بلييييييز ابي مساعده

السلام عليكم

انا اول مره اكتب مشكله

مشكلتي يابنات زووجي ماعنده راي ولا له كلمه .. كلمه توديه وكلمه تجيبه

اذا الناس قالو صح قال صح واذا الناس قالو غلط قال غلط .. مثل الاطرش في الزفه وماخش عليكم انا اللي امشينا حياتنا
اهوا ماله دور في الحياه
المشكله يابنات مب اهني .. المشكله من كم يوم كنت طالعه بروح مع صديقاتي مجمع نتعشى كلمته قالي روحي وجاني عطاني فلوس ورحت في نص الطريق توني واصله عند بيت صديقتي اتصل لي قالي الحين ارجعي البيت قلت له شفيك قالي ابيج الحين ترجعين قلت له انشاءالله قلت حق البنت خلاص انا بارجع والبنت والله توها نازله بتجيني السياره
المهم لما رجعت الا يقولي انا واصلني كلام عنج قلت له ايش الا يقولي ناس قالو لي شايفينج تمشي في مجمع بروحج

يابنات انا انصدمت فتحت عيوني هال الكلام اللي رجعني عشانه

اول شي والله عمري مادخلت مجمع بروحي المشكله اسم المجمع اللي قالي شايفيني فيه عمري مادخلته الا وهو وياي
وحتى لو شافوني بروحي امشي انا مب فاصخه ولا امشي في مكان وصخ .. وهذي مب شي مهم يخليه يرجعني من نص الطريق عشانه شي سخييييف الصراحه

انا انصدمت قلت له الحين مرجعني عشان هشي السخيف قام قالي خلاص مره ثانيه اي مكان بتروحين انا معاج قلت له اوكي ودني كل مكان (وانا يابنات ماروح مكان الا معاه حتى اذا بروح حق صديقاتي هو يوديني بس هالمره انا طلعت مع السايق) عقب قلت له انته ليش تخلي الناس يدخلن بينا اصلن انا متى بروحي عشان تقولي هالكلام والا انته مب عارف مرتك ولا عارف بيتك وحتى لو صج صار هشي وكنت بروحي شنو الغلط فيني اهم شي يكون واثق في مرته وواثق في نفسه

الحين هو ار له 5 ايام مايكلمني ولا انا اكلمه وماله داعي انه مايكلمني انا ماغلطت في شي وهو اللي غلط في الحركه اللي سواها وحتى يوم جيت بتفاهم معاه قام يقولي اسكتي اسكتي

وقام يطلع اعذار انتي ماتقعدين معاي وانا على طول قاعده في البيت وهو اللي يطلع ويرجع البيت متأخر وينام حتى يتعشى برا مايتعشى معاي ويقولي اتتي ماتاكلين معاي .. شلون باكل معاه وهو مايقعد في البيت

الصراحه شي يبط الجبد طرشت له مسج من يومين كتبت له احبك وتم نفس الشي مخيس النفس ويكلمني بنفسيه يمر علي يتجاهل وجودي

الصراحه انا مقهووووره حدي انا ماغلطت في شي عشان يعاملني جذي ولا بنزل نفسي اكثر واراضيه وهو غلطان وحتى يوم بكلمه يسكتني