ممكن اتنوروني ...

السلام عليكم ورحمة الله وبركاته
حبيبتي نور الدنيا اني احب انصحج نصيحه واريدج متنسيه لاخر يوم بعمرج وان شاء الله عمرج طويل وكله فرح وسعاده
عزيزتي من شاف مصيبة الناس هانت عليه بلواه
اريد منج كل متصير عندج مشكله او ضيقه اتذكري موجوده ناس مصيبتهم اكبر بكثيييييييييييييييييييييييييييييييير منج منهم الي بيضربهم زوجهم او بيخونهم مع نساء مو زينه او مع رجال اخرين والعياذ بالله او مدمن مخدرات او خمر
وفي ايضا الي يضربوهم اهل زوجهم بعد
ويتجاوزون عليهم ويتشكون للزوج من الزوجه حتى لو كان كذب وافتراء
وفي الي يشغل الزوجه اكثر من طاقتهه في البيت حتى لو كانت موظفه
فانتي حبيبتي تعاملي مع الوضع برحابة صدر وتعودي على الوضع الجديد وتذكري مااتضيق الا تفرج ومستحيل راح تبقين ببيت اهل زوجج للابد لازم حيجي يوم وتتحسن حالتكم ان شاء الله وتشترون بيتكم الخاص والله يصبرج وحاولي تكونين اقل حساسيه من المحيطين وحاولي تحبينهم بالرضا احسن مما تكونين مجبوره على حبهم
وبالتوفيق ياحلوه
اختج مهندسه مها

اختي الغاليه انا قريت رابط موضوعك الاول الله يعينك ياقلبي وربي يسر امورك ويهدي زوجك

اختي بموضوعك الاول كتبتي انك تفكرين بالطلاق طيب اختي اذا الملحق خذاه اخوك وين بتقعدين وصدقيني ياعمري الوحده لما تروح زياره لاهلها مااترتاح واهم بعد اكيد بيتشكون من ازعاج وله عبث اعيالها فمابالك بالمعيشه انتي ياحياتي لاتحلين مشكله بمشاكل

بما انك تشتغلين ممكن تاجرين لك ملحق مثلا او شقه
وبنسبه لزوجة حماج شيليها من بالك لان انتي الحين عندك وايد شغلات ذكرتيها مظايقتك خففي على عمرك من شغلات مووومهمه
يعني مثلا هاي الانسانه تصرفاته تافه فانتي حطب ببالك انه انسانه تافه فليش تعورين راسك فيها

وبنسبه لحجابك اختي العزيزه تفاهمي مع زوجك بنسبه لهاذي النقطه فهمي انه انتي تحتاجين انك ترتاحين شوي لانك تختنقين من الحجاب او انه انتي تبين ترتاحين شوي يعني حاولي انك ماتتنرفزين اختي خاصه انه عندك اطفال ترى الطفل يتظايق لو شاف امه زعلانه ولا تبجي

ربي يوفقك اختي ويسر لك امورك ويسخر لك زوجك ..

عذرا على الاطاله
وتقبلي مرور اختك ام زهراء

المشكله بزوجك الي مو متحمل مسؤليه

ماتزعلين مني بس زوجك مستهتر الي بوضعه يتحمل الشغل مو يتركه ويقول فنشوني

وانتي بعد مخليته على راحته يأختي الحياه تعاون بس زوجك انسان اناني

انا لو مكانك اروح عند اهلي لين يصير رجال ويحطلي بيت ويصرف على بيته وعياله

وانتي صراحه مالك كلمه قالولك البنات روحو لاهله وتروحين خلاص الحين تعود على الاتكال

ومو فاضي يفتح بيت ويتحمل مسؤليه اجلسي معاه وتفاهمو على الوضع مو معقول الي يصير

وماتزعلين اذا كلامي قاسي

لاتكبري أختي الموضوع دام زوجك عاقل ومحترم ويقدرك ويحبك لاتخربي بيتك بأمور تافهة مثل هذي
ماعليك من اللي يصير حولك دامك مرتاحة مع زوجك ..

:)

حاولي لاتفكري لان التفكير يسبب خرايب الله يبعدها عنك
دامهم محترمين معاك وبس العتب ع بعض الحركات الماصخة من زوجة اخو زوجك عادي
كبري عقلك وترفعي من مستواهم وريحي بالك ونفسك من التفكير الي مايودي ولايجيب
وترا عادي كل الناس تتحجب في بيوتها لان البيت فيه رجال واخوان الزوج
مافيها شي ...

