العنف في مدرسه (البحرين ) والكل

لا أختي ماا ينسكت عن هالووضع أبداً

و انتوا غلطاانين من البدااية

ليش من أوول يووم ماا رحتوون و وقفتوون هالعصاابة عند حدهاا

من يشوفوون جااهل خيّر و لحااله الكل يصير يصفعه و يضربه

لكن اذا شاافوا عنده ظهر قووي و في من يسأل عنه اهني يخافون

اللعاام بنتي كاانت بالصف الأوول الاسبووع الأوول مر على خير

الاسبووع الثااني جت مضرووبة "من دون أثر" و دفترها مشقق "ممزق"

يوم ثااني من الصبح طيراان ويااها ع المدرسة

ورحت أوول شي للبنت اللي ضربتها و كلمتها بالطيب بس

و استحت مني و منهاا ماا ضربتها و صاارت صديقتها

و بعدين وصلت اللي شقت "مزقت" الدفتر و كلمتها بعد بالطيب

و أنكرت بس البناات اعترفوا عليها و بعدين قالت آسفة و آخر مرة

و رحت للمعلمة بعدين و خبرتهاا باللي حصل

ومن يومهاا محد يتجرأ يسووي في بنتي شي

يعني أختي لاازم و ضروووري اتروحين اتوقفيهم عند حدهم اليووم قبل بكرة

وبالذاات الصبياان شيااطين و كل مجموعة مسووين حزب و عصاابة

و ماا ينسكت عنهم بالمرة

و الله يكوون بعون أخووج شكله هاادئ و خيّر

اتلااحقوا عليه قبل لاا يتعقد و يكره المدرسة

و اذاا تقدروون دخلووه معهد للتيكواندو عشاان يعرف يداافع عن نفسه

و بالتوووفيق

هلا حبيبيتي المفروض ما تسكتون ترى السالفة بتزيد اكتر واكتر وبعدين هذا حقكم روحي دافعي عنه مسكين هو صغير ....ليش تمون ساكتين روحي وخبرينا شو بيصير..

أم مرااام;10598200:




و اذاا تقدروون دخلووه معهد للتيكواندو عشاان يعرف يداافع عن نفسه

و بالتوووفيق

محروومة;10598313:

الله يغربل بليسج والله ذبحتيني من الضحك ... بس صدق يبي له ولدي اوديه لان واااجد ناااعم وتصرفاته تصرفات بنات ...


للاسف فعلا الضرب واااجد منتشر في المدارس وخصوصا اذا يشوفون جاهل هادئ يلعبون في حسبته حتى اني ولدي في الروضه وكل يوم يجي ويقول انه بنت وياه في الصف تسمت خدوده خخخ وتشمخه في خدوده رأي من رأي الاخت ام مراام الوضع ما ينسكت عنه لازم تروحين وتكلمين مدرسته وتشتكين في الاداره عليهم خله يوقعون تعهد انه ما يتعرضون ليه

هههههه

ليش ضحكتين خيوو ؟؟

من شفت الرد صرت أضحك :D

و ولدي نفس الشي نااعم و دلووع وماا يدافع عن نفسه

كل منتف و بس

و في العطلة قلنا بنسجله للتيكواندو و ماا قبلووه

ياخذون من 5 أو 6 سنواات

رايي من راي الأخت أم مرام

و هادي الأشياء تصير و أكثرها في مدارس الأولاد

أخويي لما كان صغير كان بعد جدي هو مسكين يلبس نظارة من لما كان صغير ولما راح المدرسه قاموا ياخذونها من عليه و يكسرونها و تعرفين نظارة مو اكل لا بدينار ولا دينارين و هو مسكين يسكت وما يقول هو كتوم لحد الحين بس احنا كنا نعرف لما نشوف ما عليه نظاره

و آخر شي طفح الكيل و قام ضرب الولد الي يسوي له هالحركات

وما شفنا الا امه و بكل وقاحه جايه البيت تشتكي ولدكم ضرب ولدنا قالت لها امي اصلاً ولدكم الي كل مره يضربه و يكسر نظارته بس احنا مو من النوع الي يتشكى

ومنها مسكين خلاص خلى النظاره وما يلبسها

و الحين هو في الكليه و لما كبروا صاروا اصدقاء خخخخخخ

مقدرة شعورچ والله يساعدچ ,,, لان ولدي بعد يعاني من نفس المشكلة كل يوم يشكي لي من ولد بعد يضربه ويشوته برجوله وكل يوم اجي وشعره فيه رمل بس هو مابيدي بالضرب ولايمكن انه يضرب ويحط في داخله وهذا الشي اللي مااحبه انه يصيح بسكات وانا مو معاه في هذه اللحظة ,,,

