الفزعة يا عروسات البحرين أختكم بحاجتكم

الله يرزقنا ياااااااااااااااااارب

ان شاء الله بنات البحرين يفيدونك..........

مشكورة اختي على مرورك الكريم

خيووو اني اللي سمعته الدكتورتين زينين

وان شاء الله ربي ما يخيب دعاش والله يرزقش الذرية الصالحة ان شاء الله

بحق محمد وال محمد

مشكورين خواتي على مروركم بس حبيت أعرف من فيه في مستشفى ابن النفيس أقدر اروح أسويها عنده وشنو الاجراءات الازمة الي علي أن أقوم أبها؟

هم انا سمعت ان ثنتينهم زينين وربي يرزقج الذرية الصالحة ...

أختي ارى ان الوقت مازال مبكر

سؤالي بالتحديد هل قمتي بعمل متابعة تبويض عند الدكتورة ؟؟

جربي شهر تابعي التبويض وفي اليوم المناسب راح تعطيك الدكتورة ابرة وتحدد لك ايام الجماع لحدوث الحمل ،، يمكن انتي ماصادف الجماع ايام التبويض؟؟

لو حبيتي تعملي الاشعة الصبغة اول ما تنزل دورتك اتصلي ع المستشفى وخلهم يحولونج على قسم الاشعة وبعدين خبريهم انج تبين موعد للاشعة غالبا بيعطونج موعد ثامن او عاشر يوم من الدورة..

تقريبا الاشعة ب 45 دينار

تسلمي اختي أنا وردة على مرورك بس السالفة ومافيها اني كنت أتعالج من بعد ان تعرضت للاجهاض والدكتورة كانت تتابع أيام التبويض عندي وكل شي سليم وعطتني راحة لمدة 3 شهور لان كل شي طبيعي عندي طبعا بعد ان اعطتني لكلوميد والدفستون وحمض الفوليك والابر المنشطة خلال فترة علاجي الي استمرت سنة ونص ولكني قطعت العلاج قلت يمكن احمل بدون علاج خصوصا ان مافي عائق يمنع هالشي لكن مشيئة الله فوق كل شي بعد انتهائي من الجامعة قررت ارجع للعلاج فخبرتني اني لازم اسوي اشعة بالصبغة الملونة للرحم عشان تتأكد هل قناتي فالوب سالكة وسليمة عندي لو لا ومثل ما قلت الحين صار ليي 5 سنوات من تزوجت ومافي مجال للتأخير .

بالنسبة لي انا وزوجي لما تأخر الحمل سوينا فحوصاتنا بالمركز الصحي ولما عرفوا ان في مشكله عند زوجي حولنا على السلمانيه مركز الفاتح عند الدكتورة خلود الدرازي رحت موعدين وللحين ماشفتها اشوف الدكتوره المنيبه عنها.... المهم ومن اول مره رحت لهم في الموعد عطونا انا وزوجي نعيد الفحوصات كامله ومن ضمنها اشعة الصبغه لي وعطوني التعليمات ولما انتهيت من الدورة رحت بالموعد المحدد وسويتها وكانت وايد سهله وبسيطه ولا له داعي الخوف منها ابدا ابدا والحمدلله سليمة حتى انا ماتوقعت الاهتمام هذا كله من السلمانيه ماشاءالله تقريبا كل شي مطلوب سوه لي مع اني عندي اطفال 2 من قبل لكن اهتموا فيني ومن جم يوم سويت التراساوند مهبلي اللي يسوونه بوقت الدوره ... والحمد لله انا كل شي سليم عندي والمشكلة بزوجي ننتظر يتحسن مع العلاج وبعدها بيبتدون معاي بكورس المنشطات ...

وعن الدكتورة خلود وزينب اللي نسمعه عنهم انهم وايد زينين ... ولا تترددين بأنج تروحين لاي وحده فيهم ...اللي تحصلين مواعيدها اقرب روحي لها ... مع اني اشوف السلمانيه ماقصروا معاي في شي...

بس انتي ... سويتين تحاليل جديده للهرمونات وزوجج سوى تحاليل جديده له ... ولا لا ؟؟؟

اذا لا ... فأشعة الصبغه ماراح تكون كفايه .. فأنصحج اختي روحي خلهم يسوون لج تحويل على السلمانيه ... وعلى الاقل سووا كل التحاليل والاشعات المطلوبه وتأكدي الخلل وين بعدين اذا حسيتي ان السلمانيه يبي لهم وقت وانتظار وايد روحي لدكتوره بالخاص وتابعي معاها الباقي ...

