بسرعة لحقوا على .. ما عارفة كيف انقذ بنت رفيجتي .............

لا ليش تقول لأبوها ؟ بالأول خليها تفهمها اللي تسويه كلش غلط

خليها تقول لبنتها أنا لما أصحى من النوم أجوفج تسوين شي غلط وترا الله يجوفج وما يرضى يكتب لج سيئات

خليها تخوفها وااايد من اللي تسويه وحتى لو تقول لها ترا كلش خطير وأنا مرة ثانية أن جفتج راج أعاقبج والبنت عمرها 6 سنوات يعني تفهم

وخلي صديقتج تراقب بنتها على طول وذا جافت الحركة مرة ثانية خليها تقعدها من النوم وتنبهها في نفس الوقت

عشان حتى وهي نايمة تحس بروحها ...

والله يهديها ويحفظها يارب ...

أولا تتأكد اذا كانت تسويها بوعيها او لا يعني لا تعاقبها على شيء البنت مب دارية اصلا عنه واذا كان الموضوع تسويه من غير وعي تعرضها على دكتور نفسي ويحل المشكلة واذا كانت عن قصد تخوفها بشكل غير مباشر بحيث لا تخليها تسوي الحركة من وراها خوفا من العقاب

انا سمعت اغلب الى يصير بالواقع يصير بالاحلام خل تسئلها يمكن لاسمح الله احد قاعد يتحرش فيها بالواقع

مشكورات خواتي على الردود بس اهية وعتها لمل جافتها تسوي جذي ووبختها ... والبنت ردت عليها انا ما اسوي شئ ... وما سويت شئ ... وجلست تبكي الفجر وردت تنام ... فديتها بعدها يآهل ما تعرف زخبرتها ان جذي غلط وشددت على هالموضوع بس البنت ما تحس لما تسوي

تربط يديها
او تشجعها تقولها لو نمتى عدل ها عطيكى هديه فى الصباح
ولالام تراقبها لو لقيتها نايمه عدل تبقى البنت هى اللى تسوى ها الحركات

ولو لقيتها رجعت تبقى تعرضيها علىدكتور او تنامى جنبها وتفضلى تعدليها لحد ماتتعود

صراحة ما عندي خبره بالموضوع بس ما ارتحت لحلول البنات وبدون زعل

أحس هذا شيء حساس مفروض تسشير أحد بفهم في هاذي الأمور

وترى لو وبختها و خوفتها يمكن تنتبه للموضوع أكثر وتحاول تسويه بالخش

بس لما تكلمها وتفهمها بالهدوء إن هذا شيء غلط ممكن توقف

ولازم تقرأ وتاخذ خلفيه علشان لو سألتها البنت تقدر تجاوبها جواب مقنع مو الله ما يرضى انزين ليش؟؟ أكيد بتسأل هذا السؤال و بعدين يمكن يصير لها بعد عن الله لأنها تحب هذا الشي و الله ما يرضى عنه يعني بتشوف ان ما فيه سبب يخليه يمنعها فبتحس ان الله ما يحبها

هذا اذا هي واعيه للي تسويه يمكن بس وهي نايمه ومو بوعيها

و احس ان تقعدها من النوم بالليل و تصارخ عليها و تخليها تصيح شي غلط يمكن يسوي في البنت شي مو زين

و الله يساعدها يا رب

على طول لازم تلراقبها يمكن البنت تحلم

اويمكن اسوي هالحركة غير ارادية اجي على هذي المنطقة!!

البنت في وضع محرج و ا لله لازم تعرضا الام على دكتوره اطفال نفسيه و تستشير اصحاب خبرات و ما ا عتقد في بنت بهالعمر يكون لها هيك حركات الا يمكن احد متحرش فيها او شا يفه امها و ابوها في وضع مو طبيعي بالنسبه لها عشان هيك حست في امور غريبه و عم تجربها
ربي يهديها انشا لله و يساعدها بس لازم الموضوع يتعالج في بدايته عشان لا يكبر و يصير حله صعب

الله يفرج همها

هذه بنت والاب المفروض مايعرف عن هالسوالف ابدااااااا
حرام يعني تحطموا شخصية البنت قدام الاب مابصير ابدااااا يمكن البنت حشرانة وبدها تروح الحمام وهي نايمة
يمكن عندها حكة او التهاب خفيف ..... اسوأ الاحتمالات تكون شايفة احد او احد متعرض لها لا سمح الله
خليها تعالج الموضوع بسرية وبهدووووء وربي يصلح الحال

أختي صفاء الذات حبيبتي برد على موضوعج مرة ثانية لأنه مدري حسيت بصراحة الموضوع محرج وصعب التعامل فيه

ونا فكرت وكسرت خاطري البنت

حبيبتي يمكن حست بحكة أو حست بتروح الحمام وهي نايمة أو يمكن لأ ...

في رايي تصبر عليها أمها كم يوم وضروري تراقبها وذا جافتها تعدلها وراح تترك الحركة لحالها

وذا ما فاد بعدين تقول لها بطريقة ذكية تعرف منها بالضبط هي تحس باللي تسويه والا وهي نايمة ؟

اذا وهي نايمة تحاول تعالج المشكلة وتعرف الأسباب ان كان من حكة او غيره

واذا وهي قاصدة ترا فيه أطفال بهالسن يحسون بالمتعة بهالشي وذا الشي اني قاريته وسامعته معنها تعتبر صغيرة بس يصير

وهني تحاول الأم بطريقة حلوة تنهي البنت عن هالفعل مع المراقبة وخلاص راح تتعود

المهم قولي لصديقتج لا تعصب على بنتها وتحاول تحل المشكلة بهدوء

الله يخليها لأهلها ياااارب وسوري على ردي الأولي اذا فهمتيه غلط

لأني يوم قريته حسيت نفسي قاسية شوي معني ما قصدت القسوة وذا الشي مو من طبعي ...