عاد قلت اذا زاد الشي عن حده بروح اكلمهم,,,

ضحكتيني ام مرام ع سالفة التيكواندو يبي لنا نودي عيالنا ....والتصرف اللي سويتيه عين العقل


بس المطلوب منكم تروحون بسرعة تكلمون الإدارة , حتى لايأثر على نفسية الولد ويكره المدرسة الله لايقوله أو اذا تعرفون اهلهم كلموهم بالتي هي احسن ,,,

مسامحة ع الإطالة

رايي من راي الأخت أم مرام

و هادي الأشياء تصير و أكثرها في مدارس الأولاد

أخويي لما كان صغير كان بعد جدي هو مسكين يلبس نظارة من لما كان صغير ولما راح المدرسه قاموا ياخذونها من عليه و يكسرونها و تعرفين نظارة مو اكل لا بدينار ولا دينارين و هو مسكين يسكت وما يقول هو كتوم لحد الحين بس احنا كنا نعرف لما نشوف ما عليه نظاره

و آخر شي طفح الكيل و قام ضرب الولد الي يسوي له هالحركات

وما شفنا الا امه و بكل وقاحه جايه البيت تشتكي ولدكم ضرب ولدنا قالت لها امي اصلاً ولدكم الي كل مره يضربه و يكسر نظارته بس احنا مو من النوع الي يتشكى

ومنها مسكين خلاص خلى النظاره وما يلبسها

و الحين هو في الكليه و لما كبروا صاروا اصدقاء خخخخخخ

ام مرااام معاها حق بالي قالته
وكمان لو قدرتي خذي رقم اهالي الطلاب
وكلموهم اذا الاداره ما وقفتهم عند حدهم
مايصير الولد حزني كل يوم ينضرب
مايصدقو بصغير حتي يتقو عليه
الله يهديهم ويصلحهم

بللل :eek:

انا اقرأ والدمعة باقي شوي وتنزل
مادري ليش تخيلت ولدي في هالموقف :ss:
جان اروح المدرسة ويا ذابح يا مذبوح من اول يوم ،، والحمدلله مو بس انا حتى ابوه مو من النوع اللي يسكت ابدا يعني لو يشوف شمخ صغير في ولده يروح لهم المدرسة وعادي يقلب عليهم المدرسة علشان ولده هههههههههه

مثل ما قالوا البنات
روحوا المدرسة وشوفوا شنو سالفة العصابة بالضبط واذا الادارة ما تصرفت حاولوا توصلون الموضوع انتون بنفسكم لاهالي الطلبة ..
اعرف ناس صادتهم عقد بسبب عنف المدرسة وصاروا انطوائيين عقب او كرهوا المدرسة والدراسة عقب .. بعيد الشر عن ولدكم


ومادري اذا الحين هالكلام ينفع او لا
علموا الولد انه يدافع عن نفسه .. اللي يمد يده عليه يقوم يضربه
انا بصراحه علمت ولدي هالشي
قلت له لا تتشيطن وتضرب احد بس اذا احد ضربك ضربه ،، والحمدلله ولدي يطبق هالشي
اللعام في المدرسة معلمته تشتكي منه تقول هو مؤدب بس اذا احد من الاطفال ضربه يقوم يعطيه كف قوووي يخلي الطفل الثاني يصيييييح <<< ولدي ما عنده يما ارحميني ههههههه
عاد انا وقتها تحيرت لاني انا اللي علمته على هالشي ويعجبني انه ما يسكت على اللي يضربه او يغلط عليه وماعرفت اقوله لا تضربهم !! بس هم اللي بدوا وضربوه ،، انزين اسكت عنه ولا كأن المعلمة كلمتني !! اخاف يقولون ما في فايدة كلمنا امه ولا سوت شي
اخرتها قمت قلت له اضربهم بالعدال شوي هههههههههههههههههههه

بس اهم شي ان معلمته قال انه ما يمد يده على احد كلش بس في حالة الدفاع عن النفس يطلع قوته ..

