البحث عن عضوات مفقودات (ليبيات)

السلام عليكم ورحمة الله وبراكاته كيف الحال جميعا اهلا عروس ليبيا نورتى والله ليك وحشة فى المنتدى شوفتيهم الهربات محدش طل البركة طبعا فى توبة وسمسمة ربى ايعينها وينجحها وشكر لامورة على الطلة وتفظلى معانا وشكرا سولتى على المرور وان شاء الله بافى البنات ايطلوا ونعرفوا اخبارهم وليا لقاء قريبا ان شاء الله

هلا ام ايهم ..........فعلا كلامك صح البناااااااااااااااات ليهم وحشه يلا ربي يجمعنا من جديد قريباااااااااااااااااااااااا ونتواصلو زي الاول

الله يسلمك علا هالطرح والبحث هذا رائع وحلو هالوفاء الي عندك

وعني اانا بلا جميل محلا اللمه والونس فالغربه ولا في بلدنا

نحنا الليبيات نحبووو اللمه والونس وميحط الصحبات يحسس الوحده بالحيويه تقدر تقوم بواجباتها احسن وافضل وعطاها ووسعة بالها تكون احسن لما الوحده تاخذ وتعطي مع الي حولهااااااااااااااااااا ويكون لها علاقاتها وكيانها ومتنفس تعبر فيه عن انفعالاتها وعن نفسها بعيد عن روتين الحياه الزوجيه اليومي ومشاغل الحوش والاطفال والجو التقليدي


انا الصراحه بطبعي نحب صحبااتي هلباااااااااااااااا وزي مايقولو بمصر صحبة صحبي اوووي ===== ونحب نتواصل معاهم لكن الظروف مرات ظروفي او ظروفهم تقطعنا عن بعض===
== بس الوحده من وقت لوقت لازم تنشد عليهم وادورهم لان هذا شي ييييييييييييييييييفيد اى انثى ويعطيها مناخ حيوي ومتجدد لما تختلط بمن هم اهل دين وعلم وروح مرحه ناس تنبي ماتهدمش
ناس تشجع ماتحطمش========= الله يكثر من امثالهم يارب ويبارك فيهم

اسففففففففففففففه للاطاله
بس طرحك ام ايهم شجعني نحكي لان دعوتك للبنات وطرحك البسيط له قيمه حلوة يدل علا حسن نيتك ووفائك واخلاصك للي حولك ======

======= مش مجاملات يابنت والله جديات ربي يبارك فيك

بوجود الصحبات الكويسات والودادات تحس الوحده بوجودها صح الزوج والصغار هم الاساس
لكن لا غناء عن وجود اصدقاء صادقين يكونو تقة ومعاك عالحلوة والمره


وزي ما يقولو ==== يكونو محضر خير ==== وقت الشده


======= فعلا الغربه تخلي الواحد يفتقدهم هلبااااااااااااااااااااااااااااااااااا

الله يبارك فيك ام ايهم ماقصرتيش بترحيبك

وانشاالله بقرب فرصه نتلاقووو ====== تعرفي ايام الاستقلال والهياجه راحت

توة حكومتي مش فيدي زي زماااااااااااااااااااااااان ==== الله الله ايام الحريه


وقرررررررررررريب نبو التجمع يرجع مليااان بالشله الاولى ويزيدووو بوجوه جديده ربي يبارك فيهم كلهم

لنااااااااااااااااااا عودة ===== يلا نشوفكم ف حفظ الله

هلا وغلالالالالالالالالالالالالالالا توبا كيف حالكم وانستيينا

الله يسلمك وانتي وينك نبوك اطلي علطول والله ليكم وحشه

وانشاالله نتلاقو زي ماقلتي توتو

كل سنه وانتووووو بي 1000 خير ونعمه

وسنه عدت بحلوها ومرها وسنه جااااااااااااايه بكل الحلووو والفرح والاماااااااان والنجاااااااااح ياااااااااااااااااااااااااااارب

قولوو اااامين

السلام عليكم حبيباااااااااتي

كل عام وانتو وب 1000 خيررررر
وين لاطله لاهله ====== بجد فقدناكم

ياربي تكون سنة خير وفرح وامان لكل ليبيا يااااااااااااااااااااااااااااااااااااااااااااااارب

