يوميات طلابنا الحلوين

أبدأ بنفسي أول شي

ولدي حسن عمره 3 سنوات أول سنه روضه


الحمد لله مدرسته احسها حلوة و طيبه كل يوم لما أروح آخده تعلمني عن يومه و شنو كان سلوكه و شنو تعلم


بس مشكلتي انه من دخل الروضه حسيته متغير واجد مو سالفة انه أخد أطباع من غيره لا لكن أحسه صاير دلوع الظاهر شاف الكل فرحان عليه و ستانسين بدخلته الروضه صدق عمره هههههه و صاير ما يسمع الكلام و يعاند بشكل مو طبيعي من قبل كان احسن بواجد و الله يستر يمكن بس الحين من الزهقه :tongue:


هو الحمد لله فرحان و مستانس بالروحه للروضه حتى لما قلت له بكره ما في روضه عصب يفكر اني ما بوديه بس قعدة الصبح شوي ممله


نظامه في النوم متعب صراحه ومتحيره شسوي اذا نام العصر ما بينام في الليل من وقت و تالي ما بيشبع نوم للصبح و احسه ما يقدر يقاوم ما ينام العصر يتعب ، ياريت ينام الظهر ان شاء الله استفيد من تجاربكم


و احسه من دخل الروضه اكله متغير ما يتغدى ولا يتعشى زين وهو صاير له فترة متحسن اكله بس من دخل الروضه خف اكله يمكن لأنه ياكل الصبح كذا شي؟؟ ما ادري هو قبل كان يتريق كورن فليكس او خبز و اي نوع جبن اوقيمر و بعدين اعطيه خياره او جزره بين الريوق و الغدى ، ما ادري يمكن الحين انوع له في الريوق اكثر من جدي ما يشتهي يتغدى ؟؟!!


بالنسبه لي لما داوم حسيت حياتي تغيرت شوي خصوصاً اني ما اشتغل ولا شي بس الحين اقعد من وقت خصوصاً انه ما يروح بالباص و اكيد قعدة الصبح احلى من الضحى ههههههه

بديت اتعود ع السياقه لأن ليسني يمكن انتهى واني ما اسوق ابو الشباب ما يعطيني فرصه و يخوفني و واجد شغلات بس الحين قمت كل يوم اوصله الروضه طبعاً و ابوه و يايي لين اتعود :o
مع اني حسيت اني تعودت بس هو وسواسي وما يثق فيني من جهة السياقة

المهم قلت بدور وظيفه او دوره بس للحين ما سويت شي احس للحين نظامي متخربط كله فيني النومه و تعبانه

و احلى شي اني قمت الصبح آخذ حريتي مع ابو الشباب :wink: صرنا كنا تونا متزوجين فترة الي هو في الروضه هيامه ههههه من مكان لمكان اليوم رحت مجمع ستره اشوف التخفيضات و استانست على روحي لأول مره اتسوق بهدوء بدون ما اركض ورا حسوني او ابوه يتملل منه و يحن ههههههه

كنت مخططه اني بهتم بالشقه اكثر لأن عندي عقده قبل الدورة باسبوع تبتدي نفسيتي تصير زفت وما احب اشتغل شي لحد ما اخلص فيعني اظل اسبوعين اهمل في الشغل و الأسبوعين الثانيين كرف و على قولة اخوي هلك دبح ههههههه وكل مره احاول اتغلب ع المشكله و اقش الشقه كلها و اكر ظهري وارد ارجع لنقطة الصفر :(

ما ظل جدول و لا ابتكارات تنظيم وتريب الا سويتها ما انكر ان الوضع تحسن بس للحين يبي لي شغل على روحي شوي بس احس للحين نظامي مخربط ما تعودت



و أخيراً قصيت لكم قصة حياتي و عورت راسكم و لو ينقطع النت الحين بنتحر لأني تكسرت في الكتابه

و انتظر قصص حياتكم ههههه

مسز عادل;10568769:
أبدأ بنفسي أول شي

ولدي حسن عمره 3 سنوات أول سنه روضه


الحمد لله مدرسته احسها حلوة و طيبه كل يوم لما أروح آخده تعلمني عن يومه و شنو كان سلوكه و شنو تعلم