وسالفة التيكواندو انا بعد حابة ادخل اولادي يتعلمون مع انهم اولردي عنيفين ما يحتاجون يتعلمون فنون قتالية ولا شي ههههههههههههه اخاف ادخلهم وبعدين يذبحون بعض او يذبحون الاوادم اللي وياهم :D

ماما حسون ...صدق فن هههههههههه ضحكتين زين بعد ولدش يطاوع

اني ولدي ذاك الكورس كان في الحضانه و في يوم من الايام كانت مربيتهم غايبه فنزلوهم ويا الروضه و يجي ولدي مشمخ وعاطينه عضه بعد ... انزين المديره قالت الى ابوه السالفه لان هو الا راح اخذه وقالت اليها حصل خير و من هالكلام .. قلت اليه لو اني مكانك انجان اقلب المكان فوق تحت مع ان ولدي مو سهل بعد
حناين.. اتمنى ان انتون رحتون الى المشرف او سويتون نفس الا قالته ام مرام

ماما حسوون

ماا شااء الله ع حسووني

يسمع الكلاام

الله يخليه لج

ياا ريت ولدي جذي

انجاان أني مرتااحة

اللعاام بالرووضة كاان كل مضرووب و منتف

حتى فكرت اني أقعده أو أغير الرووضة !!

و لماا أقوول له يداافع عن نفسه

و يضرب كل من يعتدي عليه و يضربه

تدروون شيجاااوبني و يذبحني

















لاا ماامااا أناا مااا أضررررب أصدقااائي

الوود وودي ذيك الحزة أشقق ثيااابي من القهررر

و هذا اللي خلااني أفكر أوديه دوورة تيكواندو

بس للأسف ماا صاار

ان شااء الله سنة الجااية

هلا حبيبتي
انه معاج بهالشي ماينسكت عنه
بس المشكلة تنحل بالهداوة يعني بهدوء كلمي المرشدة الاجتماعية وتتفاهم اهي معاهم وانتي كلمي الاطفال وقولي لهم انتو مع بعض بالصف اخوة واصدقاء
لان ذولا يهال تقدرين بالكلمة الحلوة تمشينهم وتخلينهم يتصالحون مع اخوج جدام عيونج
لان بالهواش يمكن ياثر سلبا بعدين وخصوصا مثل ماقلت انهم مع بعض بصف
فاكسبيهم عشان يحبون اخوج

خيووووووو
الشي ما ينسكت عنه
والساكت عن الحق شيطان اخرس
اليوم ضربوه ودحنوه واخذوا اكله
بكرة والايام الجاية ما تدرين وش راح يسوون فيه
لازم تروحين وتقعدين جلسة مع المشرفة الاجتماعية
وتكلمينها ويحضرون هالشياطين ويادوبونهم
لان حرااااااااااااااام تسكتون راح يتعقد الطفل ويكره المدرسة او ما تدرين وش راح يصير فيه
اني ولدي كم مرة احد يضربه ابوه على طول يروح الى الطفل نفسه عشان يخاف
واذا عاده للمدرس ماله يروح
وعن التيكوندو وديت ولدي ما استفاد اللي هادئ هادئ اصلا خاف من اللي معاه
وكان معاه من الثانوي للروضة
معهد البحرين للتكويندو يصير قريب من المعهد الحديث بجد علي
كسر خاطري
والله يساعدكم على ما ابتلاكم

انا بصراحه علمت ولدي هالشي
قلت له لا تتشيطن وتضرب احد بس اذا احد ضربك ضربه ،، والحمدلله ولدي يطبق هالشي
اللعام في المدرسة معلمته تشتكي منه تقول هو مؤدب بس اذا احد من الاطفال ضربه يقوم يعطيه كف قوووي يخلي الطفل الثاني يصيييييح <<< ولدي ما عنده يما ارحميني ههههههه
عاد انا وقتها تحيرت لاني انا اللي علمته على هالشي ويعجبني انه ما يسكت على اللي يضربه او يغلط عليه وماعرفت اقوله لا تضربهم !! بس هم اللي بدوا وضربوه ،، انزين اسكت عنه ولا كأن المعلمة كلمتني !! اخاف يقولون ما في فايدة كلمنا امه ولا سوت شي
اخرتها قمت قلت له اضربهم بالعدال شوي هههههههههههههههههههه



موتيني من الضحك ماما حسون الله يقطع بليسش
هي التربية والله بلاش(n)

بصراحة مستغربة اشلون قدرتون تسكتون لين هالعصابة تمادو وزادو
لو اني منش من اول يوم اروح اليهم وحتى لو ضرب خفيف
اني والله ولدي في الروضة الحين والمدرسات اوصيهم على ولدي والحمد لله يتحملون ابه وما عمره جى مضروب
بس المدرسة غير والله مبرزة روحي اليهم بوصله كل يوم عند باب الصف وما يطلع الا واني برة انتظره وفي الفسحة بوصي ولد عمه يتحمل ابه وخل احد يسوي فيه شي راحت عليهم مني منهدة فيهم من الحين اني
لانة ولدي هاااااااادئ عددل واقل شي يصيح بعد عمرري ولدي مستحيل اخليه فريسة لجهال الشياطين