وسنه حلوة عليكم فيها كل جديد وتحققو فيها كل امانيكم السعيده

وياربي قريب نتلاقووو ف بلالالالادي الزينه

السلام عليكم

خير عليكم يا حلوات

ام ايهم مشكورة لسؤالك هههههههههههه وين الانربول جوني قالوا فيه وحده ادور عليك هههههههههههههه صار وصلتيها ليهم

موفقت الكل يارب وعظم الله اجرك في صبيتك وعمة اصغارك اخر الاحزان يارب

عروسة ليبيا بنلخطب في اسمك ههههههههههه زي اسمي بخلاف التاء المربوطه

اهو بنقوللكم ياحناتي اخباري

انا من امتا مادخلت اعتقد من سنه صح ام ايهم ؟

طبعا وخيتكم انخطبت والحمد لله من 1خ شهور تقريبا بالزبط كتب كتابي كان يوم 6\3 \2009 وان شاء الله نقولوا ودعائكن معاي يكون في 3 \2010 العرس هههههههههههه

ووخيتكن طبعا طلعلها افاد وبتطلع تدرس هي وراجلها بس نستنى في العرس وبنطلعوا لكندا بعون الله رغم اني سألت عليها واجد مغتربات هنا بس خطيبي مصر عليها وانا نبي بريطانيا ومش عارفه على شن ترسى الخيرة في خيرة ربي ان شاء الله .

هذا ياحناتي كل شيء عني في غيبتي عنكن

وتسلمي عروسة ليبيا لدعوتك ليا

ام ايهم كيفك ووين توا طمنيني عنك وشن صار بعدي وكل شيء احكيلي

بنات وين دكتورة تمار ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

هلا هلا عروس مرحب بيكي كيف حالك ويسلمو علا طلتك ارجوك تواصلي من قوت لوقت ماتقطعيش وسنه حلوة يا جميل 2010

مشاء الله اهو تعرفي ام ايهم والبناااااااااااات ===== طلعتي من العيله

==== وانا دايره روحي واسطه

اممممم ماعلينااااااااااااااااااااا مبررررررروك وربي يهنيك والعقبه للبنات كلهم

انا تزوجت من 3 شهور وكنت حايسه زيك ومربكه من السفر والضغوط اياها

عمومااا بما اني اصبحت عروس قديمه شويه ليا 3 شهور حابه نعطيك من تجربتي بصدق انتي وكل العضوووووووووووات حبيبااتي بنيات بلادي

اهم شي تكوني عمليه سوء قعدتي بعد عرسك او توكلتي علا الله وسافرتي مع العريس
ركزي ف الامور المهمه الي تحتاجيها معاك ومرررات راهي تكون حاجات بسيطه

يعني فالتجهيزااااااااااات ركزي مليح وردي بالك ديري عملتي شريت وكركرت بتات هكي كبره لبلاد تانيه وهنا لانطلع لانخش بسبب ظروف راجلي وشغله وووظروف الغربه ===============يعني نصه مكوم ومخزن فالشناااااطي والله حمل قعد عليا نص الحاجات ما استفدتش منهم

وووووووووالله مش عارفه خيرني مع انو جهزت لي اختي وووكنت مع كل صحاباتي شطورة وماشيه بورقه وقلم وعابيات عليا وكنت نهني فيهم جداا

علا اساس فالحه لكن لما جاء فيا المووضوع مع ربكة العرس وبعدي عن خطيبي المغترب ونرفزتي وتعصبي و و الخ لاهيت وكنت ا انفش ف خلقي فالسووووووووووووق


غلطت ف هلبا امور واقوها اني ارهقت روحي بسفره لمصر لتجهيزاااااااااات والبطاقات وصناديق الحلوات وغيرها من الامور بعضها مهم وبعض تافه جدا خلاصه القول كل السفرة كان ممكن نفوتها لانها خذت مني اكتر من الي جبته تشتت تركيزي وقعد كل حد يعطي ف رايه