بس مشكلتي انه من دخل الروضه حسيته متغير واجد مو سالفة انه أخد أطباع من غيره لا لكن أحسه صاير دلوع الظاهر شاف الكل فرحان عليه و ستانسين بدخلته الروضه صدق عمره هههههه و صاير ما يسمع الكلام و يعاند بشكل مو طبيعي من قبل كان احسن بواجد و الله يستر يمكن بس الحين من الزهقه :tongue:


هو الحمد لله فرحان و مستانس بالروحه للروضه حتى لما قلت له بكره ما في روضه عصب يفكر اني ما بوديه بس قعدة الصبح شوي ممله


نظامه في النوم متعب صراحه ومتحيره شسوي اذا نام العصر ما بينام في الليل من وقت و تالي ما بيشبع نوم للصبح و احسه ما يقدر يقاوم ما ينام العصر يتعب ، ياريت ينام الظهر ان شاء الله استفيد من تجاربكم


و احسه من دخل الروضه اكله متغير ما يتغدى ولا يتعشى زين وهو صاير له فترة متحسن اكله بس من دخل الروضه خف اكله يمكن لأنه ياكل الصبح كذا شي؟؟ ما ادري هو قبل كان يتريق كورن فليكس او خبز و اي نوع جبن اوقيمر و بعدين اعطيه خياره او جزره بين الريوق و الغدى ، ما ادري يمكن الحين انوع له في الريوق اكثر من جدي ما يشتهي يتغدى ؟؟!!


بالنسبه لي لما داوم حسيت حياتي تغيرت شوي خصوصاً اني ما اشتغل ولا شي بس الحين اقعد من وقت خصوصاً انه ما يروح بالباص و اكيد قعدة الصبح احلى من الضحى ههههههه

بديت اتعود ع السياقه لأن ليسني يمكن انتهى واني ما اسوق ابو الشباب ما يعطيني فرصه و يخوفني و واجد شغلات بس الحين قمت كل يوم اوصله الروضه طبعاً و ابوه و يايي لين اتعود :o
مع اني حسيت اني تعودت بس هو وسواسي وما يثق فيني من جهة السياقة

المهم قلت بدور وظيفه او دوره بس للحين ما سويت شي احس للحين نظامي متخربط كله فيني النومه و تعبانه

و احلى شي اني قمت الصبح آخذ حريتي مع ابو الشباب :wink: صرنا كنا تونا متزوجين فترة الي هو في الروضه هيامه ههههه من مكان لمكان اليوم رحت مجمع ستره اشوف التخفيضات و استانست على روحي لأول مره اتسوق بهدوء بدون ما اركض ورا حسوني او ابوه يتملل منه و يحن ههههههه

كنت مخططه اني بهتم بالشقه اكثر لأن عندي عقده قبل الدورة باسبوع تبتدي نفسيتي تصير زفت وما احب اشتغل شي لحد ما اخلص فيعني اظل اسبوعين اهمل في الشغل و الأسبوعين الثانيين كرف و على قولة اخوي هلك دبح ههههههه وكل مره احاول اتغلب ع المشكله و اقش الشقه كلها و اكر ظهري وارد ارجع لنقطة الصفر :(

ما ظل جدول و لا ابتكارات تنظيم وتريب الا سويتها ما انكر ان الوضع تحسن بس للحين يبي لي شغل على روحي شوي بس احس للحين نظامي مخربط ما تعودت



و أخيراً قصيت لكم قصة حياتي و عورت راسكم و لو ينقطع النت الحين بنتحر لأني تكسرت في الكتابه

و انتظر قصص حياتكم ههههه

اهلين مسز عادل والله ضحكتيني وفطستيني من الضحك هههههههههههه



الصراحة انا مو من المؤيدين ان الطفل يدخل الروضة في هذا السن واللى على قولتهم يبغونهم يندمجون مع اقرانهم
لالالا 3 سنوات الطفل احس صغير هو اخرشي بيندمج مع المجتمع شوي شوي ماادري ليش بنات المنتدى مستعجلين على اولادهم الصراحة مستغربة !!!!!

الطفل لازم ياخد راحتة في كلشي حتى النوم سالفة الكعدة من الصبح اتعبهم واجد!!!


وبنتي وديتها في هذا السن وهي مثل ولدش في البداية كانت مستانسة ومشققة من الفرحة!!

