ما شعورك لو قال لك شخص أكرهك؟

السلام عليكم ورحمة الله وبركاته ..

عزيزتي ..

اول شي أكيد بزعل وأتضايق .. لكن احقد لا ما اظن .. بس اقعد

مع نفسي لحظات وارتب واعيد اوراقي لانه مو معقوله من غير

سبب بيكرهني واذا كان من غير سبب او سبب تافه فهذا شي يراجع

له .. واذا انا عرفت السبب وحاولت اتصالح معاه وهم مارضى ..

ماهمني حبني او كرهني .. اللي عليي سويته ..

(( واللي باعك بيعه )) _ _ _ (( اللي نساك انساه )) :clap:

:up:


أنا بقولج عن موقف صار لي في الدوام :smile: كان عندنا اجتماع المهم كل موظف عرف شغله وعرف مكانه وأنتى عارفه تفضيل المسؤول للموظف شو نتائجه وانا كنت وحده من هذى الموظفات يعني قدرت اثبت مكاني امبينهم رغم اني موظفه يديده :up:

فانا ماره بالصدفه وحده من الموظفات قالت لي انا ما ادانيج يعني ما احبج او بالاصح تكرهني :down:

:eek2: نظرت لها وابتسمت قلت في خاطري والله علي راحتج حبيتيني ولا لا وانا ما شليت في خاطري بس استغرب من موقفها رغم انها موظفه قديمه ام عيال :eek2:

فمن هذاك اليوم وانا مستغربه :rolleyes: ما فتحيتها في الموضوع عارفه قسم يكون في حريم لزم بيكون فيه الحش والقراض ورمسه الحريم الي ما لها داعي :D2 انا وحده من النوع الي اطنش ..

وهذا هو الموضوع كله


تحياتي
بنت ديره
:shy:

مرحباااااااااااااا عزيزتي
اشكرك على هالموضوع الحلو
اولاً يا عزيزتي لا اتوقع ان يكرهني شخص بدون ما يعرفني معرفه دقيقة
فمن المؤكد ان كرهه هذا كان له سبب
وفي حالة مصارحته لي سوف احاول ابحث عن الأسباب وإذا كان في سوء فهم احاول اصلحه
المهم اني ما ارضى انو يكون في انسان يكرهني او يحقد علي
بس الأكيد إني لازم أراجع حساباتي وأعرف الأسباب واصلح من نفسي
أما إذا كان دافعه للكره حقد فقط فالله المشتكى ..
يعطيك العافيه

أما موقفي الصراحه...

ابتسم وأقول شعور متبادل....مع أني ابعامله معامله رقيقه حتى يندم...

السلام عليكم ورحمة الله

اختي

اولا : بسأل عن السبب اذا فا همتني غلط بشرح لها واذا اصرت

بكيفها واقول : من باعنا بعناه ... لو بالحيل غالي

يا صاحبي وش حصل وش ذا الجفا كله .....

ما صار مني خطا يوم أنت تجفاني..

ان جيت يمي ... أسوق ألفين ترحيبه ...

وان رحت .. قلبي على ماشال لك وافي

ثانياً : ياليت يقولون ويصرحون باللي في خاطرهم الا يتصيدون على

الواحد اي زله حتى لو هي تافهه ويتسببون والشخص معهم طيب

وهذا جزاه منهم حتى اقرب الناس لك

من خان بالعشره كما بايح السد .....

ماله مواثيق ولو جاك تايب ..

اذا انا واثقه من تصرفاتي واخلاقي ما يهمني حبني احد ولا كرهني


براحتهم اقل من راحتهم

السلام عليكم

انا راح استانس على هاي الشخص...ويمكن احبه زياده...يمكن تستغربون من ردي ..بس هاي الصج....ترى انه يقولي شعوره اتجاهي احسن من انه يظل كاتمه في قلبه...واكيد ..انا ما اتوقع الدنيا كلها تحبني يعني ما راح ازعل ..شي طبيعي انه بيكون في حد كارهني....

ومشكوورين على الموضوع

:D2 انا أول شي راح اضحك اسمحولى اشوي ..... هاهاهاهاهاها

:s2 اتعرفون شو راح اقوله او الها.....

:up: انته كده :up:

والله بكيفه يحبني ولا مايحبني منو هو علشان ياثر فيني محبته او كرهه ماراح تاثر فيني

عادي والله


اخذها بروح رياضيه


لانه ما اهتم بشي


سلملم

هذا شئ طبيعي وممكن نتعرض له في أي وقت

وماهو من الخطاء أنه في شخص يكرهني

لاكن الخطاء تكمن في طريقة ردت الفعل حياله

وأنا من وجهة نظري راح أحاول أخذ الأمور ببساطه

وهذا حدث معي تقريباً لأني الحمد لله أنسانه ناجحه

وكرهه يفرحني لأنه يشعرني بالنجاح الي أنا فيه



مملكة القلوب

بصراحه ماحصلت لي بس اتوقع أقول ..


ليه فاكرني أمووووووووووت عليك ...


أصلا قله ادب إن الواحد يقول للثاني أكرهك