نسحب ف فلوس عالفاضي والمليان اتقوليش عليا بنهاجر لكوكب تاني او مجره من المجرات


والمفررروض الوحده تخلي مبلغ محترم ليها علا جنب من قااااااااااااااااااااال

انها لازم تكسر وتحط كل شي ف بتاتها زف العرس خصوصا الي متغربه وف

بلادها معندهش حوش لانها مستقره برا===
=== ندمت علا قله حكمتي واني ما سمعتش كلام ماماااااااااااااااااااااا

==== كانت تقول ===== نحولك مبلغ معقول لدولار وانتي غادي اصرفي منه حسب حاجتك للضروري او خليه اشري بيه من الامارات بلاد كلها سنتر تسوق وماركات



--- لان ررراجلك طالع من عرس ومصاريف سفر واقامه و و و و== كلام امي الغاليه

وانا للاسف ماااااا كنتش مركزة ====

=== صح ولا شني ؟

الحمدلله راجلي مش مقصر ربي مايحرمني منه
بس الاصح التعقل كان لازم نكون اكثر حكمه ف كل شي و ف تصرفي

بالذااااات انو ياما رتبت ف اعراس الاعيال وجهاز اختى وصديقاتي المقربات والكل اشااد بشطارتي وكانو يسالو فيا علا اغلب الترتيبات والمشتريات الي كنت نلخص فيها ليهم
====== مفروض راجعت حسابتي الاول =
== وشفت الي قبلي من شن استفادو ؟
وعلا شن ندمو ؟ وشن الامور الي لازم نركز فيها ؟
وشن نتجنب وشني الي مش مهم ؟

طبعا كلالالالالالالالالالامي يااا بنات علا كل شي مش البتات بس مش الاتاث بس كله من حاجات المطبخ و وفرش دار النوم وملابس الحفلات لملابس الطلعات العمليه السبور لملابس النوم لانجيري لملابس البيت القطن لهدايا اهل العريس لهدية العريس لصاله لللحفله بكل ما فيها ل و و و و وو ووووووووووووووووووووووووووووووووووووووووووو الخ الخ الخ

يعني حسبه كبيره مفروض الوحده تبسطها مش تكبرها ولو كانت امكانياتي تسمح وميسورة مش معنها الواحد يسحححححححححححب كل شي لي اخر قطرة === خساره وحرام وبعدها يلاقا روحه يبي يطلع بعد الزوج ويبي ويبي ويبي --
----غير طبعا لاسمح الله لو الاحد مرض او اضطر انه يسافر او هالمصاريف الطارئه الي ماتكونش محسوبه ------ لازم تنحط فالبال

خلاصه القول اااااااااااااااااااان الاسواق مش حتكمل وبرا فيها حاجات اكثر تميز واحلا ومرات اقل سعر عن بلادنا ==

== ركزي عروس ليبيا وكل البنوتات الي مزالو ما ارتبطو وحيجيهم هاليوم قريب

اني انا قبل الخطوبه والعرس كنت علا اساس فاهمه الكلام اهوا لكن ف روحي نسيته وونسيت روحي كاااااااني نبي نبقا عمري كله بلا شوبينق لما بنتزوج

وبس خلاص === طولت عليكم بس من حرصي وحبي ليكم ولاني عاررررررررفه شن معنى كلمة عروس لكل انثى حبيت نحطلكم تجربتي يارب تفيد لاني مسمعتش النصح وندمت

ربي يهنيكم وماتشوفو ندم ولاهم ===== و2010 نبوها كلها اعراس وتفرح ف بلادي كل الناس

همسات من عروس سابقه لعروس لاحقه ولكل الحبوبات يحطوها في بالهم

لنا لقااااااااااااء

هلا عروسة ليبيا

تعرفي انا ممكن عرسي يكون قريب انا غلطت في الكتابه المرة اللي فاتت وتوا معاش عرفت نعدله انا كنت بنقوللكم اني انخطبت في شهر 3 يوم 6 وبالك فرحي بيكون على دوره هل عام ان شاء الله ادعولي عاد هههههههههه

