ذاك الهوي ياليت ربي يعيده

أبيك ياللي غبت غالي وجذاب......كانت معاك أيام عمري سعيده

عايش علي ذكراك والجرح ماطاب.....ذاك الهوي ياليت ربي يعيده

كانت ليالينا بلاهم وعتاب........عشنا مع الاحباب دنيا فريده

كنت أنتظر شوفه علي فتحة الباب.....وأهدي له أوراق الغرام العديده

نخاف يلمحنا علي الدرب الاصحاب......ونسمع أشاعة ناس ماهي أكيده

العمر يمضي والزمن فرق الاحباب......والشمس غابت والاماني بعيده

اللي نبي ليته عن العين ماغاب.......ليته دري وشلون همي يزيده