ضرب الرجل للمرأة ( موضوع للنقاش )

حرمان بخصوص موضووعج انا ضد الضرب لاي سببب كان سواء كان ضرب خشن او ضرب ناعم او حتى كف الضرب بحد ذاته اهانه ويترك بصمه تعور القلب اكيد في يوم من الايام المره بتتتذكر ان زوجها مد يده عليها لا تقولون اعتذر او ما اعتذر الضرب مب هييين وماحب ان موضووع الضرب يدخل في حياه الزوجين والمره حتى لو ردت الشي وضربت الريال مابيكون بقسوه وخشونه الرجل


صديقتي من فتره قالت لي عن صديقتهااااا كل يوم تتتكفخ من ريلها ووجها صار حلبه ملاكمه له لاي سببب شدخ فيها وكسرها ووويهاا صار علبه الوان احمر واخضر وازرق

سكتتتت واستحملت مده طويله في الاخيرر انهارت ورااحت بيت ابوها ومشاءالله عندها اخوان كل واحد يوقف على زنده التيس قاموا وشدخوه وضربوه ضرب قالوا له عشان تحرم تمد يدك على اختنااا
ومن يومها ماصار يمد يده

انا بعدي مو متزوجه


بس اذا حصل معاي هالموقف (لاسمح الله)

طبعاً طبعاً راح اطلع من البيت اروح عند اهلي
واقعد فتره (مو قليله) عندهم ... لما يتندم و يعتذرلي
و يوعدني جدام اهلي ان ما يكررها بعد ..
واحس صج انه ندماان .. مو بس كلاام ..

لاني انسانه الزم ما علي كرامتي و عزة نفسي ...

و اللي ترضى بهالشي ( مع احترامي ) ما عندها كرامه ..



ضروووووووووووري ضرووووري الزوجه تاخذ موقف وتزعل اذا ضربها زوجها

لان اذا بيّنت له ان هالشي عادي وانها مسامحته على طول
راح يكررها .. واذا كررها راح يتعود على هالشي .. واحتمال حتى
يشوهها من الضرب و الا يسبب لها الاام كبيره ...



اعرف وحده (الحمد لله تطلقت) كان زوجها متعود يضربها
واهي متعوده على هالشي وصابره عشان عيالها (ما تدري ان نفسيتهم تدمرت من هالشي)
.. لما مره حذف عليها صندوق خشبي ..وضرب رقبتها ونزفت وااايد ..
لان الضربة جات على الشريان اللي بالبرقبه و بغت تموت لو ما الله ستر ..

هني وقتها الاخت وعت على نفسها وطلبت الطلاق !!



فاللي ترضى بالضرب وتعذر زوجها ترى راح يكررها ويتعود
ويعرف ان زوجته ما عندها كرامه والا احساس ولا عزوة ..



الضرب مسئله جديه لازم الزوجه ما تتهاون معاها ابد


و اللي يضرب زوجته مو ريال و عنده نقص لانه يستعرض قوته على كائن اضعف منه
وما في سبب يبرر له هالشي ..




و الله يهدي الجميع

اثار
اسعدني ردج
ويستاهل ريل صديقتج الظرب


نور مجان
الله يرزقج بالزوج اللي يصونج ويحبج ولا بيوم يفكر يمد يده عليج

حلو رايج الواقعي .. سواء كنت معاه او ضده



بيانسيه
ردج قوي ههههه بس حلو
وبخصوص الموقف اللي ذكرتيه لا اله الا الله هذا وحش مو ادمي

تسلمون على الردود :)(f)(f)

يارب تبعد عنا هالشي وعن كل زوج وزوجة انا اقول الكلمة القوية تجرح وتذكرينها طول حياتج فشلون لو كان ضرب سواء على موضوع يستاهل او لا ماتفرق واعتقد ان الزوج لازم احد يوقفه عند حدة من اول مرة علشان مايكررها ولازم يعتذر قدام ابوي او خواني او خوالي المهم تكون بين رجال لان راح يتفشل من فعلته ومايكررها

أقولكم الحق فى نساااااااء لا تيجى الا بالضرب عجيبه جدآ
عن نفسى أنا أحترم نفسى حتى زوجى يحترمنى يعنى لا أضع أسباب للضرب ولا حتى للأهانه الفظيه
وعمومآ لو زوجى ضربنى لأ أسامحه أبدآآآآآآآآآآآآآ
أبى ربانى دون ضرب وأكيد أخطأت وتشقيت واواواوا يأتى بن الحلال حتى يضربنى
لأ ثم لأ ثم لأ بالتلاته ههههههههههههههه
أكيد ضربه هيكسر كرامتى فكيف أعيش بدون كرامه ؟؟؟؟؟؟؟؟؟؟؟؟؟؟

انا مع كلام الاخت بيانسيه...

الرسول (ص) قال: استوصوا بانساء خيرا،،،،

الرجال اللي يمد يده على مرته ما عنده ريحة الرجولة،،:mad::mad::mad:

عادة الرجال لما يضرب الحرب فهو بقصد اذلالها و توصيل رسالة له بانها اقل منه،،فهذا لازم ما ينسكت عليه،،،اضعف الايمان تروح بيت اهلها و تطول هناك عشان يعرف غلطته و بعدين الرجال هذا اللي يضرب مرته ايش بيسوي لو زوج أخته ضرب اخته اكيد بيقوم القيامة لانه هذه اهانة و عدم وضع اعتبار للمرة واهلها.