المهم عروسة ليبيا كلامك الكل يقولي يفه خصوصا خواتي المجربات واللي تغربوا زيك وحتى انا لتوا مزال ماخديت شيء تصدقوا بس حاجات اساسية للمطبخ بس وبحكم ان عندي شقه لازم ناخد زي ماتاخد كل عروس عاد هدي عاداتنا كان ماخديت يقولوا مسكينه صح ولا لا؟ لدلك بنركز على المهم المهم بس وبجد نصائحك حلوة وعجبتني فعلا ربي يوفقك انتي وزوجك شني مافيش بيبي لتوا ههههههه هكي نحن الليبيين تتزوج امتا الحمل تنخطب امتا العرس زي ماهم مجننيني توا بهل سؤال نين كرهوني فيه ههههههههه

تتهني عروسه ليبيا ياااااااارب وربي يوفقك

وين ام ايهم عاد مابينت اليوم

وان شاء الله بندخل عليكم كل ماندخل للمنتدى من عيوني عروسه انتي ادللي

اممم هلا لاغلا عروس
وووووووووووووين محد مبين الا انا وانتي ووووواغلب العضوات كارسات الباين تحت البطاطين من الصقع

ام ايهم اكيد لاهيه ف امتحانات صغارها كان الله ف عونها

ما علينا نشالله نشوفو الكل قريبا

وانتي منورة عروستنا ربي ما يحرمنا هالطله و كوووويس ان كلالامي مار عليك بس

انا كنت ست العارفين ولما جاا علي الدور طنشت كلام الي حوليا

طبعاااا كلالالالالالالالالالالالامي مش معناه ما تشررريش بالعكس اشري

وعيشي متعة الجري والتوتاي والتجهيز تبقى لك ذكررريات حلوة تضحكي

عليها بعدين ------- وبمانك ف غربه وغالب الوقت فحوشك مع حبيب القلب --

--- ركزي علا اللبس الناعم البيتي من بيجامات ب الالوان حلوة و من قفاطين

قطن فيهم رسوم الكرتون او نقش رقيق وطبعا علا برمودا علا تنورات = قونه قصيرونه وبديهات كيوت حا تعطي شكل نعومي بلوك البنوتات متاع ال 16

ركزي علا انك تكوني بشكل ناعم وبنفس الووقت غير متكلف ============ معظم الرجالا يميلو لذوق اهووووو اااا

طبعا لاغنى عن اروب وقمصان النوم من ستان وشيفون ودانتيل والخ والخ من الحاجات الي ادوخ ----

----- والحركات الدلوعه الي توة ممنوعه--------



بس حاولي توزعي وتنوعي بين البيتي والقطنيات واللبس العملي النعوم وبين جو الرومنتك والدلع


وربي يكمل عليك اى استشارررره ====== نحن فالخدمه


حلو انك تنظمي امورك وتحطي ميزانيه جانبيه تاخذيها معاك وتستفيدو بيها لطوارئ ------ وقت الزنقات ===

== ولو زاد الخير مايضرش هيجو بيهم او خوذي بيهم هدايا للناس المقررربين منك والي عولو لك فالعرس مش خساره فيهم

علا فكرة المناسبات فررصه لاكتشاف من صاحبك صح وبالحق ومن كلام ومسجات وبس

وبس ربي يهنينا ويهنيك
-------------------------------------------- وهذا ما في جعبت عروسة
وووووووووونشالله نفرحوو بالكل

مرحبتين

خير عليكن اليوم يا ليبيات يا حلوات

ربي يوفق اولادها ام ايهم هههههههه بنسمي ولدي ايهم قديش نحب هل الاسم

عروسة ليبيا السموحه سلمها يارب على النصائح الحلوة صدقتي على فكرة انا جايبه احاجت من بريطانيا لما نلبسهم نبان تقول بنت في الابتدائي هههههههه نحب الحاجات هدي اكتر من اي شيء والحمد لله مكثرة منهم وبنزيد حاجات عجبوني اخرى مش واجد يعني .

وبارك الله فيك وعلى كلماتك الطيبة والمشجعه

بس بالله عليكن نبيكن تدعلي ربي يفرج كربي انا نفسيتي تاعبه ومحبطه وحتى التجهيز معاش عندي نيه نجيب شيء .