وبعدين ابتدأ المسلسل رجعتها من الروضة تتعب وتنام العصر وباليل اه اه ما تنام الى الساعة12
ويوم ثاني اكعدها من الصبح وماترضى تقوم الى بطلعة الروح وصارت عصبية في الروضة من قلة النوم
وكرهت الروضة من هذه السالفة هذه تجربتي مع بنتي والحين قررت اني ما اودي اخوها الى لين اكمل 4 سنوات
وهذا رايي وكل طفل ومدى تقبله الى الشيء

اترك الباقي الى الامهات لي يطرحو آرآهم

ودمتم في امان الباري!

محمدية الهوى

مشكورة ع المرور

و أكيد الموضوع وجهة نظر بس الولد الأول يكون حقل التجارب ههههه

الكل قال هذا الكلام بس في المنتدى ما شاء الله كلهم أولادهم في الروضه و ما ندري شنو وجهة نظرهم ؟؟

المهم

عطرتي الموضوع بمرورك

مووضووع رااائع ياا أم حسووون

لي عووودة ان شااء الله

مسز عادل ام حسوون ..!!

موضووعك تووحفه ..
بس ولدي علاوي لساتو صغير ..
بس متابعه معاكم ..!!
علشان استفييد لما يروح ولدنا الرووضه ..!!

هلا أختي أم حسن موضوعج حلو.. وعليج بالعافية على الروتين الجديد الواحد صج يبي له برنامج بروحه بدون عياله يغير جو...


عبودي هذي ثالث سنة روضة له.. من قبل كان سنتين بروضة عادية والحين في KG2 بالمدرسة... بالنسبة له من زمان يتمنى هالمدرسة لأن عيال خالي هناك وأخوي بعد في الصف العاشر وكان يتمنى يكون معاهم وآنه ماكنت مشتجعة من قبل أوديه عشان هناك مايركزون وايد على العربي.. بس الحين أحسه أوكي..

أول يوم كان وايد مستانس طبعا بعد طول هالشهور كلها في البيت.. ودخل بدون صياح عكس ماتوقعت لكن من وصلت عند الباب الا آسمعه يقول حق مدرسته آبي أمي... ههه مشيت عنه وعقب مرت خالي مرت صوب صفهم تقول عادي مافيه شي.. ولما خذيته كان مستانس ويلعب..

ثاني يوم الحمدلله بعد دخل بدون معاناة..

ههه وبس داوم يومين وصاده صخونة وبلاعيمه وكاهو 3 أيام في البيت...


الأخ الظاهر مايبي يروح لأن على قولته بتفوته برامج قناة براعم .. شلون أخته قاعدة في البيت بتجوف براعم وهو مايجوفها... على كيفه..


بالنسبة لي كتجربة سابقة خلال السنتين اللي فاتوا دوام الروضة وايد أحسن لي لأن الولد ينام من وقت فالواحد يقدر ياخذ روحته يسوي له شغلة .. يقعد مع بوالعيال براحة بدون مشاغبات..

ينام من وقت فأحسن له حتى في تنظيم وجبات الأكل ....


وراجعة لكم بالمزيد بعد مايداوم إن شاء الله يوم الأحد...

عجبني الموضوع :D

قريت بس راس الموضوع ههههههههههه للحين ما قريت الردود

ان شاء الله لي عودة اذا ما صار مجال في الويكند اكيد الاحد بشارككم الموضوع ..



تسلمين مسز عادل :wink:

موضوع حلوووو

حمود للحين ما راح الروضة وبالنسبة لي ما أشوف سنه مناسب

أحس أنسب سن اربع سنوات " وإن كنت أتوقع أدخل حمادة قبل بس بسبب ظروف عملي مو لقناعة "

بالنسبة لي في عمر ال 3 سنوات الطفل صغير على الاندماج بأطياف مختلفة من المجتمع مرة وحدة ... أحس أنه بيتشتت خصوصا أن شخصيته الخاصة والمستقلة للحين ما تشكلت تماماً

هذا من جهة ومن جهة ثانية أخاف يمل من الدراسة والنظام والروتين بعدها في عمر مبكر لأنه يكون تشبع خلاص

لكن في المقابل ألحين الأغلبية يودون أطفالهم من عمر 3 سنوات فإذا دخلنا الطفل بعدها يكون متأخر عن أقرانه !!!! يعني حيرة بصراحة

.........

