اللهم صلي على محمد وآل محمد
ماشاء الله .. لاحول ولا قوة الا با الله
.
.
.
من فتره و انا افكر اسوي ليلة شعبيه
الى ان دخلت الفكره في راسي عدل مدل .. فبدأت اجهز اغراض لها الليله
كل مره اطلع اشتري شي حتى ما اضغط نفسي في المصروف
وحتى لايشك زوجي ان راح ارتب له شي
الى ان جهزت كل شي احتاجه
في الليله الموعوده رحت الصالون سويت شعري وبعد ماوصلت البيت
قال وش بتسوين للعشى قلت له كل شي بس ترجع من طلعتك
العشى جاهز
وكنت قبلها بيوم مجهزه الاغراض كلها في غرفه بس علي ارتبها
والحمدلله رتبت كل شي بسرعه و تزينت زينه خفيفه مكياج بني و ذهبي
وكحل وسويت مفرق في شعري و حطيت لي زعفران مثل العجايز
ولبس الهامه مدري وش يسمونها الي تصير على الراس وجزء منها نازل على الجبين
وروج احمرررر ولبست ثوب النشل
وبما ان الجلسه شعبيه معناها الاكسسوارات ذهب لأن زمان اول مافي اكسسورات عاديه
وحطيت على الأنف خزامه على شكل ورده لونها ذهبي وسويت وشم في ذقني كذا :ا:
اتصلت على زوجي قلت له ياليت توصلني الاستديو الحين
قال خير وشو له العجله قلت له الاستديو بيسكر ولازم استلم الصور
قال اوكي وقبل لا اطلع طفيت الانوار و شغلت الاناره الصفراء
و التكييف وشغلت الفوانيس
رحت استلمت صوري و صورت با اللوك الي قلت لكم عليه
واتصلت عليه و انا با الاستديو قلت له ابو فلان روح استلم
الطلبيه من المطعم ليش ماطبختي؟؟ لا و الله ماطبخت
ورجعنا البيت و انا جلست عند اهله تحت حتى هو يسبقني
للشقه ويتفاجأ.. رجعت شقتي الا هو مغير ملابسه و متكشخ لي
ومستناااانس على الآخر
اليكم الصور
فرشت الطاولات بكيس الرز ( الخيش) و زينتها با اشاياء قديمه
ونثرت عليه المشموم
السفره حطيت عليه الفانوس و الصحون الي من السعف خخخ ما اعرف اسمهم حطيت داخل الصحون ورقه وغلفتهم با تغليف الطعام حتى اذا حطيت الاكل فيه لا يتلف الاشياء و حتى يكون مرتفع شوي و الكاسات زينت نصها ( با الخيش) يعني قديمه خخخ
الطاوله الثانيه الكبيره
حطيت فيها الهديه وهي عباره عن بدلات للعمل والكيكه و الفانوس
والحلويات سمسم وجوز الهند و الحلى الثالث ما اعرف اسمه
بس شبيه با الحلقووم و الكيكه حطيت فيها صور لزوجي
بعد ماثبتتهم با السبرنقات وراح انزل طريقتها في قسم المطبخ
بعد ما طفيت الانوار
وبما ان الشكل عجبني خليته منظر او ديكوريشن للصاله
وكل ها الترتيبات كانت لذكرى ميلاد زوجي
و توته خلصت الحتوته :D