انا عني الى حد الان مقتنعه بعلاجي معاهم لكن لو تحسن زوجي وحسيت ان علاجهم بطيئ ... مثلا لو احتاج كورس المنشطات واحتاج متابعة تبويض وما شفت منهم اهتمام راح اروح الى الدكتورة خلود بعيادتها الخاصه علشان اكسب الوقت ..

حلم السعادة وتوت بري أنا شاكرة لكم مروركم بالنسبة لتعليقاتكم..
مشكورة أخت حلم السعادة على المداخلة وأنا بالفعل كنت أبغي أستفسر منك عن كيفية اجراء الاشعة بالصبغة لانك توك مجربتها لاني جدا خايفة والوسواس يساورني في كل لحظة وفي نفس الوقت حريم كثير سألتهم عن هالاشعة لانهم جربوها الكل خوفني لدرجة انهم وصفولي الادوات الي تدخل في الرحم والالم الشديد الي راح ينتج عن ادخال هذي الادوات بس مافي اليد حيلة لازم أسويها وراح أتوكل على رب العزة وأكيد مارح يخيبني بغض النظر عن كل النتائج سواء كانت بالسلب أو الايجاب.

أما بالنسبة لسؤال الاخت العزيزة توت بري
سويتين تحاليل جديده للهرمونات وزوجج سوى تحاليل جديده له ... ولا لا ؟؟؟

أي نعم سويت أنا وزوجي تحاليل جديدة وكانت في شهر رمضان لهذي السنة وكانت تحاليل زوجي جدا مرضية وعال العال وبالنسبة لي كانت تحليل الهرمونات جيدة وعملت كذلك فحص مهبلي بالاتراسوند وكان الرحم نظيف وحجمه مناسب وقادر للحمل .
لذلك بما أن كل شي سليم قررت الدكتورة عمل أشعة بالصبغة الملونة للرحم لكي تقطع الشك باليقين ويصبح كل شي سليم عندي .

هلا اختي ربيانة...حبيت افيدج بتجربتي عن اشعة الصبغة..الاشعة غير مؤلمة وتشبه فحص الالتراساوند المهبلي من ناحية الالم (يعني لا يوجد الم يذكر ) ولا تخافين والله ييسر لج يارب ويرزقج ويرزقني ويرزق كل المحرومين.
انتي جن عمرج الحين؟؟ لان الواحد ما لازم ينتظر اكثر

ايه نسيت اخبرج أنا سويتها بالعسكري من زمان سنه 2004 وكان السعر تقريبا 28 دينار وهو انسب سعر لقيته في ذاك الوقت. جيكي معاهم واخذي لج موعد عندهم اول ما تييج الدورة.

هلا فييج اختي..

الله يعوضج حبيبتيي ويعوض صبرج خير ان شاء الله وعلى اشعة الصبغه انا سويتهاا والحمدلله من تجربه من نفس الشهر

حملت والحمدلله وكنت مثلج متخوووفه بس قويت قلبي عشان الحمل وسويتها في السلمانيه من صوب الدكتورة زينب

الجفيري اهي حولتني على السلمانيه اسويهاا ونصييحه خلج على دكتوررة ززينب خووش دكتورة ماشاء الله عليهاا

والله يررزقج قريبا

مسامحة خواتي ماقدرت ارد عليكم لاني كنت مشغولة اشكر كل الي عقب على موضوعي
بالنسبة لسؤال الاخت سيدة جوكلت أني ألحين عمري 26 سنة .
قررت اني اسويها في ابن النفيس لان الكل نصحني اروح هناك .

بحرينة عز مشكورة على البوش الي عطيتيني اياها والله يتممها عليج بخير وتقومين بالسلامة ولا تنسينا من دعائج.

ماعليش شر خيووو
والله يرزقش ان شاء الله
بس وايد يمدحون زينب الجفيري
شوفي جربي روحي الليهاااا

سبحات الله وووبحمده
سبحان الله العظيم

الدكتورتين ماشاء الله يمدحونهم
الله يسهل امورج

أهم شي كوني ريلاكس و نفسيتج لا تعبينها