انشطة طلابنا

ابحثي في الغوغل عن اي رياضة من الرياضات واكتبي عنها وحطي صور عنها وبهذا الشكل يصير نشاط يعني يوم كتبي عن كرة القدم متى اكتشفت وكم عدد اللاعبين وهكذا وحطي صور مني مناك وخلاص وحطي البحث في فايل وانتهى الموضوع

تسلمين غزالة

بس للعلم بنتي في الصف الاول ! مو كان النشاط كبير عليها !!!

حبيبتي بسمة أطفالي صف الأول وايد سهل

شوفي على حسب الدروس اللي يعطونهم وسوي عليهم وسائل عشان المعلمات يستانسون ويشرحون على الوسائل

وفي نفس الوقت بنتج تستفيد اذا سوت وسيلة بيتركز الدرس عندها أكثر

سوي مثلا عن الحروف اكتبي الحروف ( بالانجليزي أو العربي ) وألصقي جنب كل حرف صورة تبدي بالحرف تقدرين تطبعين الصور من النت

وللرياضيات تسوين وسيلة عن الجمع والطرج والمجموعات...

والعلوم فيه أفكار حلوة تسوين لها على حسب الدرس

وحتى لدرس الرسم ممكن تشارك بأي عمل يدوي

والله يوفقج ويخلي لج بنتج الحلوة ...

مشكورة ام السادة

وياريت فكرة للرياضة حق اليوم رجعتي البيت اشتغل على شي بسيط

اهااا للرياضة ..

أوكي ممكن تسوين وسيلة بسيطة مجرد رسمة بنت تجري وتكتبين تحتها فائدة بسيطة من

فوائد الجري او الرياضة

أو رسومات لأنواع الكور يعني كرة سلة كرة طائرة كرة قدم كرة تنس كرة يد .. وتكتبين تحت كل

رسمة اسم الكرة

اي شي يمشي :D ...

بسوووومة


زرعي لها نبتة في صحن مع القطن وبذور راح تكبر وبتشرح المدرسة للتلميذات عنها
او ارسمي اجزاء النبات
او من الواحد الى 100 في وسيلة

اني عن نفسي سويت لبنتي بور بوينت لرياضة ومجسم عن كرة السلة




المدرسة الى فيها بنتي يبغون النشاط بخط ايد الطالبة موالأم!!

عندي فكره من كنت في صف الأول مسويتنها و من الفرحه للحين ما نسيتها

ارسمي او اذا ما تعرفين اطبعي صور من النت مثل عصافير و الصقيها على ورق مقوى و قصيها يعني بعدين يصير عندش عصفور مصحح و متين لأن ملصوق على ورق مقوى وبعدين الصقي فيهم من ورى مغناطيس بحيث تستخدمهم معلمة الرياضيات في شرح الأعداد و الجمع و الطرح للطالبات


اي وممكن تسوين مثل الي قبل يخلونا نسويه لما كنا صغار ارسمي حروف او كلمات يعني حسب الي علموهم في وسيله و الصقي فيها عدس او مكرونه او اي شي ثاني بدل التلوين

هذا الي في بالي و اذا فكرت في شي ثاني بخبرش

خيو ما ادري اذا سوتينه وخلصتين لو لا ..!!
بس عموما عندي موقع مفييد تقدرين تاخذين منه معلومات وصور عن تربيه رياضه ..!!

http://go.3roos.com/pnkN34yG9eu
وهذا هو ..

اتمنى افدتج ولو بقليل ..!!

يسلمووووووووووووو

وش فيكم يا امهات على الرياضة
بغينا نستفيد من الانشطة العلمية والاساسية

سوي اليهاا ياا بسووم بحث بسيط عن نووع من أنوااع الرياضاات و اطبعيه

و معااه كم صووورة عن اللعبة الريااضية

و اكتبي اسمهاا عليه بعد و اعطيها ايااه اتووديه

و الله يسااعدج و يخلي لج الأموورة حوووره

تقدرين تاخذين لوح من خشب وحطي عليه بنات ثنتين (( دمى صغار)) وحطي بينهم كورة صغيرة
او تقدرين تسوين كرة سلة نفس الشي على لوح من خشب بعد صغير وفيه بنات صغار

ماقصروا البنات.. أختي أنا دايما لما كنت بالمدرسة والجامعة شغلتي الوسائل والأنشطة وأسوي حق عيال العايلة وأذكر لما أخوي كان في مرحلة الروضة كان أشهر واحد في الوسائل بسببي.. ولما دخلت ولدي هالمدرسة الحين تذمرتني المديرة وقالت حق السكرتيرات هذي أم عبدالله غير شكل راح تقلب المبنى لنا وأكيد راح تبدع لولدها أكثر من أخوها.. ههه مشهورة كنت...


كنت دايما أشوف الخطة الشهرية وبها أبدأ أجهز الوسائل والمجلات والمجمسات قبل وقت الدرس يكون من يعطونهم يكون جاهز... دائما نزلي صور من المنتديات حطي نبذة بسيطة جنب الصورة.. حطي غيمة وبداخللها كتابة.. شجره فيها أوراق وكل ورقة داخلها معلومة..

سمحي لي رايحة أنام بس قلت أفيدج ببعض الأفكار وإن شاء الله لي رجعة قريبة...

بسومة يعني لو تذكرين مواضيع دروس بنتش يمكن البنات يقدرون يفيدونك بشكل أفضل لأن مو الكل يعرف منهج صف الأول
بالنسبة للعربي ممكن تسوين لها وسيلة مكتوب فيها الحروف في بداية الكلمة ووسطها ونهايتها وطبعا تكون معززة بكلماتة كمثال ولو أمكن وضع صورة يكون أفضل مثل
بداية الكلمة ت تفاحة صورة تفاحة

أكتب ليش ت مال بداية الكلمة أو في الرد تطلع عادية ما أدري ليش؟؟؟

بانتظااار الصوور ياا بسوووم

و الله يعطيج العااافية

جاري البحث في النت هههه

الله يعافيش ام السادة

وهذا اللي سويته للحلوة << عاد على قدي مااعرف اسوي شي لا تحرجوني :o
اهنيه الاداوات ،، ولازم يحشر روحه البطل في الصور خخخ