سلاماااات عالحلوااااااات

بنوتات وحشتونااا ======== وينكم ياااااابنات لاحس ولاخبر طلو مره مره ماتقطعوش طمنونا عنكم


عروس مرحبتين نورتي حبيبتي ولاباس عليك

شن مزعلك لو حابه تحكي وتخففي عن روحك هلا بيك كلي عيون قارئه معاك

لو تحبي تحكي علا ضيقتك او تبي حد يسمعك الرسائل الخاصه موجوده لخصوصيتك وعموما كلنا خوات هني وكلنا نمرو بحالة السئم والملل والاستياء من الي حولنا من وقت لوقت الي ليها عده عوامل ====== مش حالك بروحك

يا عروستنا بس انتي تعوذي من ابليس ووسعي بالك وتفكري دوام الحال محال وتفائلي بالخير حبيبتي الله يحب المتفائليين وسعي بالك وتفرج لان الله مع الصابرين ديما

الله يفرج كربك قريبااااا انشاء الله ===

ولووو عن العرس واجراءاته والظروف الضاغطه من كلام العيله وسؤال الناس الزايد ونشدة الصحباااااااااااااات وفضولهم ====== امر طبيعي جددددا وبيحصل فكل المناسبات وف احسن العائلات === زي مابيقولو

==== ياحنة الي تمري بيه عادي جدا حتى اني جوني ايااام حتى تلفونات صحباتي معش نرد عليهم والكلام عن العرس والتواتي كرهته والي يقولي كلمه نديرله نهااار و عصبيه جدا وليت

وصارو مواقف وحكيت حتى هنا للبنات فموضوع قديم ل ام ايهم تقريبا ====


فحالتي انا كانت اسباب هلبا ضغوط التخرج وبعد حبيبي وزوجي عني واختلافي علا بعض التفاصيل فالحفله مع اهله وتعليقات بنات العيله والاهل وتوقعاتهم وزاد الامر لان زوجي براني عن عيلتي وقبيلتي وهذا كان جديد كل زواااااااااجتنا من داخل العيله والقبيله -------يعني الموضوع كان في تحديات وضغط كبير عليا وعليه

وغير طبعااااااااااااااااااااااااااا
اختلافي مع خواتي البنات كل مره براي ====== وليت بيوم وليله عصبيه وانا مكنتش هكي بوكل

اكثر شي حززززز ف نفسي بوقتها صديقااات نحبهم تعبت معاهم وفرحت ف افراحهم وعولت وجريت والله مرات نتزاعل مع بابا بسببهم وهو يقولي ركزي فحياتك و والهي بقرايتك ومستقبلك

وقتها نززززززززعل هذوو عشرة عمري من طفولتي لمراهتقتي لشباابي
هذووو الي فاهمتني كويس ويحسن بيااا وتؤم روحي --------------- الله الله

للاسسسسسسسسسسسسسسسسسف في بعضهم وقت الشده مالقيتاش وووووووو ف ناس من سنين ما ر يتهم من ايام التانوي لقيتهم جنبي و جوني وفرحولي ورقصولي ومن وجوهم المحبه تبااااان بصدق

والله يابنات توة وانا نكتب قلبي وجعني يوم جيت علا المسررررح فالصاله نقلب فعيوني ندور فوحدات اليات و مقربات جنبي كنت ديما وراهم وندعم فيهم ===== دورت ما شفتهمش ====== اضايقت جددددا

وانا ف مناسبتهم كنت ااااااااااخر وحده تمشي للكوافير انا واخر وحده تلبس وتبدل انا واخر وحده تخش الصاله انا ===== من الجري والعواله والتصباي بكل حب وموده وبلا جميل

للاسف انصدمت ف بعضهم وكسبت غيرهم من الي جو برغم انقطاع السنين وبرغم ظروفهم

الحمدلله ياربي تفرح كل بنوته بعرسها وليلتها وربي يونسكم بي احبابكم

وبس خلاص -------- ف انتظار طلات باقي العضوات المختفياات ربي يسعدهم ونشوفهم من جديد

لنا لقاء


====================================

هلا عروسه ليبيا

منورة وبارك الله فيك على وقفتك الطيبة

وفيك الخير والله

بالزبط اللي مضايقني الامور اللي حكيتي عليها تماااااماً الله يوفق الجميع ويفرج كروبنا ويفرحنا

اختي الصداقه الحقيقيه هي الصداقه الصدوق وانتي ربي يعوضك في صديقاتك خير ومهما كان خليك احسن منهم ديما