لازم تروحين للادراة وبدون تردد

انا بعد ولدي يوم كان بصف اول كان يقول في واحد يضربه اذا ماعطاه فلوس ... وبعدها ابوه راح معاه للولد وبعدها تأدب

والمشكله لما يجي العنف من لكبار من المربيات الفاضلات ...العام اللي راح كان ولدي بصف الثالث ... لما رجع من المدرسه لقيت على خده طبعة يد وكانت واضحه ... على طول سألت ولدي شنو هذا اللي بخدك قال المعلمه ضربتني على وجهي .... ويقول هي على طول جذي اذا عصبت تضربنا على وجهنا مو بس انا كل اللي وياي بالصف تضريهم ...
لما قال لي جذي حسيت بنار شابه بصدري وعلى طول رحت قلت لزوجي ... وزوجي قال باجر انا بروح لهم المدرسه .. وانا اقول لو شنو يكون السبب مو من حقها تضربه ولااا مو بأي مكان بوجهه بعد ؟؟ اذا احنا امه وابوه مالنا حق نضربه على وجهه ولا عمرنا ضربناه تجي هذي تضربه........... وبالعصر جى له صديقه معاه بنفس الصف سألته؟؟ المعلمه ضربت ولدي اليوم قال اي وقال نفس كلام ولدي انها كل تضربهم على وجوهم ...

يوم ثاني راح زوجي لهم المدرسه وتكلم مع المديره وقال لها السالفه والمديرة عصبت وقالت اذا هالكلام صحيح لازم نتخذ اجراء ضد هالمعلمه ونادوا المعلمه وسألتها المديرة وقامت تحلف انها ماضربته ومادري شنو .... وزوجي ماحب يكبر السالفه وانتهى الموضوع على جذي ...ولما زوجي قال لي قامت تحلف انها ماضربته قلت له جذابه واكبر دليل طبعة اليد اللي بخد ولدي واللي شفتها بعيوني وكلام ولدي وصديقه نفس الشي مستحيل اصدقها واجذب اللي شفته واللي سمعته منهم ... قال انا ماحبيت ان تصير لها مشكله كبيرة واكيد هذا درس لها انها ماتمد يدها على الطلاب ........ وفعلا بعدها صارت تعامل ولدي والطلاب افضل وماقامت تمد يدها عليهم لاني بين فتره وفتره اسألهم يقولون لا اللحين ماتضرب .......لكن للحين اذا اتذكر اقول الله لا يسامحها اذا كانت فعلا ضربته ....

ياعمري على اخوج صج اليهال يكسرون الخاطر
يعورون قلبي الي ينطقون ولا يتكلمون
خصوصا الي يكونون خجولين واول سنه لهم
اذكر كنت احاتي اخوااني
لا تستكتين عنهم

حناين البحرين;10602839:

مشكوورين خواتي على كل كلامكم وصرحه استفدت منكم وصدق مدارس للصبيان يبي ليهم قلب

لانه كذا مره ادخل في الفسحه واشوف ضرب مضاارب بس ما توقعت اخويي بيصير فيه جذي

اليوم عزمنا ورحنا اني واختي ودخلنا للمشرفه وكلمناها وقالت بتسدعي ولي الامر
ورحت لطالب وطالع بحريني من اصل (سوري ) وكلمته قلت اليه اذا لمسته بقتلك وبدوسك بالسياره مره ثانيه وشكله خاف

اما الباقي ما يعرفهم لانهم مجمووعه- يعني لازم لصبي يصير شر علشان يدافع عن نفسه منهم موحاله والله لازم نعلمهم يضربوون لانه الاخلاق وتربيه وكلشي ما يصلح في هذا الزمن

مشكورييين وبوافيكم بالي يصير وراح نسجله في تكوندو وكراتيه باقرب فرصه

وكل شي علشان ياخذ حقه بس

هههههههههههه عجبتني بدوسك بالسياره ... زين اتسوين فيه دام هو جذي
الاولى يوم كنت صغيرة كل اقول الى خواتي بقتلكم بدوسكم بالسياره :D و للحين ما اعرف اسوق سياره

بس ان شاء الله يجيب نتيجه