تحياتي وبالتوفيق ...

لا تظلم البنت يمكن هذا الشي صار مره او مرتين عند البنت و البنت ماتدري
ولو في شي بتلاحظة واهي قاعده في ايامها العادية وهي صاحية

اول شي خليها تسووي لها تحاليل يمكن البنت فيها الالتهاب والام ماتدري

وثاني شي تراقب بتصرفات بنتها وين تروح وووين تجي واذا في عندها خدامة خلي تراقب الخدامة

وتكلم مع بنتها اكثر وونقرب منها اكثر ولازم تكون في نشطات مشتركة بين الام وبنتها عشان تتكلم وتقول مابخاطرها

ويمكن فعلا لاشعوريا والبنت نايمة وهي بالليل الانسان نايم مايدري عن روحة نفس الانسان اللي يمشي وهو نايم ويروح ياكل هو نايم

واذا البنت في المدرسة ارو روضة تنبهة على سوالف البنات هناك يعني تحاول تفهم شنو يتكلمون عنة وشنو يسوون خلال اليوم الدراسي

ومالا داعي الابو يدري وش بسوي الابو الام هي اللي لازم تفهم بنتها وتتقرب منها لان هذا شي حساااس

اكتشفت من فترة طويييييييلة أني لما أنام تلقائياً أحط يد تحت راسي واليد الثانية بين اقدامي عند الركبة تماما ... وحتى لما أنام بوضعية مختلفة تماما من آثار يدي في الصباح اكتشف أني كنت نايمة بنفس الوضعية .... ومن ملاحظتي لولدي .... زوجي وأخواتي كلنا تقريباً لنا وضعيات معينة نتخذها في النوم بشكل شبه مستمر

يمكن الصغيرة وضعيتها كانت خطأ أو غير محببة بس هذا مو شرط أو دليل على أي شيء ... ممكن يدل على شيء تعرضت له وممكن يكون عندها حساسية أو أنها تكون محتاجة للحمام ومتكيسلة لا شعورياً تقوم ... وممكن ما يكون أي شيء ... مجرد حركة لا إرادية أثناء النوم


الأم ما لازم تهمل الموضوع لكن أكبر خطأ أنها تنبه الصغيرة أو تعاقبها أو تلفت نظرها لشيء غالباً هي ما تدركه ... صح الطفلة مو صغيرة صغيرة وتستوعب ... لكن هم هي لازلت في مرحلة استكشاف وفضول والأم بتصرفها بتثير فضولها اكثر وأكثر وبتخليها لا ارادياً تركز على الحركة والمنطقة

برأيي أفضل حل أن تتجاهل الأم ظاهرياً الموضوع تماما وما تتحدث أمام الطفلة عنه وتراقب عن بعد تصرفات الصغيرة في النهار أثناء وعيها وإذا لاحظت عليها شيء مريب أثناء صحوها هني تتصرف تصرف ثاني

وعن طريقة نوم الصغيرة في طرق كثيييييييرة نمنع الطفلة عنها من غير ما نخيفها أو نثير فضول " سيء لديها تجاها " ممكن تحذرها منها عشان ما تحتنق ... وممكن تآخذ المخدة اللي تسهل نومها على جنب

وبالمناسبة في أطفال كثيرة يرتاحون لهاي الوضعية في النوم وإن كانت غير محبذة ....

أنا براي تصرف الأم غلط لما وبختها وزقرت عليها.. المفروض تبدا معها الموضوع بحوار هادئ وتفهمها الصح من الغلط.. يمكن البنت مثل ماقالوا متعرضة لتحرش جنسي من الشغالة مثلا والله ذيلين الواحد يخاف منهم...

خل تكلمها بهدوء وتبين لها الخطا وإذا شافت البنت مستمرة بهالشي تاخذها لدكتور نفسي أفضل يكون يتدارك الموضوع قبل لايتفاقم...

حبيبتي أنا مره كنت اتابع التلفزيون بس تبن الصدق ما أذكر منوا من الدكاترة النفسين

بس مضمون الكلام
إن الطفل بس مو كل الأطفال يحاول يكتشف جسمة ولم يوصل للمنطقة الحساسة يحس بلذه لم يمسكها فيكون على باله هذا الطفل إن الوضع عادي ومافيها أي عيب
بس المفروض الأم تنبه بنتها إنه موب زين ماما وعيب جي ماتسوين جي مره ثانية وبأسلوب ودي ومحبب للبنت علشان ماتعاند وتستغل فترة غياب الأم

انا اتوقع ان البنت تكون تبغى تروح الحمام بس غرقانه بالنوم ومو قادره تصحى

وبنفس الوقت مو مرتاحة وتحط يدها على نفس المكان عشان تقاوم البول " الله يكرمكم "


يعني المفروض الام ماتشك على طول ويجي في بالها شي مو زين

وعشان تتاكد اذا شافتها مرة ثانية بنفس الوضع تصحيها وتقولها حبيبتي قومي الحمام


وان شاء الله ما تشوف الا كل خير ...