شدعوة اتقفليين يش يعتي غرفتج المفتااح عند ام زوجج مستحيييل ش نو صاير هاي الغرفة فيها خصوصيتي اقوم اعطييها المفتااح ..وليش اتخلييينهم يدخلووون ونتي مو بالبييييت قفلييها وخشي المفتااح عندججج ..او وقت الي تبين اتناميييين نامي ولا يهمممج ..او لين انتي ناييمة قولي لي زوجج لا تجي تقعدني انا تعبانة ابي انام

هلا خواتي مشكورين على الردود والمرور ... في منكم من لامني اني عشت مع زوجي في بيت هله وفي من ايدني ... انا ماأقدر اترك زوجي واروح اعيش في بيت هلي واخليه اهوه في بيت هله مب عدله وانا ماأقدر لانفسياً ولا عقلياً بعد ... لو تركته جان هو بيصير عنده الموضوع عادي يعني قاعده في بيت هلي ماكله وشاربه ... بس لما اكون عنده غير ... وبعدين هو بس عيبه انه مايشتغل وايحب يسمع اي كامه من هله فعشان جذيه ايقول لي قعدي معاهم وحتى سالفه المفتاح امه بتقيم الدنيه ولا بتقعدها ... وعشان ريلي انا قلت استحملهم كلهم لانه هو طيب وحنون ومن حق ولدي ايعيش مع ابوه وبعد اناحامل على وشك الولاده واتعرفون الوحدة منه اتحب وقفت ريلها معاها في هاللحظه بالذات ... انا بس مشكلتي حالياً هله حتى مرة اخوة اعرف انهاا تافهه لابعد حد ... ابي شي يشغلني عنهم وعن عوار الراس .. وخاصة اني ما أحب المشاكل ...

حبيبتي نور الدنيا اتمنى تكونين قريتي ردي الاول على موضوعج والظاهر من ردج الاخير انك انسانه راقيه وتقدرين الحياة الزوجيه حتى لو كانت صعبه وقاسيه وبما انتي طلبتي نصيحه لكي تلتهي عن الموجودين في البيت فاني احب اكولك التهي عنهم بانك تحبيهم واندمجي معهم وكوني طبيعيه وعلى راحتج وسوي الي يخطر على بالج لان هذا بيتج مثل ماهو بيتهم ولتكونين دائما لوحدج ومنعزله بالعكس كوني معهم
لان انتي بحاجه الهم خاصة انو انتي على باب ولاده الله يسهلج يارب
سهليييييييييييييييييييييهه يا حلوه

انا اعاني نفس معاناتها بالضبط
في كل شي كتبته
حتى المفتاح والقعده واهي متحجبه
انا اقعد متغطيه
واتغدا واتعشا متغطيه
عاد حر والا برد مش مهم
ابي اتنفس مش مهم
اهم شي اقعد اساحلهم
كلهم شباب واقعد معهم
شلون ماادري

ضيقه خلق لاتوصف وتدخل في الخصوصيات عجيب

الفكره من كلام الاخت مش انها ماتعرف تتصرف
هي مره فاهمه الوضع وتتصرف بالراحه بس اهي تبي حل وسط يريح بالها
تبي تعيش من غير ماتفكر اللي برا الغرفه شيفكرون فيها لانو كلنا نبي نترك انطباع حسن
ولانها طيبه تبيهم يشوفون طيبتها
بس اذا اهم يبونها على كيفهم واهي كيفها غير عنهم
معناتها هني المشكله
لازم تتصرف وتدعي وتنافق
مايجي اخر اليوم الا خلاص مافي اعصاب

انا مثلها
طول يومي اجامل
لحد ماخلااااااص طقيت

الواحد يبي يعيش يومه وخلاص مايبي يحاتي احد

حبيبتي سالفه المفتاح مالك امل تنحل
ولاتفكرين تقولين جيبوه انسيها

وسالفه القعده وفيه رجال في البيت قوليها بادب
اسفه مع اقعد يم شباب اتضايق

وحطيلك وقت معين تنزلين فيه يمهم مال شاي وقهوه وسالفه وخلاص
وعوديهم انو لك خصوصيه
يعني وين رايحه وين جايه مالكم خص
شنو جايبه معك من السوق مالكم خص
بس طبعا بادب
ضيعي السالفه ..او قوليها بنحزه لهم في سالفه
اهم شي يفهمون انو لك خطوط تحترم
واذا جا وقت مناسبه

وانتي شكلك ذوق اصلا وبنت ناس وتفهمين شلون تكسبين الناس

بس اذا انتي مثلي
انا مقدرت انتازل عن شخصيتي واصير اتصرف مثلهم علشان ارضيهم خصوصا انا وحده ماحب احد يتدخل فيني

اول شي يوم فهموا اني لي جوي الخاص زعلوا
بعدين تاقلموا علي
عرفوا الوقت اللي اقعد معهم فيه
وعرفوا اني مااحب احد يتدخل فيني
وشالوا ايدهم
وانا ارتحت

هلا اختي
المعروف عندنا في الخيلج الحرمه اول ما اتعرس اتعيش في بيت ريلها وعقب كم من سنة تنتقل بيت بروحها
انتي لانج مش عاجبتنج فكرة انج اتعيشين في بيت ريلج تتحسسين وايد بس لو انتي اقنعتي نفسج انه عادي وما فيها شي بتتعودين وبتستانسين
واتحسين انه هذا مثل بيتج وانج وحده منهم بعد ..
والسموحه