بعيداً عن الموضوع آخر جزء كأنش توصفيني جيتي ع الجرح !!! أكره هذا الأسبوع وبقوة ياريتها جت بس على التعب والإرهاق والكسل إلا على الأخلاق الزفتة والمزاج المعكر وتضخيم الأمور والدمعة اللي على الباب وأكثر شيء أكرهه اللسان المنفلت يصير ما عندي كنترول بالمرة كل شيء في خاطري أقوله وحتى خصوصياتي تصير على الملأ لأنها تطلع أوقات القهر والضيق

وبعدين تعالي عضي أصابع الندم بس بعد فوات الآوان

أكره شيء في دخولهم الروضة قعدت الصبح لي ولها بالنسبة لي صارت عليي مسؤلية لازم أقعد من الصبح وأجهزها مع أن من قبل أقعد من الصبح قليل اذا تأخرت في النوم بس ما أحاتي أو أقعد من النوم مزهوقة لأن ماوراي شي مهم غير شغل البيت والطلعة الحين لا صرت لازم أحط في بالي أن أقعد من وقت وراي تجهيز بنتي إلا بالغصب تقوم ومن تقوم من سريرها يبدأ نشاطها وتستانس أنها بتروح الروضة بس متعبتني في سالفة تنويمها في الليل وقعدتها الصبح مع أن أقول ليها ماما قومي بنروح الروضة بس ولا كأنها تسمع ومن تجي من الروضة تقعد تهدر وبعض الاحيان تكون مزاجية لانها ماشبعت من الروضة الظاهر تبغي تبات في الروضة
بالنسبة الى أكلها أحس اتعدل من قبل ماتأكل الحين تاكل
التغير اللي طرأ عليها أنها صارت دليعة شوي ((بس أحس عادي دلع بهدوء))

موضووووووووووووعج مسز عادل مرررررررررة حلو ..

حمودي عمره 3 ونص .. باذن الله بيتيسر دوامه يوم الأحد المقبل ..

الولد متحمس بشكل رهيييييييييب ووأنا خايفة هالحماس الزايد ينعكس علينا بعدين

وصار موقف حيرني .. أبوه قاعد يختبر قدراته وامكانياته اللي تعلمها في البيت

ومن ضمنها انو يعد للعشرة بشكل سليم .. فقاله عد .. الولد اتخربط قدم ال6 على 5

ورأسا ابوه قال ليه خطأ .. وما شفنا الولد الا قاتل عمره صياح .. " انا ما قلت خطأ"

شكله عنده هوس الكمال ,, مثل امه وهاي بحد ذاتها مشكلة .. ما يقبل احد يصحح له ..

عموما جهزنا محتويات الشنطة .. ويروح ويجي يطل عالملابس .. وهم سوينه له غرفة نوم يقول اهو كبير ..

والولد عايش جو ولا أحلى خخخخخخخخ كل يوم يسألني سؤالين :

* متى بروح المدرسة؟
* متى بيجيبون غرفتي ؟ ههههههههههههههههه

بالنسبة للهيامة من غير يهال .. والله صج عيشتيني جوها .. ما جا الموضوع في بالي


قعدةالصبح ما أحس روحي بتعب فيها .. لأني بطبعي ملتزمة من أيام المدرسة والجامعة مع اني احب النوم موووووووووووووت بس وقت الجد جد..خخخخ

بالنسبة لتنويم الولد .. صعبة بس يبيلها حزم من الأم والأب .. وأنا تضبط معاي عدل

صار لي اسبوع ادربه على النوم من وقت .. يتعشى 7 وياخذ شور وما تجي ال8 الا واهو بالفراش

متفقة معاه أقوله قصتين .. ونشيدتين .. وسورة الحمد .. وبعدين أسكت حتى لو ما نام .. وجو الغرفة مهيأ للنوم

يعذبني على ما يغمض عينه .. بس طالما هو بالفراش يعني صمت .. وغصبن عنه يتملل وينام خخخخخخخخخخ" مسكين ولدي"

بس احس حزبانة من شنو ؟؟؟ سالفة انو ينام الولد بالليل من وقت تضيع عليج هياماات واااايد "" ما نحاتي الا الهيامة ""

