هل اختلاف الرأي يفسد الود في القضية؟؟((فالحياة الزوجية))

اختى الكريمه الحوار الزوجى ليه فنون واصول لازم كل زوجه تتعلمها وطبعا حسب شخصيه الزوج يختلف التعامل مثلا لو الزوج عصبى العناد لا ينفع حتى لو حاسه انك عندك حق هنا الاسلوب الامثل الكلام الحلو والمسايره و اللطف وبين كل هالشى حطى شويه ضعف يحسسه بروجولته وخليك سكن ليه وخليك دائما اهدى ولازم تعرفى الوقت المناسب للانسحاب من الحوار والوقت المناسب لفتحه
اما عن سوالك
نعم اختلاف الراى احيانا يفسد للود قضيه فى الحياه الزوجيه

اختي هذا اولاً واخيراً زوجك ومسؤول عنك ومستحيل يسوي شي مايكون ف مصلحتك ومو معناتها ان انتي مو من حقك تناقشيه لابالعكس لكن جيبيه بالاسلوب الحلو يعني اول شي مقدمات ودايم حسسيه ان كلمته مسموعه يعني لاتحسسينه دايم انك لازم تتكلمين لان الرجال بطبعه يحب يمسك زمام الامور ف اغلب الاوقات طبعاً وكلنا عارفين هالشي لكن كل وحده وطريقة اسلوبها .. اختي نصيحتي لك انك تراجعين نفسك ف طريقة اسلوبك معاه وحاولي تكسبينه مهما صار بس مو معناتها ان كلمتك ماراح تنسمع لكن حاولي تعطينه مجال اكثر وصدقيني اي شي تبينه بيصير لكن بالاسلوب الحلو و( بالصبر ) وهذا اهم شي ..

وسامحيني ع الاطاله اختي وعسى الله يوفقك ع كل حال :)

تقبلي مروري ..

بصراحه

زوجك يحب المراة اللي تطيعه حتى لو انتي عندك وجهة نظر ثانية ابديها بس مو كل مره تخالفنه

قولي انت معاك حق في كذا وكذا وكلامك صح بس في كذا وكذا اختلف معاك

بس لا تكونين عنديه معاه تحملي الرجل ما يحب العناد

يحب الزوجه المطيعة ولا تنسين انك تؤجرين على هالشي

لاتصيرين انتي الرجل عليه او انتي اللي لازم كلمتك تمشي او انتي اللي دائما صح صح

خلي هالشي له لانه يزيد من احساسه ورجولته وقوة شخصيته فبالتالي بيرجع اثره عليك بعاملك بالحنان والحب ..ألخ

فلازم تعرفين ان العناد يسبب مشاكل مثل ما انتي جايفة

فابتعدي عن هالشي حتى تسعدين بحياتك مع زوجك

الخ

اتمنى افدتك ول بشي بسيط

والله يحفظك

وفي النهاية هذي وجهة نظري

الجواب في الموضوع نفسه أختي
قلتي أنا عنيدة وزوجي أعند
طيب ماراح يصير كل شخص منكم يشد ع الحبل
تراه راح ينقطع في نهاية المشوار
الكلام الهادئ اللي يصاحبه دلع يحل الموضوع كامل :)

طيب انا معاكم خواتي,,

المشكلة هو يقول مستعد يسمع رايي بس الكلمة الأولى والأخيرة له,,طيب ما اختلفنا

بس اذا جيت اقول رايي يبدأ يقول اني اعانده!

يعني مجرد اني قلت رايي بالموضوع يقول انتي كل شي تعاكسيني!

طيب قولي له أنه رأيك ماتقصدين شي ..!
صحيح والله بعض الرجال يجيبون القهر
بس أختي لاتحرقين أعصابك وتتعبين نفسك
:)

والله مدري شقولك الله يساعدك
حاولي بعدك فيه
وأكثري من الاستغفار والدعاء ان الله يهديه ويصلح باله
وبعد تصدقي بنية الاصلاح بينك وبينه

شوفي يا عمري ترى الرجال ما يتعاند أبدا وبالكلمة الحلوة والضحكة الدلوعة تخلينه يبيع ثيابه علشانك يعني لو طلب منك شي حتى لو ما موافقة عليه بساعتها قوليله حاضر وعلى عيني وبتمون على الرقبة والرقبة سدادة اخخخخ بس بعدين وبالكلمة الحلوة والصوت الواطي ممكن اتقوليله شو رأيك حبيبي بهالرأي وشوي شوي ترى بتسوي اللي براسك يا عمري الرجال حتى لو حس إنه غلطان ما حيغير رأيه لو عاندتيه والست الذكية هي اللي تعرف دواء زوجها ونقطة ضعفه وتستغلها ترى لا هو عيب ولا حرام بالعكس ان شاء الله لها الثواب

تسلموون حبيباتي,,
يعني برايكم ان اذا لي وجهة نظر مختلفة اسكت و اقول حاضر وبس؟؟

اختي لولية حاولت معه بكل الأساليب بس هو كلمته وحدة و رايه مستحيل احد يغييره!

نور العرب مشكورة حبيبتي ع اهتمامك:)

لاماتسكتين قولي رأيك
بس أبدي بكلمة أنا أشوف ..كذا
وإذا حسيتيه فتح أسطوانة إنتي بس تبغين تخالفيني
قولي له رأيي وحبيت أقوله :)

في العادة الازواج إللي على قدر من الثقافة والعلم
يتجادلون بطبيعة الحال

فالجدال والنقاش ضمن إطار المعلومية مفيد
وقد يفتح باب للتعلم والتنوير

اما إذا كان النقاش مفتوح من باب الجدال الفارغ .. فهذا لا يعتد به إلا حلبة مصارعة

عموما
المرأة عادتاً اذكى وادهى من الرجل
ويجب ان تحفظ توازنها اكثر منه
وحين النقاش احيانا قد تهزم المرأة الرجل ويشكل هذا لحظة ضعف عند الرجل .. وخصوصا الشرقي
صعب جدا صعبة عليه يتقبل الهزيمة وخصوصا من امرأة

بصراحه اتخيلكم توم وجيري *_^

لا باس يا عزيزتي
ولكن ضعي في الحسبان ان الأحترام اولا واخيرا في كل النقاش والجدال
واختلاف الرأي بلا شك لا يفسد للود قضية