اصلا الشتيمة محد يقبلها فما بالك الضرب.

مستحيل أرضى وأسكت عليه
بروح بيت أهلي وبجلس عندهم لين يجي يبوس رجولي
وما أرضى إلا أرد له الكف عشر لو صادق إنه ندمان يخليني أضربه بأخر قوتي مثل ماسوا فيني

مشكوره اختي عالموضوع
موضوعك جميل وبيستاهل النقاش
انا عن نفسي ضد الضرب ايش ماكان قوي او خفيف وبصراحه ما بتخيل موقفي لو لاسمح الله انحطيت بهالموقف بس اكيد ما رح اتحمل
وانا وللاسف حساسه زياده عن اللزوم وما بنسي حتى لو كلمه تافه فما بالك بضرب لاقدر الله وبشيل بقلبي وانا بعرف انه غلط بس هاي انا
وفي اساليب كتير ممكن يتبعها الزوج مع مرته ازا اخطات غير الضرب طبعا هدا الحكي ازا كانت الزوجه عاقله وبتفهم وفي اشياء تانيه بتاثر فيها بس خلينا واقعين اكثر صدقا في نساء ما بتيجي الاازا انضربت ومع الضرب برضه ما بيمشي حالها اكيد هاي امراه غير مباليه الابتسمح للامور توصل لهد الحد
ام بالنسبه لاقدر الله لةو صار معي هالموقف بتخيل انه صعب اقدر ارجع اعيش معهمره تانيه متل الاول ممكن اسامحه بس صعب نرجع متل الاول هدا راي انا وكل انسان اله وجهه نظر بتختلف حسب البيئه حسب طبيعه الزوج حسب العلاقه الي بينهم حسب المشكله
بس نصيحه لكل زوجه انت بايدك تمتص غضب زوجك وما توصل لهالموقف

حسبي الله ونعم الوكيل فيهم

انازوجي كان يضربني وفي كل مره اشتكيه لامه وهي بدورها تصبرني وترجعني لبيتي وتقولي لاتقولي لاهلك وتخربي بيتك انا اخدلك حقك منه وماكنت اقول لاهلي الين ما صار يتمادى في الضرب لدرجة انه يربطني واحيانا يخنقني
وفي يوم ما قدرت اتحمل اتصلت على ابوي واخوي طبعا اهلي في مدينه ثانيه غير اللي انا فيها المهم كان يقولي ماعندك رجال ولو بن امه اي واحد فيهم يوريني وجهه والله لاجيبلهم الشرطه لو يعتبوا عند بابي لكن اهلي جوا وبلغوا عنه واستلموني عن طريق الشرطه وكتبوا عليه تعهد
وربي وندم من قلبه وحس انه كرامته اتهانت وحفي عشان يرجعني ومن بعدها ماعاد يمد يده عليه ويحترمني

موضوع شائك و ا لله بصراحه بس ا للي اعرفه انه ا للي يمد ا يده على زوجته ما يكون رجل لانه هالعمله بتكون ضعف شخصيه و موقف ضعيف للزوج ا لله لا يذوقها لاحد انشا لله

بصراحة انا لو حصل لي هذا الموقف لسمح الله بطلق ابغض الحلال عند الله
لاني انا في بيت اهلي عمري ما انضربت وما استحمل حتى انو واحد فينا يعلي صوته على الثاني
الحياة الزوجية تفاهم و احترام متبادل و كل واحد فينا عارف حدوده وعارف متى التاني يوصل للحد لما يكون معصب وكيف ننهي الحوار في اللحظات الحرجة ونتحاور مرة تانية في لحظة روقان بس متى ما رفع ايده على معناها مافي احترام و هو اساس التفاهم والحياة ونحنا عاقلين و متعلمين وواعين و لما ابيح الضرب ابيح في حالات اذا انا وصلت لوحدة من هذة الحالات لسمح الله ساعتها ما عندي اعتراض على ما شرع الله لكن غير كذا ما له حق

انا ماني متزوجه لكن اقول الي يضرب زوجته بسبب او بدون سبب ماهو رجال لان الرجال اذا انضرب راح يزعل كيف لوضرب زوجته والرسول صلى الله عليه وسلم اوصى بالقوارير ومشكوره على الموضوع وطرحك للموضوع في محله ويستحق النقاش (f)(f)(f)(f)(f)

بنت المناعي
ام علي
دهبيه << حلوه بالتلاته ههههههه
[i miss u dad]
نور ال ع رب << ههه ياقويه
om_salma<< رد حكيم
اكليل الورد
بدون نك وكلي لك
عبير خليل << عورني قلبي عليج :'( الله يهدي ريلج لج
شيخه
سارونه
امورة مكه

اسعدني مرورك وردكم استمتعت برد كل وحده فيكم
الله يبعد عني وعنكم المشاكل ويسخر لنا ازواج الحلال

انا ضد الضرب ف كل الحالات اذا لاسمح الله صار الضرب ف من الافضل ان الزوجة تبلغ احد من اهلها ومب اي احد حد يكون فااااهم بس علشان الزوج يحط ف باااله ان وراااها ريايييل ومب هو اللي بينزل كرااامتها الارض بمدة يده

بس اذا تكرر الموضوع فمن الافضل انها ماتستمر معاه لان اخرتها بيسبب لها عااااهه لانها هي اللي سكتت من البداية


موضوووعج حلووو ويعطيييج العااافية

فعلا الرجل اللي يمد يده مورجال لان المراه ضعيفه لاحول ولاقوه الا بالله