فخفينا سهلة و مريحة و سريعة و لذيذة

سلام عليكم عرايس
كيفك حالكم
كل الي انضموا لي مرحبااااا ملايين :D

اليوم بعرض لكم فخفخينا سهلة و مريحة و سريعة و ان شاء الله تعجبكم انا عن نفسي داااائما اجربها لانها مريحة و سريعة و لذذذيذه و ان شاء الله تعجبكم

المكوناااااااات:
1. جوز هند مبشور (ناعم) 2. عصير مانجو 3. مكيرات مطحونة (اي نوع من المكسرات تفضلين) 4. الانواع الي تفضلينها من الفواكه او المتوفره ع راحتكم. 5. اي نوع من انواع الايسكريم المثلجة تحبين . 6. كاس عصير للتقديم بفضل ان يكون فيه طووووول عسان الاشياء تكون ع بعض.


1. نقوم بتقطيع الفواكة قطع ع راحتكم صغيرة جدا او متوسطة و نضع عليها عصير المانجو فقط يغطي الفاكهة بدون زيادة يعني مو وايد.
2. نضع الفواكه المقطعة و العصير في كأس التقديم و بعدين نضع عليه المكسرات الناعمة و جوز الهند .
3. نضع طبقات ايسكريم.
4. نرد نكرر العملية نحط فواكه مع عصير المانجو و نرد نحط مكسرات و جوز الهند و بعدين ايسكريم النوع الثاني اذا كنتي تحبين تغيرين في الالوان او تقدرين تخلين نوع واحد من الايسكريم السابق ع راحتج.
5. و اخر شي تخلين طبقة من الايسكريم و تحطين عليها المكسرات و جوز الهند و خلااااص.

6. طرق اخرى للتزيين تقدرين تتفتفين (تنثرين فتات) بسكوت اوريو من فوق او تحطين عصا كاكو فلات من فوق او تخطين قطع فواكه و انتي تحاولين تحطين الفواكه حاولي ان يكون ع الجوانب مثلا كيويه مدوره سرائح طالعه ع جنب بيطلع حلوووو الشكل .

ملاحظة: تقدرون تستغنون عن جوز الهند اذا ما تحبونه ... و طبختي سهلة لان كل شي متوفر و مررريحة.... ان شاء الله تعجبكم و سامحوني و انا اقرى الحين شفت اخطاء املائية بس مستعجلة ما اقدر اغيرها و الوقت الحين 5 وربع و انا ما نمت :ss: وبعد بقول لكم ان هالطبخة انا مسوتنها و عندي الصور بالخطوات عشانكم بس المشكلة الحين يوم جيت بكتب الموضوع ما عرفت اشلون ارفقهم ان شاء الله مره 2 بعرضهم اليكم اذا حصلت ردود وما فشلتوني...
اشكركم جميعا :tongue:

تحيااااتي :فطووووم