بسم الله الرحمن الرحيم
النهارده هقولكم على طريقه حلوة اوى لعمل السبيط يارب ان شاء الله تعجبكم
المقادير:
نص كيلو سبيط مغسول ومقطع شرائح رفيعه / بصله كبيره /
جزره كبيره / قرن فلفل اخضر كبير / حوالى نص كيلو طماطم حمرا /
ملح / فلفل / كمون / بهارات / كزبره ناشفه / عود شبت وعود كزبره خضرا
الطريقه :
نشوح البصل لحد ما يكون لونه اصفر بعد كده نحط عليه الجزرة والفلفل
الاخضر بعد ما نبشرهم ونقلبهم مع البصل لحد ما يدبلوا شويه بعد كده
نرش عليهم الملح والفلفل والكمون والبهارات والكزبره وممكن شطه لو
نحب ..زبعد كده نضرب الطماطم فى الخلاط ونحطها فى الحله مع البصل
والفلفل والجزر ونسيبهم يغلوا مع بعض كويس لمده عشر دقائق بعد كده
نحط السبيط عليهم ونسيبه لحد قبل ما يستوى بشويه ندخله الفرن انا
مش بدخله الفرن بسويه على البوتجاز من فوق بس وبيكون تحفه وبالهنا
والشفا