يعني الليل كتمة .. ولا أدري شالسالفة

استشرت اختي تقولي كانت لما عيالها بالروضة وحبوا يطلعون بالليل يحملونهم وينامون بالسيارة

وبعدين الأخت تعودت تقعد في البيت .. والحين في سن مدارس ما شاء الله ومعودين عالألتزام

النوم 8ونص وضابطين حتى لو عندهم ضيوف والجو عجيب يدخلون ينامون" تعجبني هالحركة " مع ان اعمارهم واحد11 والثانية 9

هاي حمود ما داوم وأنا قلت لكم قصة حياتي اشلون اذا داوم بعد ههههههههه

انتظريني الغالية بلستة بعد الدوام

ام مرام

مرحبا نورتي الموضوع و ننتظر ننتظر تفاصيل اكثر شوقتيني هههه

ام علاوي
الله يخلي البطل و يبلغش فيه وتشوفينه في الروضه و المدرسه بعد

رانيا لبحرينيه
اتشرف بالزيارة الحلوة للموضوع و ننتظر رجوعش بتفاصيل أكثر

ماما حسون
هلا بسميتي الظاهر كلكم تنتظرون لين يخلا لكم الجو بدون الحلوين حتى تعبرون عن شعوركم هههههه

رقم
فرحت بتواجدش بالموضوع و ارجع و اقول الموضوع وجهات نظر و بالعكس احس الأطفال الحين شخصيتهم تتقبل مثل هذا الشي بس يمكن الأمهات هم الي يخافون على أولادهم ومن انفصالهم عنهم و بالعكس تجربه حلوة بالنسبه لي


وردة الأحلام
ياريت حسون يهدر ولا يقول شي عن الروضه حتى لو نسأله ما يرضى يجاوب و نفس الشي قعدة الصبح بس لما يصحصح خلاص يستانس ولما اروح آخده من هناك ما يرضى يطلع يبي يلعب في الألعاب الي هناك


جناح الروح
هلا و الله اسعدتني مشاركتش بالموضوع و ننتظر يداوم حمود علشان تخبرينا التفاصيل ولا تضغطين على الولد أصلاً هم ما بيعلمونهم من الحين للعشره شوي شوي و اصلاً جدي بيخاف انه يغلط لا تطلعين عقدش عليه هههههههه ويلا حديناش على الهيامه هههه بس المشكله الصبح مجمعات ما تفتح الا عشر يعني قريب ينتهي دوام الروضه بس بعد نعمه هههه


بسمة أطفالي
عطرتي الصفحه بمرورش و فعلاً حلو النظام بس لو الواحد يبي يطلع بالليل ما يمديه اقول لأبو حسن خلنا ننيمه و نخليه عند بيت عمي ونطلع بس هو يخاف يقعد إذا تغير عليه المكان و المشكله زوجي زامات يعني مو شرط ليلة الإجازة يكون هو أوف



فرحت بمروركم و مشاركاتكم وننتظر بكره تفاصيل أكثر

مسز عادل ايوة قلتيها يعني نظل طول الاسبوع محبوسين خخخ
واني ماتعودت انوم الجهال واطلع عنهم ماارتاح صراحة!
وحتى لو فكرت اني اطلع مع خواتي في يوم من السنة مايناسب كلش لان زوجي دايما يطلع في الليل فاضطر امتنع عن الزيارات خلال ااسبوع

واكتفي بيوم الجمعة لو امكن!

شنسوي بعد الله يعين يا بسومة

الحين توه زوجي يقول ان بيتجمعون الليله بيروحون يباركون لخاله متزوج انزين شلون اروح متى بنرجع علشان اعشيه و اسبحه و انيمه

؟؟؟؟

نااااااااااااااااااام ولدي على أنغام بكاؤه وخوفه من بكرة ...

من يداوم ... عطووووووووول التقرير عندكم

مقدمة التقرير الولد ذبح عمره بكي

ويقولي """ أرجوج لا تخليني ""


خايف حده وما استلمته الا تيجر الأنجلش .. الحين بعد عمري أكيد وهي تكلمه مثل الأطرش بالزفة

لا بيسكت ولا هم يحزنون

باقي العرض والخاتمة اذا جا الولد من مدرسته ...

جنوحة في انتظار تقرير البطل