سو اللي براسك

السلام عليكم ورحمة الله وبركاتة

سو إلي براسك ولاتذكر اسباب -------- لاصرت بايعني توكل على الله

مابيني وبينك مشاريه وعتاب ---------- شف دربك الي جيت منه تدله

ماراح تغلبني لو الحب غلاب ----------- من حضرتك عشان قلبي تذله

في ذمتي لجعلك عبره للاحباب ------- لين الخلي يتوب عن جرح خله

زلاتك الي مانفع فيها احساب ---------- لاجيت اعددهن ثمانين زلــــه

احرجتني بين القرايب والاحباب -------- كن الجفا سيف بوجهي تسله

ماكنت اصدق فيك من كثر الاعجاب --- يومك تساوي عندي الكون كله

كنت القريب وكلهم كانوا اغراب --------- حتى القمر لاغاب شفتك محله

خلاص لاترجع ترا خاطري طاب ---------- ابي طرا اللي كنت عايش بظله

رح واعتبرني واحد اذنب وتاب ------------- ماني بثوب تلبسه ثم تمــــــله

مايجتمع بالحب صادق وكذاب -------- رزقي على الله وانت رزقك على الله