شخباااركم... عساكم مرتااحين ومستانسيين ,,, دووم يارب
اليووم حبيت اشارككم بتجربتي في عمل حنه للشعر وهدفي افادة الجميع ان شاء الله
اترككم مع الصور
احتجت الى كركديه.. عسل.. قهوة.. شاي وليمون وطبعا الحنه
بالاول غليت الكركديه مع الشاي والقهوه واستخدمت نوعين من القهوه الي اهي اليمنيه والعمانيه وبعدين خليتهم ينقعون لفتره تقريبا ساعه علشان الماي يمتص اللون
بعدها اخذت الحنه البودره وخلطته مع منقوع الكركديه والشاي والقهوه واضفت له العسل وكان كذا نوع بالاضافه الى نصف ليمونه تقريبا
وخليت الحنه 3-4 ساعات تقريبا قبل ما احطه على شعري
وبعدها خليته على شعري كله مع التدليك لفروة الراس( طبعا ماماتي ماقصرت قامت بالواجب :D ربي يحفظهاا قولو آميين) لمدة ساعتين تقريبا ولفيته بشفاف (الي نستخدمه للأكل)
علشان نحافظ على رطوبة الشعر
واخر خطوه طبعا تغسلينه زين مازين (هذا الي يكرهني بالحنه) وتحطين حمام زيت او بلسم مثل ماتحبين
هذي صورة للحنه قبل مايخلص
والحمدلله كانت النتيجه حلوه وحصلت على لون احمر على بني
الي تبي تنقل الموضوع حلال عليها بس ياريت تذكر الاسم والمصدر:)
ان شاء الله اكون افدتكم حبايبيي وما ابي منكم غير الدعااء
ألف تحية(f)