مشكورة مرة تانيه وربي يبارك فيك ويباركلك في زوجك وزواجك يارب

اممممم سلمك حبيبتي

وسعي بالك حبيبتي ووووووولاتنكدي علا روحك يا ستي خوذي بريك كم يوم وشيلي العرس من بالك اطلعي مع اقرب صديقاتك او زوري حد تحبيه واطلعو لمكان حلو ويا مكثرهم ف طرابلس من مقاهي واماكن راقيه ومحترمه او حتى يجوك فالحوش وتقعدو فالجنان فالهدوؤ وجو الشتااااء وكيفو مع كابتشينو ولا قهيوة دافيه تروق------- طلعي روحك من الحاله هاذي بالمقاومه وتغير الامكان والي معاك
----- يميمميمم واحشني شتاء بلادي
هدي روحك وماتجيبيش سيره العرس ركزي فحاجه تحبيها اطلعك لفتره من الجو المرهق اهوا وتعطيك طاقه جديده


وصدقيني كلها تفوت وراهووو حياتك بالجديات تبدا بعد زواجك ومش من الاول اخرى بعد يمر اول شهر لانه اول شهر برغم حلاوته صعب نفسيا والوضع الجديد يحطك فش شوي ضغط بس حلو بنفس الوقت بعدها تتعودي علا نمط حياتك وتحسي بالرضا هذيكا هي الحياه وفرحتك الحقانيه وقت تحسي بالامان مع زوجك وبحنانه عليك تحسي روحك قانعه ومقتنعه بحياتك هالتفاصيل الي متعبتك تبقا ذكرياات كلها

وعارفه الواحد في زي وقتك توا محتااااااااااااااااااج من يوقف معاه ويهنيه بكل امانه
ربي يسترك يارب وتجيك كل حاجه زي ماتتمنى

وهلا فيك اخت وعزيزة ------ربي يوسع ضيقك ويفتح طريقك

عروسه ليبيا

والله كلامك يريح النفس صحيح

على فكرة انا حناخد بنصيحتك وقررت بكرة حنطلع للمزرعه انا واولاد خوتي اللي نحب نقعد معاهم بما ان بكرة عطله نصف السنه باديه بعون الله

والله دعوتك ووقفتك معاي ماننساها

ربي يوفقك ويسعدك بجد عطيتيني راحه لنفسي

ربي يهنيك

بنوتات مزال الباين مختفيات =====السبات الشتوي شكله

ليكم ووووووووووووحشه

اختى عروس ليبيا كلامك صح خوذي رست وريحي اعصابك

امممممم حلو حلووو يارب نشالله قريب نرجع بلادي ونشوف الناس الي نحبهن واهلي

السلام ليكم ورحمة الله وبركاته وكل عام وانتو بخير اهلا اهلا بعروس ليبيا والله زمان المهم الف مبروك على الخطبة وا شاء الله ربى ايتمم على خير توبا كيف الحال وينك تبينى شويا وتغطسى ان شاء الل القايا تمام ومتحرميناش من الطلة عروسسةةة ليبيا اهلا اهلا وكل سنة وانتى طيبة وشكرا على السوال والله فعلا كنت امتحانات ومشغولة بس الحمد لله كملوا . مشاء الله صار اتهدريز ودوة من ورانا ههههه والله مشاء الله عليكم شكله النداء نفع عروس ليبيا كل كلام عروسة صح مية بلمية ومزبوط ما تستعجليش وخليكك ريلكس وخودى الى تحتاجيه بس وربى ايعين ان شاء اللله وربى ايتممك على خير عروسة وينك معاش سمعنا صوتك:call: وامتى انشوفوك ان شاء الله.:013:

صباح الخير

ام ايهم الله يبارك فيك

تفضلي معانا في تجمع عرايس ليبيا غادي ليببات مشاء الله ومعانا حتى عروسه ليبيا تعطي في نصائح مشاء الله ههههههه

نورتي ويارب اولادك ينجحوا وتفرحي بيهم

iiiiiiyyyyyyyyyyyyyyyyy وين مزال السبات

وينكم يا مغتربااااااااااااااااات ليبيا طلو علينا