لازم ترقدين معاه والله كانت ايام عصيبة لانه انا اللي اخليه في الشيشة مفصخ بس الحفاظ وكل شوي وارضعه كان كلش تعب .. وكله اصيح .. قلت لامي خلاص بطلع ماني قادرة المهم طلعت وكانت النسبة فيه 11 وعلى طول اخليه في الشمس عند الشروق وعند الغروب واعطيه ماي وماي الحندبان وشهر على ما رجع طبيعي .. بس عن جد معانااااااااة

الله يساعدش

كثير من الاطفال يجيهم الصفار
بس زي ماقالولك الاخوات عرضيه الشمس بس لاتكثري وقته 10 دقايق كفايه
اول ماتطلع الشمس وقبل ماتغرب
واسالي الدكتوره اذا العسل مفيدله ولالا لانه اعرف انه كويس للصفار
بس شوفي على حسب سنه
وانتي كمان كلي اكل طيب ومفيد عشان يجي بالحليب ورضعيه كثير
وماقدامه الا العافيه ومايشوف شر

ماعليه شر لدج ان شاء الله
طمنينا عنه

مايشوف شر الكتكوت الصغير

انا بعد طلعت من المستشفى ونسبة الصفار عنده 8
وقال ليي الدكتور ان النسبه طبيعيه لغاية 12
وقال ليي لاتعطيه اي شئ غير انه وصف لي من الصيدليه 4 اغراش جلوكوز والحمد لله خلال اسبوع راح عنه كل شئ

النسبه الطبيعيه تحت ال8 وهو لما ينزل ويوصل لل8 ينزل خلاص

ماعليه شر الصغير ان شاء الله اجر وعافيه