جيبالكم اكلة فلسطينية رووعة عملتها قبل يومين بس ما صورت كل الخطوات لكن رح احكيلكم ياها فتحملوا برمي الكتير :D
المقادير اللي بتلزمك
كفتة - بندورة - بصل - فلفل أخضر حار - 5 إلى 6 حبات بطاطا - قليل من الزيت والسمنة - بهارات وملح وقرفة وفلفل اسمر صغير
أول اشي يا صبايا بنجيب الكفتة وبندورها لدوائر
بعد هيك بنجيب صينية بندهنها بزيت الذرة و بعدين بنصف كرات الكفتة وبنخليهم بالفرن لحد ما يستويو تماما وانا بضيف معهم شوية بصل مفروم مشان يعطيهم نكهة اثناء الاستواء
طيب عبال ما تستوي الكفتة
بنجيب الصينية اللي بدنا نشتغل فيها وبنقطع البصل شرائح مدورة والطماطم شرائح مدورة والفلفل شرائح وبتحطي على حسب الرغبة وبعدين بتقشري البطاطا وبتقطعيها شرائح مدورة بس تكون خميلة وبعدين بتزيدي ميا عليهم بس ما تكتري
بعدين بتجيبي كل البهارات اللي حكينا عليها وبتحطيها وبتخلطيهم مع بعض
بس تستوي الكفتة بنضيفها وبعدين بنحط على الوجه شوية سمنة مشان تنكهها
وبنحطها على الفرن لمدة ساعة او ساعة ونص مشان تستوي تماماً وبعدين بنحمرها وتقدم مع ارز ابيض او الخبز
وهادا شكلها النهااائي
احكولي رايكم ويارب تنال اعجابكم
